Le 9:2 - Sơ̆p Hlabơar Nơ̆r 'Bok Kei-Dei

² Tơdah ih ưh kơ ăn năm, oei pơkơ̆ng lu sư.

Le 9:2 Iomraidhean Croise

Horiso 68:21

Tơpă Kră Yang 'Bok Kei-Dei gô pơjuă pơhĕch lê̆ kơ̆l lu ayăt kơ Sư. Kơpal bơwĕnh sŏk mă lu bơngai oei pơm kơnê̆.

Le 10:4

Tơdah ih ưh kơ chu ăn kon pơlei inh năm, lei dơning inh gô ăn lep truh tơ jơ̆p-jang lăm char ih;

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 8:2

Tơdah ih ưh kơ achăng lu sư năm lei inh gô ăn tơdrong truh đei kit tơ jơ̆p-jang kơ dêh Êyiptơ.

Le 9:13

Kră Yang khan kơ Môis, ih athei iung mă hrôih năm tơ'bơ̆p Pharaôn na khan kơ sư: Kră Yang 'Bok Kei-Dei kon pơlei Hêbrơ, đei khan: Athei achăng lê̆ kon pơlei Inh năm, wă kơ lu sư kơkuh kơ inh,

Le 9:3

Lei ti mơsêh Kră Yang gô pơm kơ lu sem dơrong ih oei tơ tơmăn glă, pơm kơ aseh, aseh iĕ, lăk-đa, rơmo, bơbe păng triu: Gô lôch kơ toi.

Êsai 1:20

Mă-lei tơdah lu iĕm ưh kơ chu păng 'maih blơ̆ blĕch Inh, lei đao gưm gô pơrăm lu iĕm;” 'bơ̆r Kră Yang đei pơma bơih.

Rom 2:8

Bơngai bu băt 'mêm kơ akâu sư kơdih, ưh kơ 'mêm kơ tơdrong 'Bok Kei-Dei, sư wă kiơ̆ tơdrong kơnê̆ ngăl, bơngai noh 'Bok Kei-Dei gô phak sư kơtang kơtĭt tơpă.

Tơdrông Tơ'bôh 16:9

Tŏ sa kon bơngai na kon bơngai blei hiap pơma kơnê̆ kơ 'Bok Kei-Dei, yua kơ 'Bok Kei-Dei phak pơmat lu sư tôm tơdrong thoi noh. Mă-lei lu sư ưh kơ chu tơbral tơdrong yoch 'mơ̆i hăm ưh kơ wă ư-ang kơ 'Bok Kei-Dei.