Le 9:19 - Sơ̆p Hlabơar Nơ̆r 'Bok Kei-Dei

¹⁹ Lei na mă tĕnh dang ei athei bơngai năm dui puh akŭm sem dơrong ih păng đĭ-đăng lu tơmam ih đei đơ̆ng mir chŭn wih tơ hnam wă huay truh kơ sư. Yua kơ 'mi prĕl gô jruh huŏng 'bơm bơngai păng sem dơrong tơ tơmăn glă tơ mir noh tơdah ưh kơ đei bu puh brŏk tơ hnam lei lu sư gô lôch đĭ.

Le 9:19 Iomraidhean Croise

Horiso 78:48

Sư pơrăm sem dơrong lu sư hăm 'mi prĕl. Păng khŭl triu lu sư ăn kơ grơ̆m glaih.

Le 9:25

Prĕl jruh jơ̆p-jang kơ dêh Êyiptơ 'mi prĕl pơrăm đĭ sem dơrong tơmam tơ tơmăn glă, 'bơm kon bơngai, 'bơm sem dơrong, 'bơm 'nhot sa, lăm mir păng kư̆m 'bơm truh tơ đĭ-đăng lu 'long păk tơgơ̆ mơ̆n.

Le 9:6

Lăp truh năr dơning, na Kră Yang pơm tơdrong 'noh; đĭ-đăng sem dơrong lu bơngai Êyiptơ lôch ngăl; mă-lei lu sem dơrong lu bơngai Isơrael ưh kơ đei lôch minh pôm.

Êsêkiên 33:5

Yua kơ sư kơtơ̆ng boih keng re, mă ưh kơ kơchăng, pham sư gô tuh tơ kơdih sư, mă-lei tơdah sư kơchăng, sư gô pơklaih tơdrong arih sư.

Habakuk 3:2

Ơ Kră Yang! Inh kơtơ̆ng boih đe roi gah anăn Ih păng tơdrong Ih pơm na inh hli tơrơ. Ơ Kră Yang! Apinh Ih ăn tơdrong jang Ih oei hơnơ̆ng rim khei rim sơnăm lăm teh đak. Apinh Ih bơtho tơ'bôh ăn kơ rim 'nu băt nhen! Kơplah Ih oei hil, apinh Ih 'nĕ kơ hiơt tơdrong mơnat!