Le 7:14 - Sơ̆p Hlabơar Nơ̆r 'Bok Kei-Dei

¹⁴ Kră Yang khan kơ Môis: Pharaôn arăng kơ̆l ưh kơ chu ăn kon pơlei năm.

Le 7:14 Iomraidhean Croise

Le 10:1

Kră Yang khan kơ Môis, năm bĕ tơ Pharaôn yua kơ Inh pơm kơ sư păng lu bơngai bơ̆jang kơ sư đei jơhngơ̆m arăng, wă kơ Inh pơm tơ'bôh dôm tơdrong mơsêh Inh tơ lăm lu sư,

Le 10:20

Mă-lei Kră Yang pơm ăn kơ Pharaôn oei arăng kơ̆l, sư kư̆m ưh kơchăng lê̆ ăn kon pơlei Isơrael năm ôh.

Le 10:27

Mă-lei Kră Yang pơm kơ Pharaôn arăng kơ̆l, na sư ưh kơ chu ăn ôh kon pơlei Isơrael năm.

Le 10:4

Tơdah ih ưh kơ chu ăn kon pơlei inh năm, lei dơning inh gô ăn lep truh tơ jơ̆p-jang lăm char ih;

Le 3:19

Tơpă, Inh băt mă đơ̆ng iĕm iŏk jơhngơ̆m apinh pơgŏ pơtao Êyiptơ, sư kư̆m ưh kơ ăn iĕm năm!

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 7:13

Thoi noh ră mă-lei jơhngơ̆m Pharaôn oei ưh kơ chu, ưh kơ mơ̆ng Môis păng Arôn, lei-lăi thoi nơ̆r Kră Yang khan lê̆ adrol.

Le 7:15

Pơgê dơning Pharaôn sư gô lĕch ngôi tơ đak krong, ih athei năm 'bơ̆t anăp sư tơ cheng đak krong păng chĕp ba 'long jra mă jing 'bih noh.

Le 8:11

Na kit gô weh đơ̆ng ih, đơ̆ng hnam ih, đơ̆ng đĭch đam hăm đơ̆ng kon pơlei ih; lu sư oei pă tơ lăm đak krong Nil đĕch.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Le 8:2

Tơdah ih ưh kơ achăng lu sư năm lei inh gô ăn tơdrong truh đei kit tơ jơ̆p-jang kơ dêh Êyiptơ.

Le 9:2

Tơdah ih ưh kơ ăn năm, oei pơkơ̆ng lu sư.

Le 9:34

Kơplah Pharaôn 'bôh, 'mi prĕl păng grơ̆m glaih pơdơh đĭ boih, sư păng lu bơngai bơ̆jang kơ sư arăng kơ̆l ưh kơ chu păng lu sư oei pơm yoch dơ̆ng,

Le 9:7

Na Pharaôn wơh bơngai năm lăng, 'bôh ưh kơ đei minh pôm sem dơrong, lu bơngai Isơrael lôch ôh. Mă-lei Pharaôn oei arăng kơ̆l, ưh kơ chu ăn kon pơlei năm.

Êsai 1:20

Mă-lei tơdah lu iĕm ưh kơ chu păng 'maih blơ̆ blĕch Inh, lei đao gưm gô pơrăm lu iĕm;” 'bơ̆r Kră Yang đei pơma bơih.

Je 8:5

Lei liơ kon pơlei âu jrok hloi? Liơ kon pơlei Jêrusalem wơ̆l jrok ling-lang? Lu sư rôp kơjăp tơdrong hơlĕnh, sơngah kuă kơ wih brŏk.

Je 9:6

Ih oei lăm tơdrong hơlĕnh pơdăr. Đơ̆ng tơdrong hơlĕnh pơdăr noh na lu sư sơngah kuă kơ băt kơ Inh,” Kră Yang khan.

Sa 7:12

Lu sư pơm kơ jơhngơ̆m lu sư arăng thoi tơmo jơmŏng kuă kơ mơ̆ng khôi juăt mă Kră Yang Tih Hloh đei ăn boih Yang Bơhngol Sư yua lu 'bok khan lê̆ adrol kră sơ̆ mă Sư đei wơh; yua kơ thoi noh na đei tơdrong hil tih dêh đơ̆ng Kră Yang Tih Hloh.

Both 2:30

Mă-lei Sihôn, pơtao Hesbôn, ưh kơ ăn kơ lu nhôn yak năm rok teh đak lu sư ôh; yua kơ Kră Yang 'Bok Kei-Dei pơm jơhngơ̆m kơ̆l pơtao arăng, wă jao sư lăm tơpang ti nhôn, kư̆m thoi năr 'nâu.

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

I Sam 6:6

Liơ mă lu iĕm oei arăng kơ̆l thoi lu bơngai Êyiptơ păng Pharaôn pơm. Iĕm hăm 'blŏk ưh Kră Yang phak pơmat lu sư thoi yơ, na mah ăn kơ kon pơlei năm.