Le 7:17 - Sơ̆p Hlabơar Nơ̆r 'Bok Kei-Dei

¹⁷ Kră Yang khan: Đơ̆ng tơdrong 'nâu, ih gô băt Inh boih Kră Yang: Na iŏk 'long jra Inh teh tơ đak krong Nil, đak krong gô jing pham.

Le 7:17 Iomraidhean Croise

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

Horiso 105:29

Sư tơplih đak lu đe noh jing pham, Păng pơlôch đĭ ka lăm đak.

Horiso 78:44

Tơplih lu đak krong Êyiptơ jing pham lei lu sư pă gơh nhă dơ̆ng đơ̆ng tu đak.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Le 10:2

wă kơ ih gô roi kơ kon sâu ih mơsêh tih-tin Inh pơm kơ kon pơlei Êyiptơ, dôm tơdrong mơsêh Inh pơm bơih lăm lu sư, wă kơ lu sư băt kơ Inh Kră Yang.

Le 4:9

Tơdah kon pơlei ưh kơ lui kơ đĭ 'bar tơdra 'nâu păng ưh kơ chu kiơ̆ nơ̆r ih, lei chhŏ đak krong Nil tuh tơ teh hrĕng kro; đak mă ih iŏk đơ̆ng đak krong noh gô jing pham jơ̆p kơ teh hrĕng kro noh.

Le 5:2

Mă-lei Pharaôn tơl: Kră Yang noh bu? Mah athei inh chu kơ nơ̆r Sư, ăn kon pơlei Isơrael năm? Inh ưh kơ băt Kră Yang ôh; kư̆m ưh kơ ăn kon pơlei năm mơ̆n.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 7:20

Na, Môis păng Arôn pơm kiơ̆ thoi nơ̆r Kră Yang tơtă ăn kơ bre sư. 'Bơ̆t anăp Pharaôn păng đam sư; Arôn hiŏng 'long jra tơ kơpal na teh đak krong Nil na đak krong Nil jing pham hloi.

Le 7:5

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Êsêkiên 25:17

Inh gô phak pơrăm hăm tơdrong hil mĭl tih, mưh Inh pơm mong blah lu sư, na lu sư gô băt Inh boih Kră Yang.”

Êsêkiên 29:9

Char Êyiptơ gô jing juơ rơhiăng pă đei. Păng lu sư gô băt Inh boih Kră Yang. Yua kơ ih khan: Krong Nil noh krang đơ̆ng đêl inh kôch pơm sư,

Êsêkiên 30:19

Inh gô phak char Êyiptơ păng lu sư gô băt Inh boih Kră Yang.

Êsêkiên 30:8

Na lu sư gô băt Inh boih Kră Yang, kơplah Inh ăn ŭnh sa tơ char Êyiptơ păng lu bơngai mă tơgŭm lu sư kư̆m pơchah răm.

Êsêkiên 32:15

Mưh Inh ăn kơ char Êyiptơ jing juơ, hơpuih pơgoh đĭ lu tơmam sư đơ̆ng teh păng Inh teh pơlôch lu bơngai oei lăm char noh, kơplah noh lu sư gô băt Inh boih Kră Yang.

Êsêkiên 32:6

Inh gô ăn pham ih ro 'bĕnh kơ teh, truh tơ rim kông păng lu thong đak 'bĕnh kơ akâu ih.

Êsêkiên 38:23

Na Inh gô pơm pơdah tơdrong krưp 'lơ̆ng rŏ Inh hăm 'lơ̆ng rơgoh Inh kơ lơ adrĕch adrung kon bơngai păng lu sư gô băt Inh boih Kră Yang.

Êsêkiên 39:28

Lu sư gô băt Inh boih Kră Yang 'Bok Kei-Dei lu sư, mă khan Inh ăn lu sư jing bơnă kơ lu dêh char, mă-lei iŏk wih lu sư tơ char lu sư kơdih, ưh kơ đei lê̆ minh 'nu bơngai bu oei tơ noh.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Tơdrông Tơ'bôh 11:6

Bre sư gơh chĭt đak 'mi đơ̆ng plĕnh kuă ăn 'mi kơplah bre sư oei chă năm pơtruh kơ đe nơ̆r 'Bok Kei-Dei. Bre sư kư̆m gơh sơkat kơ đak jing pham păng bre sư kư̆m gơh pơm kơ bơngai mă ưh kơ chu jĭ pơmat-tat gô mơ̆ng kơ bre sư wă.

Tơdrông Tơ'bôh 8:8

Đơ̆ng rŏng kơ noh đei minh 'nu linh jang mă 'bar hlôm keng, na inh 'bôh minh pôm kơtuŏl ŭnh tih tŏ kông huŏng đơ̆ng plĕnh hơtat tơ đak dơsĭ.