Le 6:6 - Sơ̆p Hlabơar Nơ̆r 'Bok Kei-Dei

⁶ Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Le 6:6 Iomraidhean Croise

I Pot 8:42

lu bơngai teh đak 'nguaih lu sư kơtơ̆ng Anăn Ih ti mơsêh mơyang Ih, mưh lu sư krao khan lăm hnam âu.

II Pot 17:36

Mă-lei iĕm athei hli yom kơ Kră Yang Tơ'ngla mă yua tơdrong mơsêh tih păng chro ti Sư dui, anhăk ba lu iĕm lĕch đơ̆ng dêh Êyiptơ; iĕm athei hli yom kơkuh păng pơyơ̆r kơ sư tơmam soi.

I Ho 17:21

Hăm đei kon pơlei ayơ lăm teh đak âu nhen thoi lu kon pơlei Ih Isơrael, Ih năm dơ̆ng pơklaih minh kon pơlei pơla kơ Ih kơdih pơm kơ anăn Ih kơdih tih-tin krưp tơpă trŏ kơ đe hli yom, kơplah Ih pơpuh tơweh lu adrĕch adrung nai 'bơ̆t anăp lu kon pơlei Ih, hăm tơdrong mơsêh mơyang kon pơlei Ih mă đei dŏng pơklaih boih đơ̆ng char Êyiptơ?

Ne 1:10

Đơ̆ng noh lu sư jing đĭch đam păng kon pơlei Ih mă Ih yua tơdrong mơsêh ti pran kơtang Ih dŏng pơklaih.

Horiso 77:16

Ơ Kră Yang 'Bok Kei-Dei. Lu đak 'bôh Ih hli tơtơ̆; Lu sơlŭng jrŭ kư̆m tơrơ.

Horiso 81:11

Mă-lei kon pơlei Inh ưh kơ mơ̆ng nơ̆r Inh. Isơrael ưh kơ wă chu yom kơ Inh.

Horiso 81:6

“Inh hơleh boih tung trăp đơ̆ng hơngiĕng lu iĕm; ti lu iĕm tơplôch boih đơ̆ng chĕp bai.

Horiso 81:7

Lăm năr anat anot iĕm krao apinh, Inh dŏng pơklaih iĕm. Inh tơl tơwih kơ iĕm đơ̆ng anih hlơp lăm grơ̆m glaih, Păng pơlong lăng ih 'bơ̆t tu đak Mêri 'ba. Sêla

Le 1:11

Lei na pơtao ăn bơngai Êyiptơ wei-lăng tơdrong jang chă athei lu sư, wă rôp pơgŏ ăn tơdrong jang gleh trăp kơ kon pơlei Isơrael; lu sư man pơm pơlei Phithom păng Ramse wă pơm hnam tah mong tơmam kơ Pharaôn.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 13:14

Na tơdah dơning dơmônh kon drŏ-nglo iĕm apinh iĕm: Tơdrong noh wă khan kiơ? Lei ih athei roi kơ sư: 'Noh yua kơ Kră Yang yua ti mơsêh pơklaih lu nhôn lĕch đơ̆ng dêh Êyiptơ, dêh mă nhôn pơm đĭch;

Le 13:16

'Noh gô pơm minh tơdrong tơdra tơ ti ih păng chơ̆m tơ klĕng ih, wă tơbăt tơ'blŏk Kră Yang yua ti mơsêh pơklaih lu nhôn lĕch đơ̆ng dêh Êyiptơ.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 15:13

Hăm jơhngơ̆m Ih 'mêm mơnat sĭt dui anhăk kon pơlei 'nâu mă Ih đei huai iŏk boih; Ih yua tơdrong pran kơtang pơgơ̆r lu sư wih tơ anih 'lơ̆ng rơgoh mă Ih oei.

Le 16:6

Thoi noh Môis păng Arôn khan kơ đĭ-đăng kon pơlei Isơrael: Gơsơ̆ kơnh lu iĕm gô băt kơ Kră Yang dui ba lu iĕm lĕch đơ̆ng dêh Êyiptơ,

Le 18:1

Jêthrô, 'bok soi dêh Madian tơnei Môis, kơtơ̆ng dôm tơdrong Kră Yang 'Bok Kei-Dei đei pơm ăn kơ Môis hăm kon pơlei Isơrael păng Kră Yang chông ba kon pơlei Isơrael lĕch đơ̆ng dêh Êyiptơ thoi yơ.

Le 2:11

Lăm minh năr, Môis 'lŏ hlôh băt tôm tơdrong boih. Sư năm ngôi tơ lu 'nhŏng oh sư, sư 'bôh tơdrong jang lu 'nhŏng oh sư pơmat-tat; na 'bôh minh 'nu bơngai Êyiptơ tôn teh bơngai Hêbrơ lăm lu 'nhŏng oh sư kơdih,

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Le 32:11

Mă-lei Môis krao apinh hloi Kră Yang 'Bok Kei-Dei sư khan, Ơ Kră Yang, liơ Ih ơh blĕk hil mĭl kơ kon pơlei pơla Ih, khŭl bơngai mă Ih đei chông tơlĕch bơih đơ̆ng char Êyiptơ hăm tơdrong mơsêh tih hăm ti pran kơtang Ih?

