Le 8:10 - Sơ̆p Hlabơar Nơ̆r 'Bok Kei-Dei

¹⁰ Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Le 8:10 Iomraidhean Croise

II Sam 7:22

Ơ Kră Yang, Kră Yang inh, Ih boih Kră Yang Tih Hloh ưh kơ đei bu hơtŏ kơ Ih, păng ưh kơ đei Kră Yang 'Bok Kei-Dei nai hloh kơ Ih, thoi kơ đon nhôn đei kơtơ̆ng boih.

I Ho 17:20

Ưh kơ đei bu thoi Ih ôh, ơ Kră Yang păng ưh kơ đei Kră Yang 'Bok Kei-Dei nai thoi Ih, kiơ̆ thoi đon lu nhôn đei kơtơ̆ng boih.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Horiso 86:8

Ơ Kră Yang, lăm lu yang ưh kơ đei bu thoi Ih; Dôm tơdrong jang lu sư kư̆m ưh kơ đei thoi tơdrong jang Ih.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Le 8:9

Môis khan kơ Pharaôn: Apinh ih đei jơhngơ̆m hiôk tơbăt ăn kơ inh layơ ih wă kơ kit weh đơ̆ng ih đơ̆ng hnam ih đơ̆ng đĭch đam hăm đơ̆ng kon pơlei ih, na inh krao khan apinh Kră Yang wă kơplah noh kit lôch đĭ păng oei pă lăm đak krong đĕch.

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Le 9:29

Môis tơl khan kơ sư: Lăp mưh inh lĕch hlôi tơ 'nguaih kơ pơlei, inh gô yơ̆r ti tơ Kră Yang; grơ̆m glaih gô pơdơh, 'mi prĕl gô pă đei dơ̆ng, wă kơ ih băt kơ plĕnh teh đơ̆ng Kră Yang.

Tơdrông Pơđơk 27:1

'Nĕ pơư kơ năr dơning, Yua kơ ih ưh kơ băt năr dơning sư jing liơ.

Êsai 40:18

Lu iĕm hăm gơh pơting Kră Yang 'Bok Kei-Dei hăm bu? Iĕm iŏk hơbŏ kiơ wă pơtih hăm Sư?

Êsai 40:25

Tơ'ngla 'Lơ̆ng Rơgoh khan: “Lu iĕm wă pơting Inh hăm bu?” Bu hơtŏ hăm Inh?

Êsai 46:9

Lu iĕm athei 'blŏk hơdơ̆r bĕ chăl adrol sơ̆, yua kơ Inh bơih Kră Yang 'Bok Kei-Dei ưh kơ đei yang nai ôh; Inh jơ̆ 'Bok Kei-Dei ưh kơ đei bu dang Inh.

Both 3:24

Ơ Kră Yang, Ih hlôi tơ'bôh kơ đĭch đam Ih tơdrong krưp tih păng tơpang ti mơyang Ih, yua kơpal plĕnh ala teh âu ưh kơ đei yang ayơ gơh pơm tơdrong mơsêh mơyang thoi Ih.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

Both 33:26

Ưh kơ đei bu thoi Kră Yang 'Bok Kei-Dei Jêsurun, Tơ'ngla, păr tơ lu tăl plĕnh, năm dŏng tơgŭm ih. Tơ lăm lu hơmơ̆l, Sư 'lơ̆ng rŏ hloh.

Both 4:35

Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.