Le 4:21 - Sơ̆p Hlabơar Nơ̆r 'Bok Kei-Dei

²¹ Kră Yang khan kơ Môis: Mưh wih tơ dêh Êyiptơ, kơchăng kơ tơdrong mơsêh hlĭch Inh đei pơjao 'bơ̆t ti ih mă ih pơm 'bơ̆t anăp Pharaôn; mă-lei Inh gô pơm ăn kơ sư arăng kơ̆l ưh kơ ăn kon pơlei năm.

Le 4:21 Iomraidhean Croise

Bl 6:3

Kră Yang khan thoi âu: “Yang Bơhngol Inh ưh kơ oei lăm kon bơngai ling-lang ôh; yua kơ kon bơngai jơ̆ sĕch akar đĕch, chăl arih lu sư lăp minh-hrĕng 'bar-jĭt sơnăm đĕch.”

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

Horiso 105:25

Na Sư tơplih jơhngơ̆m bơngai Êyiptơ, areh kơ kon pơlei pơla Sư. Chă đon wă pơrăm lu đĭch đam Sư.

Horiso 78:43

Sư ăn boih tơdra hlĭch chrơp tơ char Êyiptơ, Lu tơdrong mơsêh Sư lăm thŭng dơnă Sôar;

Le 10:1

Kră Yang khan kơ Môis, năm bĕ tơ Pharaôn yua kơ Inh pơm kơ sư păng lu bơngai bơ̆jang kơ sư đei jơhngơ̆m arăng, wă kơ Inh pơm tơ'bôh dôm tơdrong mơsêh Inh tơ lăm lu sư,

Le 10:20

Mă-lei Kră Yang pơm ăn kơ Pharaôn oei arăng kơ̆l, sư kư̆m ưh kơchăng lê̆ ăn kon pơlei Isơrael năm ôh.

Le 10:27

Mă-lei Kră Yang pơm kơ Pharaôn arăng kơ̆l, na sư ưh kơ chu ăn ôh kon pơlei Isơrael năm.

Le 11:10

Môis păng Arôn pơm tơdrong mơsêh 'nâu 'bơ̆t anăp Pharaôn; mă-lei yua kơ Kră Yang pơm kơ Pharaôn arăng kơ̆l, na sư ưh achăng lê̆ kon pơlei Isơrael năm lĕch đơ̆ng dêh sư.

Le 11:9

Kră Yang khan kơ Môis: Pharaôn ưh wă chu ôh, wă lê̆ kơ Inh pơm tơdrong mơsêh hlĭch pơthim lơ lăm dêh Êyiptơ.

Le 14:17

Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư.

Le 14:4

Inh gô pơm kơ Pharaôn arăng kơ̆l ưh kơ chu, sư gô druh kon pơlei Isơrael Inh gô đei ư-ang yua kơ đơ̆ng Pharaôn păng lu linh sư; na bơngai Êyiptơ gô băt Inh bơih Kră Yang. Kon pơlei Isơrael mă pơm thoi noh.

Le 14:8

Kră Yang pơm kơ Pharaôn pơtao dêh Êyiptơ, arăng kơ̆l, druh kon pơlei Isơrael; mă-lei kon pơlei Isơrael nuih yak năm tơpăt tơ anăp hloi.

Le 3:19

Tơpă, Inh băt mă đơ̆ng iĕm iŏk jơhngơ̆m apinh pơgŏ pơtao Êyiptơ, sư kư̆m ưh kơ ăn iĕm năm!

Le 3:20

Mă-lei inh gô chro ti pơm kơ dêh Êyiptơ hăm tơdrong mơsêh hlĭch tơ lăm dêh 'noh, đơ̆ng rŏng kơ 'noh sư gô ăn kơ iĕm năm.

Le 7:13

Thoi noh ră mă-lei jơhngơ̆m Pharaôn oei ưh kơ chu, ưh kơ mơ̆ng Môis păng Arôn, lei-lăi thoi nơ̆r Kră Yang khan lê̆ adrol.

Le 7:3

Inh gô pơm ăn kơ Pharaôn jơhngơ̆m arăng ưh kơ chu păng Inh pơthim lơ tơdra mơsêh hlĭch chrơp Inh tơ lăm dêh Êyiptơ.

Le 8:11

Na kit gô weh đơ̆ng ih, đơ̆ng hnam ih, đơ̆ng đĭch đam hăm đơ̆ng kon pơlei ih; lu sư oei pă tơ lăm đak krong Nil đĕch.

Le 8:15

Na Pharaôn lăp sư 'bôh tơdrong truh hlôi boih, sư arăng jơhngơ̆m ưh kơ chu dơ̆ng, ưh kơ wă mơ̆ng Môis păng Arôn, lei-lăi thoi nơ̆r Kră Yang đei khan boih.

Le 8:32

Mă-lei Pharaôn oei arăng kơ̆l ưh kơ chu dơ̆ng mơ̆n, ưh kơ ăn kon pơlei năm ôh.

Le 9:12

Kră Yang pơm kơ Pharaôn, arăng kơ̆l ưh kơ chu mơ̆ng Môis păng Arôn. Trŏ thoi nơ̆r Kră Yang khan bơih kơ Môis.

Le 9:35

Pharaôn arăng kơ̆l, ưh kơ 'maih achăng kon pơlei Isơrael năm, trŏ thoi nơ̆r Kră Yang đei khan bơih kơ Môis păng yua 'bơ̆r Môis pơma.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Yo 12:40

“Inh Kră Yang ăn măt lu sư jing tol, păng ăn kơ lu sư arăng kơ̆l, wă kơ măt lu sư ưh kơ gơh 'bôh, păng đon lu sư ưh kơ hlôh. Kơlih kơ thoi noh na lu sư ưh kơ wă wih tơ Inh, wă kơ Inh pơklaih tơdrong yoch lu sư.”

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

Rom 9:18

'Noh bơ̆n băt kơ 'Bok Kei-Dei Sư wă 'mêm kơ bu gô mơ̆ng kơ Sư wă đĕch. Na tơdrong Sư wă ăn kơ đe arăng kơ̆l kư̆m lei-lăi, gô mơ̆ng kơ Sư wă.

II Kor 2:16

Lu bơngai mă wă hiong răm, lu sư 'bâu chhok hơ'nơ̆k lôch. Lu bơngai 'Bok Kei-Dei rơih iŏk, lu sư 'bâu phu pơm kơ lu sư arih ling-lang. Tơdrong jang noh trăp dêh bu kĕ jang?

Both 2:36

Đơ̆ng pơlei Arôe; mă oei tơter thong đak glung Arnôn păng lu pơlei tih oei lăm thŭng truh tơ Gileat, ưh kơ đei minh pôm pơlei tih ayơ mă pơm kơjăp dêh 'bơ̆t anăp lu bơ̆n; Kră Yang 'Bok Kei-Dei lu bơ̆n jao đĭ lu pơlei noh ăn kơ bơ̆n.

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.

I Pet 2:8

Tơ lăm sơ̆p hla bơar 'Bok Kei-Dei kư̆m khan thoi âu dơ̆ng: “Kon bơngai gô kơtơih pơ̆k kơ tơmo noh.” Lu bơngai mă kơtơih pơ̆k noh yua kơ lu sư kuă kơ lui kơ nơ̆r 'Bok Kei-Dei pơma, na 'Bok Kei-Dei ăn kơ lu sư kơtơih pơ̆k.