Le 6:2

Kră Yang 'Bok Kei-Dei pơma dơ̆ng hăm Môis khan: Inh boih Kră Yang iĕm.

Le 6:29

Kră Yang khan kơ Môis: Inh boih Kră Yang, năm khan bĕ kơ Pharaôn pơtao dêh Êyiptơ, đĭ-đăng dôm nơ̆r Inh gô pơma hăm ih.

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Le 7:4

Mă-lei Pharaôn ưh kơ 'maih mơ̆ng ih ôh; Inh gô yơ̆r ti dan kơpal teh Êyiptơ, yua lơ tơdrong phak tih, wă iŏk tơlĕch lu khŭl linh Inh, lu kon drŏ-nglo Isơrael đơ̆ng char Êyiptơ.

Le 7:5

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Êsai 9:12

Mă-lei kon pơlei ưh kơ wih brŏk ôh tơ tơ'ngla mă teh pơjĭ lu sư, kư̆m ưh kơ chơchă Kră Yang Tih Hloh.

Êsai 9:17

Yua kơ tơdrong kơnê̆ lu sư khơ̆ng thoi ŭnh sa 'nhĕt jơla hăm jơ'bôt jơla 'nhui sư kơdŭk hyôi tŏk kơjung.

Je 21:5

Kơdih kâu Inh gô blah lu iĕm, Inh tôi kơkŏng hiŏng ti pran kơtang hăm tơdrong ơh blĕk hil mĭl dêh.

Je 27:5

Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Je 32:21

Ih đei yua boih dôm tơdra hlĭch, tơdrong chrơp, pơklaih bơngai Isơrael đơ̆ng char Êyiptơ hăm ti pran kơtang hăm tơdrong hli krưp wă chông kon pơlei pơla Ih, Isơrael lĕch đơ̆ng dêh Êyiptơ.

Êsêkiên 20:33

Kră Yang khan: Thoi Inh mă arih ling-lang, Inh gô pơgơ̆r lu iĕm hăm tơpang ti pran kơtang, Inh yơ̆r ti tơ kơpal păng tuh tơdrong hil mĭl.

Jang 13:17

Inh roi gah tơdrong lu bơngai Isơrael. Lu bơngai Isơrael kơkuh kơ 'Bok Kei-Dei. 'Bok Kei-Dei rơih lu 'bok kơdră bơ̆n sơ̆. Na hơtai lu sư oei tơ dêh Êyiptơ thoi lĕ kơ tơmoi đĕch, mă-lei 'Bok Kei-Dei ăn kơ lu sư rai đunh rai lơ tơpă. Yua kơ Kră Yang 'Bok Kei-Dei pơm hăm tơdrong mơsêh mơyang Sư kơdih na Sư tơlĕch lu sư đơ̆ng dêh char Êyiptơ.

Both 11:2

Năr 'nâu, lu iĕm athei băt inh ưh kơ đei pơma bơtho kơ lu kon hơ'lơ̆p iĕm ôh, yua kơ lu sư ưh kơ tam băt păng kư̆m ưh tam 'bôh. Tam mă kơtơ̆ng lu nơ̆r bơtho khan đơ̆ng Kră Yang 'Bok Kei-Dei lu iĕm, tơdrong 'lơ̆ng tơpăt Sư, ti mơsêh pran kơtang tih Sư.

Both 15:15

Athei 'blŏk kơ iĕm đêl pơm đĭch boih lăm dêh Êyiptơ, Kră Yang 'Bok Kei-Dei dŏng pơklaih; thoi noh, năr 'nâu inh bơtho khan kơ iĕm nơ̆r tơtă 'nâu.

Both 26:8

Kră Yang yua tơpang ti mơsêh pran kơtang, Kră Yang pơm mơsêh tih krưp hlĭch chrơp na chông lu nhôn lĕch đơ̆ng dêh Êyiptơ.

Both 4:23

Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Both 7:19

Dôm tơdrong pơlong lăng tih dêh măt lu iĕm 'bôh boih, dôm lu tơdrong mơsêh tih hlĭch chrơp, tơpang ti mơsêh, pran kơtang Kră Yang 'Bok Kei-Dei iĕm đei chông tơlĕch iĕm đơ̆ng dêh Êyiptơ boih. Kră Yang 'Bok Kei-Dei iĕm kư̆m gô pơm kơ đĭ-đăng lu adrĕch mă iĕm hli noh.

Both 7:8

Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.

Both 9:29

Kon pơlei pơla âu jơ̆ kon pơlei Ih păng tơmam Ih, lu bơngai mă Ih hlôi yua tơdrong mơsêh pran kơtang tih chông tơlĕch lu sư đơ̆ng dêh Êyiptơ.