Le 8:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai pơjâu khan kơ Pharaôn, 'Nâu boih hơnglâu ti Kră Yang 'Bok Kei-Dei; mă-lei Pharaôn oei arăng kơ̆l ưh kơ chu, ưh kơ mơ̆ng Môis păng Arôn thoi nơ̆r Kră Yang khan boih.

Le 8:19 Iomraidhean Croise

Bl 41:24

Na tơpơh hơie 'ba bo noh luăn pơđĭ lê̆ tơpơh hơie 'ba akâu noh. Inh đei roi boih kơ lu bơngai hơgei juăt kơ tơblang ră, mă-lei ưh kơ đei bu gơh tơblang.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Le 10:23

lăm pêng năr noh lu đe ưh kơ gơh 'bôh dih băl ưh kơ đei bu gơh chă rơrĭ tơ nai. Mă-lei lăm tơring kon pơlei Isơrael oei tơ noh đei hơdah jơ̆p-jang.

Le 10:7

Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Le 11:7

Mă-lei, lăm đĭ-đăng kon pơlei Isơrael hiôk-hian mă đơ̆ng kon kŏ kư̆m gô ưh kơ kuăl, mă kon bơngai, mă sem dơrong; wă kơ lu iĕm băt kơ Kră Yang ăn kơ kon pơlei Isơrael hăm bơngai Êyiptơ phara.

Le 7:13

Thoi noh ră mă-lei jơhngơ̆m Pharaôn oei ưh kơ chu, ưh kơ mơ̆ng Môis păng Arôn, lei-lăi thoi nơ̆r Kră Yang khan lê̆ adrol.

Le 7:4

Mă-lei Pharaôn ưh kơ 'maih mơ̆ng ih ôh; Inh gô yơ̆r ti dan kơpal teh Êyiptơ, yua lơ tơdrong phak tih, wă iŏk tơlĕch lu khŭl linh Inh, lu kon drŏ-nglo Isơrael đơ̆ng char Êyiptơ.

Le 7:5

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Le 9:26

Lăp pă minh tơring Gôsen đĕch anih kon pơlei Isơrael oei mă ưh kơ đei 'mi prĕl truh tơ noh.

Le 9:4

Kră Yang gô klah lê̆, sem dơrong lu bơngai Isơrael ưh kơ đei minh pôm lôch kơ toi, sem dơrong lu bơngai Êyiptơ đei lôch kơ toi đĭ.

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Mathiơ 12:28

Mă tơpă đơ̆ng Yang Bơhngol 'Lơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Luka 11:20

Mă tơpă đơ̆ng 'Bok Kei-Dei ăn kơ Inh, na Inh gơh pơpuh yang kơnê̆. Thoi noh na iĕm 'bôh ră 'Bok Kei-Dei wă pơgơ̆r tơ ala teh âu boih, mă-lei iĕm ưh kơ băt ôh.

Yo 11:47

Na lu bơngai Pharisi păng lu 'bok soi tih krao akŭm lu kră sek tơlang. Akŭm boih lu sư khan: “Bơ̆n wă pơm thoi yơ kơ Yêsu, yua kơ Sư gơh pơm lơ tơdrong mơsêh mơyang.

Jang 4:16

“Bơ̆n wă pơm liơ kơ bre sư? Đĭ-đăng bơngai lăm Pơlei Jêrusalem kơtơ̆ng boih tơdrong mơsêh mơyang noh bre sư pơklaih bơngai hơwen hơwo âu, bơ̆n ưh kơ gơh khan ưh ôh yua tơdrong noh tơpă.

I Sam 6:3

Lu sư tơl khan: Tơdah lu iĕm wă ba Hom Pơgơ̆p Kră Yang đe Isơrael wih 'nĕ kơ năm ba hoh đĕch; iĕm athei chĕp ba tơmam soi wă huai iŏk tơdrong glăi, na lu iĕm gơh klaih păng kư̆m băt yua kơ kiơ Sư ăn tơdrong gleh truh ling-lang tơ iĕm noh.

I Sam 6:9

Na lu iĕm lăng hnhoi sư năm; tơdah lu sư năm tơ gah hơdral char sư tơ pơlei Bêt Sêmes, lei 'nâu Kră Yang 'Bok kei-Dei Isơrael boih phak pơrăm bơ̆n; mă-lei tơdah rơmo yak năm trong nai lei ưh kơ trŏ Kră Yang 'bok Kei-Dei phak lu bơ̆n. Tơdrong phak truh noh băt truh kơdih đĕch.