Le 8:8 - Sơ̆p Hlabơar Nơ̆r 'Bok Kei-Dei

⁸ Pharaôn krao hloi Môis păng Arôn na khan: Krao khan bĕ kơ Kră Yang wă kơ Sư puh kit weh đơ̆ng inh păng đơ̆ng kon pơlei inh; na inh gô achăng kon pơlei Hêbrơ năm pơyơ̆r tơmam soi kơkuh kơ Kră Yang.

Le 8:8 Iomraidhean Croise

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Le 10:16

Thoi noh Pharaôn hăt hot krao Môis păng Arôn na khan: Inh pơm yoch hăm Kră Yang 'Bok Kei-Dei lu iĕm păng hăm măr iĕm hai.

Le 10:17

Dang ei, apinh ih mơnat ăn kơ inh pă minh wơ̆t 'nâu; păng krao khan bĕ kơ Kră Yang 'Bok Kei-Dei lu iĕm, wă kơ sư iŏk lê̆ đơ̆ng inh tơdrong pơrăm krưp 'nâu.

Le 10:18

Môis lĕch hloi đơ̆ng hnam Pharaôn păng krao khan kơ Kră Yang.

Le 14:5

Kơplah đe roi kơ pơtao Êyiptơ khan kon pơlei Hêbrơ kơdâu jăk đĭ boih, jơhngơ̆m Pharaôn păng lu bơngai bơ̆jang kơ sư, tơplih hloi, lu sư khan: Lu bơ̆n pơm thoi âu, achăng lê̆ kon pơlei Isơrael năm, ưh pă bơ̆jang kơ bơ̆n dơ̆ng.

Le 32:11

Mă-lei Môis krao apinh hloi Kră Yang 'Bok Kei-Dei sư khan, Ơ Kră Yang, liơ Ih ơh blĕk hil mĭl kơ kon pơlei pơla Ih, khŭl bơngai mă Ih đei chông tơlĕch bơih đơ̆ng char Êyiptơ hăm tơdrong mơsêh tih hăm ti pran kơtang Ih?

Le 5:2

Mă-lei Pharaôn tơl: Kră Yang noh bu? Mah athei inh chu kơ nơ̆r Sư, ăn kon pơlei Isơrael năm? Inh ưh kơ băt Kră Yang ôh; kư̆m ưh kơ ăn kon pơlei năm mơ̆n.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Le 8:29

Môis drơ̆ng khan: Inh gô krao khan apinh Kră Yang tơgŭm ih; dơning roi wŏng gô weh ataih đơ̆ng ih, đơ̆ng đĭch đam ih păng kon pơlei lu iĕm. Mă-lei apinh ih, 'Nĕ pă hơlĕnh kơ lu nhôn dơ̆ng, na ưh kơ ăn kon pơlei nhôn năm pơyơ̆r tơmam soi sơmah kơ Kră Yang nhôn.

Le 8:32

Mă-lei Pharaôn oei arăng kơ̆l ưh kơ chu dơ̆ng mơ̆n, ưh kơ ăn kon pơlei năm ôh.

Le 8:9

Môis khan kơ Pharaôn: Apinh ih đei jơhngơ̆m hiôk tơbăt ăn kơ inh layơ ih wă kơ kit weh đơ̆ng ih đơ̆ng hnam ih đơ̆ng đĭch đam hăm đơ̆ng kon pơlei ih, na inh krao khan apinh Kră Yang wă kơplah noh kit lôch đĭ păng oei pă lăm đak krong đĕch.

Le 9:27

Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

Le 9:28

Krao khan bĕ kơ Kră Yang, wă kơ jah huay kơ grơ̆m glaih păng 'mi prĕl; na inh gô lê̆ lu iĕm năm, ưh pă gô đunh dơ̆ng boih.

Le 9:33

Môis lĕch đơ̆ng Pharaôn, năm tơ 'nguaih pơlei; sư yơ̆r ti tơ Kră Yang, grơ̆m glaih păng 'mi prĕl pơdơh na đak 'mi kư̆m prăng hloi ưh pă kơtoh tơ teh dơ̆ng boih.

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Jang 8:24

Na Simôn khan kơ bre sư thoi âu: “Apinh biĕm krao khan kơ 'Bok Kei-Dei tơgŭm inh; apinh Sư mơnat kơ inh 'nĕ ăn kơ inh hiong lăm dơnâu ŭnh thoi ih khan hei.”

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.