Le 7:2 - Sơ̆p Hlabơar Nơ̆r 'Bok Kei-Dei

² Ih athei pơma dôm nơ̆r Inh đei tơtă kơ ih, na Arôn, 'nhŏng ih sư gô năm apinh Pharaôn, wă kơ sư achăng lê̆ kon pơlei Isơrael lĕch đơ̆ng dêh sư.

Le 7:2 Iomraidhean Croise

I Pot 22:14

Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”

Le 4:15

Lei na ih pơma hăm sư păng hơmet lê̆ dôm nơ̆r wă pơma lăm 'bơ̆r sư, kơplah măr iĕm pơma. Inh gô oei hơdai lăm 'bơ̆r ih păng 'bơ̆r 'nhŏng ih, bơtho iĕm dôm tơdrong kiơ wă pơm.

Le 4:16

'Noh boih sư gô pơma hăm kon pơlei tơplih kơ ih, yua pơm 'bơ̆r ih, na ih gô nhen thoi Kră Yang 'Bok Kei-Dei kơ sư noh mơ̆n.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 6:29

Kră Yang khan kơ Môis: Inh boih Kră Yang, năm khan bĕ kơ Pharaôn pơtao dêh Êyiptơ, đĭ-đăng dôm nơ̆r Inh gô pơma hăm ih.

Le 7:6

Môis păng Arôn pơm kiơ̆ lei-lăi thoi nơ̆r Kră Yang đei tơtă kơ bre sư.

Je 1:17

Gah ih, tơ̆n bĕ tơlei tơ̆n, iung bĕ păng khan tơbăt ăn kơ lu sư dôm tơdrong mă Inh đei tơbăt ăn kơ ih boih. 'Nĕ kơ hli kơ lu sư, kơnh hli kơ Inh pơm kơ ih hli 'bơ̆t anăp lu sư.

Je 1:7

Mă-lei Kră Yang khan kơ inh: 'Nĕ pơma khan inh oei 'lơ̆p;” yua kơ ih gô năm tơ jơ̆p-jang anih tơ yơ mă Inh wơh ih, ih gô pơma roi dôm nơ̆r mă Inh đei tơbăt ăn kơ ih pơma.

Êsêkiên 3:10

Sư khan dơ̆ng kơ inh: “Ơ kon bơngai, mơ̆ng bĕ mă nhen, iŏk bĕ lăm jơhngơ̆m dôm nơ̆r Inh pơma khan kơ ih.

Êsêkiên 3:17

“Ơ kon bơngai, Inh ăn kơ ih jing bơngai wei-lăng lu adrĕch Isơrael; mưh ih kơtơ̆ng nơ̆r Inh khan, ih athei năm roi tơbăt kơ lu sư nơ̆r mă Inh pơkă kơ lu sư athei kơchăng.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Both 4:2

Lu iĕm 'nĕ kơ thim kiơ păng kư̆m 'nĕ kơ hŭt lê̆ kiơ dôm nơ̆r inh wă khan kơ iĕm, mă-lei athei wei răk dôm nơ̆r tơtă đơ̆ng Kră Yang 'Bok Kei-Dei lu iĕm, nơ̆r tơtă mă inh wă bơtho kơ lu iĕm.