Le 4:23 - Sơ̆p Hlabơar Nơ̆r 'Bok Kei-Dei

²³ mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 4:23 Iomraidhean Croise

Horiso 105:36

Sư pơlôch đĭ lu kon kơdră lăm char noh. Wă khan đĭ kơ lu plei blŭng-a. Đĭ lu pran kơtang.

Horiso 135:8

Sư pơlôch lu kon kơdră bơngai Êyiptơ, Đơ̆ng kon kơdră kon bơngai truh tơ kon sem dơrong.

Horiso 136:10

Sư pơlôch lê̆ boih lu kon kơdră bơngai Êyiptơ, Tơdrong 'mêm Sư oei oei ling-lang,

Horiso 78:51

Sư pơlôch đĭ lu kon kơdră lăm char Êyiptơ, Wă khan lu pran kơtang tơpŭ blŭng-a lăm kơđông bơsŭn Cham.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 10:4

Tơdah ih ưh kơ chu ăn kon pơlei inh năm, lei dơning inh gô ăn lep truh tơ jơ̆p-jang lăm char ih;

Le 11:5

Na đĭ-đăng kon kơdră drŏ-nglo lăm dêh Êyiptơ gô lôch, iŏk đơ̆ng kon drŏ-nglo Pharaôn mă oei 'bơ̆t tang-dŏ pơtao, truh tơ đĭ-đăng kon đĭch, đam drŏ-kăn lu sư mă ala hloh păng đĭ lu kon sem dơrong sư su blŭng-a kư̆m lôch.

Le 12:29

Kơplah tŏk-bŏk măng Kră Yang pơlôch đĭ lu kon kơdră drŏ-nglo dêh Êyiptơ, iŏk đơ̆ng kon kơdră pơtao Pharaôn oei 'bơ̆t tang-dŏ truh tơ kon kơdră đe rôp pơm bơnă kon pơlei hmă păng đĭ-đăng lu kon sem dơrong tuh blŭng-a.

Le 13:15

yua kơ kơplah Pharaôn arăng kơ̆l ưh kơ ăn kơ lu nhôn năm, Kră Yang pơlôch đĭ hloi lu kon kơdră lăm dêh Êyiptơ, đơ̆ng kon kơdră drŏ-nglo kon bơngai truh tơ kon sem dơrong tuh blŭng-a, yua tơdrong noh, inh pơyơ̆r ăn Kră Yang dôm kon sem dơrong tơno tuh blŭng-a păng inh huai iŏk kon kơdră kon drŏ-nglo inh.

Le 18:8

Môis ră roi ăn kơ tơnei sư băt tôm tơdrong Kră Yang pơm kơ Pharaôn păng bơngai Êyiptơ sư kư̆m roi gah lu bơngai Isơrael dôm tơdrong pơmat-tat truh kơ lu sư rok trong păng Kră Yang tơgŭm pơklaih lu sư liơ liơ.

Le 3:18

Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 6:11

Năm mơ̆t tơ'bơ̆p roi bĕ kơ Pharaôn, pơtao dêh Êyiptơ, wă kơ sư ăn kon pơlei Isơrael lĕch đơ̆ng dêh sư.

Le 7:16

Ih athei tơbăt kơ sư: Kră Yang 'Bok Kei-Dei kon pơlei Hêbrơ, wơh inh năm tơ ih, khan thoi âu: Athei achăng ăn kon pơlei Inh năm, wă kơ lu sư kơkuh kơ Inh tơ tơmăn glă; na truh dang ei ih ưh kơ 'maih mơ̆ng Inh hơya tŏ sĕt.

Le 8:1

Kră Yang khan kơ Môis: Năm tơ'bơ̆p bĕ Pharaôn păng roi tơbăt kơ sư, Kră Yang đei khan thoi âu: Athei achăng kon pơlei inh năm, wă kơ lu sư awih awăn kơkuh kơ inh.

Le 8:16

Kră Yang khan kơ Môis: Athei Arôn: Yơ̆r bĕ 'long jra ih, tôn tơteh: Wă kơ 'mui teh noh jing sơmĕch jơ̆p-jang kơ dêh Êyiptơ.

Le 8:17

'Bar 'nu bre sư pơm thoi noh. Na Arôn chĕp 'long jra yơ̆r ti tơ kơpal tôn tơ teh, 'mui teh jing hloi sơmĕch, kôp 'bĕnh-'bang kơ bơngai păng sem dơrong; đĭ-đăng 'mui teh jing kon sơmĕch ngăl jơ̆p lăm dêh Êyiptơ.

Le 8:20

Đơ̆ng noh, Kră Yang khan kơ Môis, Pharaôn sư gô lĕch ngôi jê̆ đak krong, ih athei iung mă hrôih năm tơ'bơ̆p sư na roi tơbăt ăn kơ sư, Kră Yang khan thoi âu: Ăn kon pơlei inh năm, wă kơ lu sư gơh kơkuh kơ inh.

Le 9:1

Kră Yang khan kơ Môis, năm bĕ tơ Pharaôn tơbăt kơ sư, Kră Yang 'Bok Kei-Dei kon pơlei Hêbrơ, đei khan: Achăng bĕ lê̆ kon pơlei Inh năm, wă kơ lu sư kơkuh kơ Inh;

Le 9:13

Kră Yang khan kơ Môis, ih athei iung mă hrôih năm tơ'bơ̆p Pharaôn na khan kơ sư: Kră Yang 'Bok Kei-Dei kon pơlei Hêbrơ, đei khan: Athei achăng lê̆ kon pơlei Inh năm, wă kơ lu sư kơkuh kơ inh,

Le 9:2

Tơdah ih ưh kơ ăn năm, oei pơkơ̆ng lu sư.

Hôsia 11:1

Kơplah Isơrael oei 'lơ̆p, Inh 'mêm dêh kơ lu sư, păng Inh krao kon drŏ-nglo Inh lĕch đơ̆ng dêh char Êyiptơ.