Le 6:2 - Sơ̆p Hlabơar Nơ̆r 'Bok Kei-Dei

² Kră Yang 'Bok Kei-Dei pơma dơ̆ng hăm Môis khan: Inh boih Kră Yang iĕm.

Le 6:2 Iomraidhean Croise

Bl 15:7

Kră Yang 'Bok Kei-Dei khan dơ̆ng kơ Abram thoi âu: “Inh jơ̆ Kră Yang, Kră Yang mă chông anhăk ih đơ̆ng Ur, lăm char Kalđê, gô ăn kơ ih char âu jang sa.”

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 14:18

Anăn Inh gô ư-ang yua kơ Pharaôn, gre aseh sư, lu linh chĕp gre aseh sư, lei na bơngai Êyiptơ gô băt kơ Inh Kră Yang.

Le 15:3

Kră Yang thoi linh tơblah; Anăn Sư Kră Yang.

Le 17:1

Đĭ-đăng bơngai Isơrael năm tơ âu, tơ to đơ̆ng char glă Sin, năm kiơ̆ thoi nơ̆r Kră Yang đei tơtă kơ lu sư, na lu sư oei pơdơh tơ Rêphiđim: Tơ noh ưh kơ đei đak nhă ôh kơ kon pơlei.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 3:14

Kră Yang 'Bok Kei-Dei khan: Inh boih Kră Yang Đei Kơdih Tơ'ngla Pơjing păng Tơ'ngla Arih Ling-Lang; Sư khan dơ̆ng: Khan kơ kon pơlei Isơrael thoi âu: Kră Yang Tơ'ngla Đei Kơdih Arih Ling-lang wơh inh năm tơ lu iĕm.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Le 6:29

Kră Yang khan kơ Môis: Inh boih Kră Yang, năm khan bĕ kơ Pharaôn pơtao dêh Êyiptơ, đĭ-đăng dôm nơ̆r Inh gô pơma hăm ih.

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Le 6:8

Inh gô chông ba lu iĕm mơ̆t lăm dêh mă Inh pơkă wă ăn kơ Abraham, kơ Isăk păng Jakôp inh gô ăn kơ lu iĕm dêh 'noh wă kơ jang sa, Inh boih Kră Yang.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 43:11

Inh âu bơih Kră Yang, 'nguaih kơ inh, ưh kơ đei 'bok dŏng pơklaih nai ôh.

Êsai 43:15

Inh bơih Kră Yang, Tơ'ngla 'Lơ̆ng Rơgoh lu iĕm, Tơ'ngla pơjing Isơrael, Inh bơih Pơtao iĕm.”

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Êsêkiên 20:5

Athei khan kơ lu sư: ‘Kră Yang khan thoi âu: Kơplah Inh rơih iŏk Isơrael. Inh pơkă hăm lu adrĕch adrung Jakôp, ăn kơ lu sư băt kơ Inh lăm char Êyiptơ, Inh đei yơ̆r ti Inh pơkă pơkăm hăm lu sư, thoi âu: “Inh boih Kră Yang 'Bok Kei-Dei lu iĕm;

Malachi 3:6

“Yua kơ Inh jơ̆ Kră Yang, Inh ưh kơ đei layơ tơplih, yua kơ thoi noh, lu iĕm jơ̆ kon drŏ-nglo Jakôp, huay kơ lôch hiong.