Le 5:22 - Sơ̆p Hlabơar Nơ̆r 'Bok Kei-Dei

²² Môis wih dơ̆ng tơ Kră Yang păng khan: “Bơnê kơkuh kơ Ih, ơ Kră Yang yua kơ kiơ Ih ăn đe pơm kơnê̆ kơ kon pơlei 'nâu? Yua kơ kiơ Ih wơh inh năm lĕ?

Le 5:22 Iomraidhean Croise

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

Horiso 73:25

Tơ kơpal plĕnh inh ưh kơ đei bu, 'nguaih Kơ Kră Yang? Lăm teh đak, inh ưh kơ đei hơpơi chă bu nai 'nguaih Kơ Ih.

Le 17:4

Môis krao apinh Kră Yang khan: Inh wă pơm liơ hăm kon pơlei 'nâu? Lu sư 'maih wă klơ̆m inh păng tơmo!

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Je 20:7

Ơ Kră Yang, Ih pơhlŭ inh boih, inh chu iŏk boih dôm tơdrong Ih pơgŏ, Ih pơjuă pơđep inh păng jei Ih boih. Inh arih pơm kơ đe hiĕk ăr kơ inh prăt năr. Rim bơngai hiĕk pơjăm inh.

Je 4:10

Inh khan: “Ơ Kră Yang! Tơpă Ih đei hơlĕnh boih kơ lu kon pơlei âu păng pơlei Jêrusalem Ih khan: Lu iĕm gô đei hiôk-hian! Mă-lei pla đao 'bơm tơ hơko nhôn boih.”

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Jo 11:11

Môis krao khan apinh Kră Yang: Yua kơ kiơ Ih pơm ăn kơ đĭch đam Ih thoi noh? Yua kơ kiơ inh mă ưh kơ đei mơnat 'bơ̆t anăp Ih, na mă Ih ăn kơ inh pŭ dôm tơdrong trăp, đơ̆ng đĭ-đăng kon pơlei pơla 'nâu?

Jôsuê 7:7

Jôsuê khan: Ô Kră Yang inh, liơ mă Kră Yang ăn kon pơlei âu tŏk hlôi kơ đak Krong Jôrđăn, wă jao ăn lu nhôn răm lăm ti lu bơngai Amôrit pơlôch đĭ. Ô kuă kơ kiơ lê̆ lăi lu nhôn hiôk oei gah to kơ đak Krong Jôrđăn!

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.