Le 4:18 - Sơ̆p Hlabơar Nơ̆r 'Bok Kei-Dei

¹⁸ Môis wih tơ tơnei sư Jêthrô na khan: Apinh 'bă ăn kơ inh wih brŏk tơ lu 'nhŏng oh inh tơ dêh Êyiptơ, wă lăng lăng lu sư hăm oei arih ưh. Jêthrô khan hloi kơ Môis: Kon yak mă 'lơ̆ng bĕ.

Le 4:18 Iomraidhean Croise

Bl 45:3

Jôsep khan kơ lu 'nhŏng oh sư thoi âu: Inh boih Jôsep. 'Bă inh oei arih ưh? Mă-lei 'bơ̆t anăp sư lu 'nhŏng oh sư kơdih rŭng răng ưh kơ đei bu gơh pơma.

II Pot 5:10

Êlisê wơh bơngai jang kơ sư khan kơ Naaman thoi âu: “Năm tơ đak krong Jôrđăn môch hum akâu ih tơpơh wơ̆t, lei rơka jĭ chin ih dih gô klaih rơgoh đĭ.”

II Pot 5:19

Êlisê khan: Năm bĕ, yak kơ ih mă 'lơ̆ng rŏ, hiôk-hian! Lăp Naaman hlôi weh đơ̆ng Êlisê, ataih 'biơ̆ bơih.

Le 2:21

Môis chu oei hơdai hăm lu sư, 'bă lu sư ăn hloi kon adruh sư oei kơ Môis. Anăn sư Sêpôra,

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Luka 7:50

Na Yêsu khan kơ bơngai drŏ-kăn ei dơ̆ng: “Yua kơ ih lui na ih klaih. Yak kơ ih mă 'lơ̆ng bĕ.”

Jang 15:36

Kư̆m đunh mơ̆n đơ̆ng rŏng kơ noh dơ̆ng, Pôl khan kơ 'Barna'ba thoi âu: “Ơ 'Barna'ba, bĕ ba năm hơpong kơ 'nhŏng oh bơ̆n tơ rim pơlei đêl ba bơtho sơ̆ bĕ, đunh boih, ưh kơ băt sư lơliơ dang ei.”

Jang 16:36

Kră wei-lăng hnam phak ei pơtruh kơ Pôl khan: “Lu kră pơlei khan kơ inh, athei inh pơtruh kơ biĕm nơ̆r lu sư khan ưh pă wă phak biĕm boih. Na dang ei ăn biĕm lĕch đơ̆ng hnam phak boih, năm kơ biĕm mă 'lơ̆ng bĕ.”

I Tim 6:1

Đĭ-đăng lu bơngai lui, lu mơ'nah đĭch đe, sư athei lui yom kơ yŏng tơ'ngla sư wă kơ lu bơngai tam mă lui 'bôh sư pơm 'lơ̆ng kơ yŏng tơ'ngla sư na sư huay kơ pơjăm 'Bok Kei-Dei păng huay kơ pơjăm nơ̆r bơ̆n bơtho tơdrong 'nao 'lơ̆ng.

Lu 18:6

'Bok soi ei tơl: Năm bĕ hiôk-hian, Kră Yang gô wei-lăng trong lu iĕm yak năm.

I Sam 1:17

Na Hêli khan, năm mă 'lơ̆ng bĕ krao khan bĕ kơ Kră Yang 'Bok Kei-Dei Isơrael ăn kơ ih tơdrong ih krao apinh sư.