Le 5:1 - Sơ̆p Hlabơar Nơ̆r 'Bok Kei-Dei

¹ Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 5:1 Iomraidhean Croise

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

Horiso 119:46

Inh gô ră roi tơdrong Ih tơtă 'bơ̆t anăp lu pơtao. Ưh kơ đei mơlâu.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 10:4

Tơdah ih ưh kơ chu ăn kon pơlei inh năm, lei dơning inh gô ăn lep truh tơ jơ̆p-jang lăm char ih;

Le 10:9

Môis tơl khan: Lu nhôn năm, gô chông đĭ-đăng lu kon drŏ-nglo drŏ-kăn 'lơ̆p 'lŏ hơmuh hơmŏng păng lu kră, khŭl triu, rơmo, yua kơ lu nhôn, wă hơmet tơmam et sa tih kơkuh kơ Kră Yang.

Le 3:18

Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Le 33:13

Thoi noh dang ei inh krao apinh Ih, tơdah inh đei bơih pŭn hiôk 'bơ̆t anăp Ih, lei inh apinh Ih tơ'bôh ăn kơ inh bĕ trong Ih, wă kơ inh băt kơnăl kơ Ih păng inh đei tơdrong mơnat 'bơ̆t anăp Ih, apinh Ih kư̆m 'blŏk kơ lu adrĕch adrung âu kon pơlei pơla Ih mơ̆n!

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 6:11

Năm mơ̆t tơ'bơ̆p roi bĕ kơ Pharaôn, pơtao dêh Êyiptơ, wă kơ sư ăn kon pơlei Isơrael lĕch đơ̆ng dêh sư.

Le 6:27

Môis păng Arôn bre sư năm tơ'bơ̆p Pharaôn, pơtao dêh Êyiptơ, wă chông anhăk kon pơlei Isơrael lĕch đơ̆ng dêh Êyiptơ.

Le 7:16

Ih athei tơbăt kơ sư: Kră Yang 'Bok Kei-Dei kon pơlei Hêbrơ, wơh inh năm tơ ih, khan thoi âu: Athei achăng ăn kon pơlei Inh năm, wă kơ lu sư kơkuh kơ Inh tơ tơmăn glă; na truh dang ei ih ưh kơ 'maih mơ̆ng Inh hơya tŏ sĕt.

Le 7:2

Ih athei pơma dôm nơ̆r Inh đei tơtă kơ ih, na Arôn, 'nhŏng ih sư gô năm apinh Pharaôn, wă kơ sư achăng lê̆ kon pơlei Isơrael lĕch đơ̆ng dêh sư.

Le 8:1

Kră Yang khan kơ Môis: Năm tơ'bơ̆p bĕ Pharaôn păng roi tơbăt kơ sư, Kră Yang đei khan thoi âu: Athei achăng kon pơlei inh năm, wă kơ lu sư awih awăn kơkuh kơ inh.

Le 8:16

Kră Yang khan kơ Môis: Athei Arôn: Yơ̆r bĕ 'long jra ih, tôn tơteh: Wă kơ 'mui teh noh jing sơmĕch jơ̆p-jang kơ dêh Êyiptơ.

Le 8:17

'Bar 'nu bre sư pơm thoi noh. Na Arôn chĕp 'long jra yơ̆r ti tơ kơpal tôn tơ teh, 'mui teh jing hloi sơmĕch, kôp 'bĕnh-'bang kơ bơngai păng sem dơrong; đĭ-đăng 'mui teh jing kon sơmĕch ngăl jơ̆p lăm dêh Êyiptơ.

Le 8:20

Đơ̆ng noh, Kră Yang khan kơ Môis, Pharaôn sư gô lĕch ngôi jê̆ đak krong, ih athei iung mă hrôih năm tơ'bơ̆p sư na roi tơbăt ăn kơ sư, Kră Yang khan thoi âu: Ăn kon pơlei inh năm, wă kơ lu sư gơh kơkuh kơ inh.

Le 8:27

Lu nhôn athei năm tơ char glă, dang pêng năr kơ trong, wă pơyơ̆r tơmam soi sơmah kơ Kră Yang 'Bok Kei-Dei lu nhôn, kiơ̆ thoi nơ̆r Sư gô bơtho tơ'bôh tơtă kơ lu nhôn.

Le 9:1

Kră Yang khan kơ Môis, năm bĕ tơ Pharaôn tơbăt kơ sư, Kră Yang 'Bok Kei-Dei kon pơlei Hêbrơ, đei khan: Achăng bĕ lê̆ kon pơlei Inh năm, wă kơ lu sư kơkuh kơ Inh;

Le 9:2

Tơdah ih ưh kơ ăn năm, oei pơkơ̆ng lu sư.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Jang 4:29

Dang ei ơ Kră Yang 'Bok Kei-Dei, lu sư oei hil kơ nhôn khă nhôn bơtho tơdrong Yêsu; na dang ei nhôn apinh Ih tơgŭm lu nhôn đĭch đam Ih, wă kơ nhôn nuih chă bơtho nơ̆r Ih kơ kon bơngai.

I Kor 5:8

Thoi noh bơ̆n athei 'blŏk hơdơ̆r kơ năr giĕng đe sŏng sa 'Bĕng Ưh Kơ Đei 'Buih Pông, 'nĕ pă pơm dôm tơdrong so, tơdrong kơnê̆ yoch thoi lĕ kơ 'bĕng mă đei 'buih pông 'noh, bơ̆n athei pơm 'lơ̆ng tơpăt thoi 'bĕng ưh kơ đei 'buih đĕch.