Le 6:3 - Sơ̆p Hlabơar Nơ̆r 'Bok Kei-Dei

³ Inh pơdah tơ'bôh ăn kơ Abraham kơ Isăk păng Jakôp, Inh boih Kră Yang 'Bok Kei-Dei mơsêh mơyang;a mă-lei Anăn Inh Kră Yang,b Inh ưh tam đei layơ tơbăt kơ lu sư.

Le 6:3 Iomraidhean Croise

Bl 13:18

Na Abram yuih bơsŭn sư năm oei ala tơm 'long kôih tơ Mamrê, gah Hêbrôn păng sư kư̆m đei pơm tơ noh minh pôm chơnang soi kơ Kră Yang.

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 22:14

Abraham krao anih noh Kră Yang Jirêa đơ̆ng noh, na dang ei đei nơ̆r khan: “Tơ kơpal kông Kră Yang gô đei hơmet ăn.”

Bl 28:3

Apơi apinh Kră Yang 'Bok Kei-Dei mơsêh mơyang ăn tơdrong pŭn hiôk kơ e, ăn kơ e pơjing hơ'lơ̆p rai lơ, wă kơ jing minh adrĕch adrung tih kơdrâ̆m.

Bl 35:11

Kră Yang 'Bok Kei-Dei khan dơ̆ng thoi âu: Inh boih Kră Yang 'Bok Kei-Dei mơsêh mơyang, ih athei pơjing kon hơ'lơ̆p mă rai lơ; jing minh adrĕch adrung kơdrâ̆m păng lơ adrĕch adrung gô đơ̆ng ih, kư̆m đơ̆ng adrĕch adrung ih gô đei lu pơtao.

Bl 48:3

Jakôp khan kơ Jôsep thoi âu: Kră Yang 'Bok Kei-Dei mơsêh mơyang đei tơ'bôh kơ inh păng ăn kơ inh tơdrong pŭn hiôk tơ Lus, lăm dêh Kanaan.

Horiso 68:4

Hơri pơư bĕ kơ Kră Yang 'Bok Kei-Dei bơnê bĕ kơ anăn Sư; Man hơmet bĕ trong kơ Kră Yang hao hơmơ̆l năm rok anih glă; Anăn Sư jơ̆ Kră Yang; Chơt hiôk bĕ 'bơ̆t anăp Sư.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 15:3

Kră Yang thoi linh tơblah; Anăn Sư Kră Yang.

Le 23:21

'Bơ̆t anăp sư, ih athei kơchăng păng mơ̆ng kiơ̆ nơ̆r sư 'nĕ kơ sơngah pơjah plơ̆; kơnh sư ưh kơ mơnat ăn tơdrong yoch ih, yua kơ anăn Inh oei lăm sư.

Le 3:14

Kră Yang 'Bok Kei-Dei khan: Inh boih Kră Yang Đei Kơdih Tơ'ngla Pơjing păng Tơ'ngla Arih Ling-Lang; Sư khan dơ̆ng: Khan kơ kon pơlei Isơrael thoi âu: Kră Yang Tơ'ngla Đei Kơdih Arih Ling-lang wơh inh năm tơ lu iĕm.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Je 16:21

Thoi noh, Inh gô ăn kơ lu sư băt, Inh tơ'bôh ăn kơ lu sư băt minh wơ̆t tôm boih, tơdrong mơsêh Inh; tơdrong pran kơtang Inh. Lu sư gô băt Anăn Inh jơ̆ Kră Yang.

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang:

Êsêkiên 20:5

Athei khan kơ lu sư: ‘Kră Yang khan thoi âu: Kơplah Inh rơih iŏk Isơrael. Inh pơkă hăm lu adrĕch adrung Jakôp, ăn kơ lu sư băt kơ Inh lăm char Êyiptơ, Inh đei yơ̆r ti Inh pơkă pơkăm hăm lu sư, thoi âu: “Inh boih Kră Yang 'Bok Kei-Dei lu iĕm;

Êsêkiên 37:13

Ơ kon pơlei Inh, lu iĕm gô băt Inh boih Kră Yang, mưh Inh pơih bơsat lu iĕm păng hơtŏk lu iĕm đơ̆ng lăm bơsat.

Êsêkiên 37:6

Inh gô ăn huan, ăn sĕch tơ lu iĕm păng lom akâu iĕm hăm akar. Inh gô ăn hơyuh kial dui jơhngơ̆m tơ lăm iĕm, na lu iĕm gô arih; păng lu iĕm gô băt Inh boih Kră Yang.

Yo 8:58

Yêsu khan kơ lu sư: “Inh khan kơ iĕm tơpăt, hơdrol kơ Abraham tam mă đei, Inh đei boih.”

Tơdrông Tơ'bôh 1:4

Inh Yôhan chih kơthơ tơ'bôh kơ tơpơh tŏ hnam akŭm 'Bok Kei-Dei tơ dêh char Asi. Inh apinh Sư âu: 'Bok Kei-Dei mă bơ̆n ư-ang, Sư đei đơ̆ng sơ̆ khơ̆ dang ei mă gô jur ning-mônh; Yang Bơhngol 'Lơ̆ng, Sư minh 'nu đĕch, mă-lei Sư dang tơpơh 'nu, Sư dơ̆ng 'bơ̆t anăp 'Bok Kei-Dei;

Ru 1:20

Na sư tơl lu sư khan. 'Nĕ pă krao inh anăn Naômia dơ̆ng krao inh anăn Marab yua kơ Tơ'ngla Mơsêh Mơyang ăn kơ inh đei tơdrong chhŭr nuih.