Le 9:23 - Sơ̆p Hlabơar Nơ̆r 'Bok Kei-Dei

²³ Na Môis yơ̆r hloi 'long jra sư tơ plĕnh, Kră Yang ăn đei grơ̆m glaih 'mi prĕl jruh, glaih taih jơ̆p kơpal teh. Na Kră Yang ăn plĕnh 'mi prĕl jruh jơ̆p kơ dêh Êyiptơ.

Le 9:23 Iomraidhean Croise

Bl 19:24

Na, Kră Yang ăn 'mi prĕl ŭnh păng ŭnh đơ̆ng plĕnh ti jruh tơ Sôđôm păng Gômôrơ,

Jop 37:13

Kră Yang pơm pơkeh kiơ̆ thoi Sư wă kơpal teh. Phŏ iŏk sơnguĕt teh bơtho phak, phŏ ăn kơ kon bơngai tơdrong pŭn hiôk.

Horiso 147:17

Sư tơjruh 'mi prĕl tơngiĕt thoi hơga. Bu kĕ oei tơ lăm prĕl tơngiĕt Sư ei.

Horiso 148:8

Ơ ŭnh păng 'mi prĕl, prĕl păng hơmơ̆l. Kial hơbŭt chu kiơ̆ Sư athei.

Horiso 18:13

Kră Yang Sư pơm grơ̆m glaih tơ kơpal plĕnh. Kră Yang kơpal hloh ăn kơ đe kơtơ̆ng nơ̆r Sư. Tơ lăm 'mi prĕl hăm ngar ŭnh ngŭr

Horiso 29:3

Nơ̆r Kră Yang ư-ang jơ̆p tơ kơpal đak. Kră Yang Kră Yang 'Bok Kei-Dei nơ̆r Sư pơma re jur thoi grơ̆m glaih.

Horiso 77:18

Grơ̆m Ih re kiơ̆ lăm kial hơbŭt; Kơmlat pơchrang hơdah kơ teh đak; Teh pơpơ̆ păng tơdrŏ.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 9:18

Lei dơning trŏ jơ 'nâu, inh gô ăn plĕnh đei 'mi prĕl tih, lăm dêh Êyiptơ mă đơ̆ng blŭng-a sơ̆ khơ̆ dang ei ưh tam mă đei 'mi prĕl tih lei-lăi thoi năr noh.

Le 9:24

Đei 'mi prĕl jruh tih tơpă păng glaih taih rŏng anăp, kư̆m dêh, đơ̆ng sơ̆ khơ̆ tơ dang ei lăm dêh char Êyiptơ tam mă đei tơdrong truh thoi noh.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsêkiên 38:22

Inh gô phak lu sư hăm tơdrong jĭ hơpoh hăm đao hơlă 'bet pơlôch pham lĕch, Inh gô ăn 'mi hơbŭt, 'mi prĕl, ŭnh păng tơmo ngŭr tuh tơ lu sư, tơ lu kon pơlei kiơ̆ sư hăm lu linh sư.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Tơdrông Tơ'bôh 16:18

Klaih kơ noh na đei hloi grơ̆m aru 'mi pru sơaih glaih tơdrăng păng đei teh adrŏ tơtơ̆ng krưp dêh; đơ̆ng kon bơngai pơtơm oei tơ teh sơ̆ khơ̆ năr noh kơnh ưh tam kơtơ̆ng teh adrŏ krưp dang noh.

Tơdrông Tơ'bôh 16:21

Klaih kơ noh Sư pơm 'mi pru prĕl tih huŏng đơ̆ng plĕnh kơdŭk kơdăk trăp dang pơđăm-jĭt kĭ kơtĭt kon bơngai tơ teh. Kon bơngai blei hiap 'Bok Kei-Dei, yua kơ 'Bok Kei-Dei phak păng 'mi prĕl tih krưp ei.

Tơdrông Tơ'bôh 8:7

Lăp linh jang 'lơ̆ng mă mônh hlôm keng, na đei hloi 'mi prĕl tih tơpă. Păng đei ŭnh hăm pham huŏng đơ̆ng plĕnh truh tơ teh, ŭnh sa pơđĭ minh lăm pêng pah teh đak. Lu 'long, ŭnh sa đĭ minh lăm pêng pah, tôm kơ 'nhĕt kư̆m lei-lăi sa pơgoh hloi.