Le 8:16 - Sơ̆p Hlabơar Nơ̆r 'Bok Kei-Dei

¹⁶ Kră Yang khan kơ Môis: Athei Arôn: Yơ̆r bĕ 'long jra ih, tôn tơteh: Wă kơ 'mui teh noh jing sơmĕch jơ̆p-jang kơ dêh Êyiptơ.

Le 8:16 Iomraidhean Croise

Horiso 105:31

Sư pơma na đei hloi roi wŏng truh, Păng mur 'bĕnh-'bang kơ dêh lu sư,

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Le 8:17

'Bar 'nu bre sư pơm thoi noh. Na Arôn chĕp 'long jra yơ̆r ti tơ kơpal tôn tơ teh, 'mui teh jing hloi sơmĕch, kôp 'bĕnh-'bang kơ bơngai păng sem dơrong; đĭ-đăng 'mui teh jing kon sơmĕch ngăl jơ̆p lăm dêh Êyiptơ.

Le 8:18

Lu bơngai pơjâu kư̆m 'maih tơwir pơm lei-lăi, wă kơ 'mui teh jing kon sơmĕch, mă-lei lu sư pơm ưh kơ gơh, na sơmĕch 'bĕnh kơ bơngai păng sem dơrong lu sư.

Le 8:5

Na, Kră Yang khan kơ Môis: Khan bĕ kơ Arôn: Athei chĕp 'long jra yơ̆r ti tơ kơpal thong đak tih iĕ, đak dơnâu, wă kơ kit tŏk đơ̆ng noh năm tơ jơ̆p kơ dêh Êyiptơ.