Le 5:3 - Sơ̆p Hlabơar Nơ̆r 'Bok Kei-Dei

³ Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,

Le 5:3 Iomraidhean Croise

II Pot 17:25

Kơplah lu sư 'nao oei tơ noh, lu sư ưh kơ kơkuh ôh kơ Kră Yang, na Kră Yang ăn dăm-brang năm châu pơlôch lu mơ'nah lăm lu sư.

II Ho 30:8

'Nĕ pă arăng kơ̆l thoi lu 'bok iĕm; chu bĕ Kră Yang, năm tơ anih rơgoh Sư mă 'măn lê̆ pha rơgoh ling-lang. Kơkuh ư-ang bĕ kơ Kră Yang 'Bok Kei-Dei lu iĕm, wă kơ Sư huay pă hil mĭl,

Esơra 7:23

Mă tôm tơdrong kiơ Kră Yang 'Bok Kei-Dei kơpal plĕnh đei bơtho khan gah hnam Sư, athei pơm mă tôm bĕ, tơdah ưh kơnh hli kơ tơdrong truh pơmat lăm dêh char, tơ pơtao păng truh tơ lu kon pơtao.

Le 3:18

Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Le 7:16

Ih athei tơbăt kơ sư: Kră Yang 'Bok Kei-Dei kon pơlei Hêbrơ, wơh inh năm tơ ih, khan thoi âu: Athei achăng ăn kon pơlei Inh năm, wă kơ lu sư kơkuh kơ Inh tơ tơmăn glă; na truh dang ei ih ưh kơ 'maih mơ̆ng Inh hơya tŏ sĕt.

Le 8:1

Kră Yang khan kơ Môis: Năm tơ'bơ̆p bĕ Pharaôn păng roi tơbăt kơ sư, Kră Yang đei khan thoi âu: Athei achăng kon pơlei inh năm, wă kơ lu sư awih awăn kơkuh kơ inh.

Le 8:20

Đơ̆ng noh, Kră Yang khan kơ Môis, Pharaôn sư gô lĕch ngôi jê̆ đak krong, ih athei iung mă hrôih năm tơ'bơ̆p sư na roi tơbăt ăn kơ sư, Kră Yang khan thoi âu: Ăn kon pơlei inh năm, wă kơ lu sư gơh kơkuh kơ inh.

Le 8:27

Lu nhôn athei năm tơ char glă, dang pêng năr kơ trong, wă pơyơ̆r tơmam soi sơmah kơ Kră Yang 'Bok Kei-Dei lu nhôn, kiơ̆ thoi nơ̆r Sư gô bơtho tơ'bôh tơtă kơ lu nhôn.

Êsêkiên 6:11

Kră Yang Tih Hloh khan thoi âu: Athei tap ti kơtrơ̆m jơ̆ng păng krao ôr! Ơu kah! Gah dôm tơdrong kơnê̆ krưp adrĕch adrung Isơrael, lu sư gô lôch kơ đao hơlă pơngot rơwĕt păng jĭ lôch hơbuh.

Lêwi 26:25

Inh gô ăn đao hơlă pơm kơ lu iĕm. Wă pơm 'mong đêl iĕm pơm glăi tơdrong pơgơ̆p Inh; tơdah lu iĕm akŭm băl lăm pơlei tih lu iĕm, Inh gô ăn tơdrong jĭ hơbuh 'bơm tơ lu iĕm păng jao iĕm lăm ti lu bơngai ayăt kơ iĕm.

Both 28:21

Kră Yang gô ăn jĭ hơbuh druh kiơ̆ iĕm dĭng Sư pơrăm iĕm lôch hiong đĭ đơ̆ng teh mă iĕm gô mơ̆t iŏk.