Le 4:15 - Sơ̆p Hlabơar Nơ̆r 'Bok Kei-Dei

¹⁵ Lei na ih pơma hăm sư păng hơmet lê̆ dôm nơ̆r wă pơma lăm 'bơ̆r sư, kơplah măr iĕm pơma. Inh gô oei hơdai lăm 'bơ̆r ih păng 'bơ̆r 'nhŏng ih, bơtho iĕm dôm tơdrong kiơ wă pơm.

Le 4:15 Iomraidhean Croise

II Sam 14:3

Ih apinh wă tơ'bơ̆p pơtao roi ăn kơ pơtao thoi âu.” Jôap bơtho drŏ-kăn ei wă kơ sư pơma.

Horiso 25:12

Bơngai bu hli yom kơ Kră Yang? Sư gô bơtho pơhrăm bơngai noh lăm trong sư wă rơih.

Horiso 51:15

Ơ Kră Yang! Apinh Ih pơih 'bơ̆r inh. Na 'bơ̆r inh gô hơri bơnê kơ Ih.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 4:12

Thoi ei, na năm bĕ; inh gô oei hơdai lăm 'bơ̆r păng bơtho ih dôm nơ̆r trŏ wă pơma.

Le 4:28

Môis roi ăn kơ Arôn băt dôm nơ̆r Kră Yang wơh sư păng dôm tơdrong mơsêh hlĭch mă Kră Yang bơtho athei sư pơm.

Le 4:30

Arôn ră roi đĭ dôm nơ̆r đơ̆ng Kră Yang đei pơma hăm Môis păng Môis kư̆m pơm tơdrong mơsêh hlĭch 'bơ̆t anăp kon pơlei.

Êsai 51:16

Inh dan bơih nơ̆r pơma Inh lăm 'bơ̆r iĕm, ôn iĕm lăm yơ̆p tơpang ti Inh. Inh bơlang lu tăl plĕnh păng pơjing plei teh, păng pơma hăm Siôn khan: Iĕm jơ̆ kon pơlei Inh!”

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Je 1:9

Kră Yang yơ̆r ti Sư pel 'bơ̆r inh, Kră Yang khan kơ inh: “Âu, Inh dan boih nơ̆r Inh lăm 'bơ̆r ih.”

Je 36:32

Jêrêmi iŏk minh sơnôm hla bơar plơ̆ng dơ̆ng ăn kơ Baruk bơngai chih hla bơar kon drŏ-nglo Nêria; Jêrêmi roi ăn dơ̆ng dôm nơ̆r thoi lăm sơnôm hla bơar mă Jêhôiakim, pơtao đe Juđa soh boih. Sư kư̆m roi thim nơ̆r plơ̆ng dơ̆ng. Kŭm lei-lăi thoi noh.

Jo 16:28

Môis khan dơ̆ng thoi âu: Đơ̆ng tơdrong 'nâu lu iĕm gô băt Kră Yang đei wơh inh pơm tơdrong 'nâu păng inh ưh kơ đei layơ pơm kiơ̆ kơ inh kơdih,

Jo 22:38

Balaam tơl Balak khan: 'Nâu inh năm truh tơ ih boih, dang ei inh ưh kơ gơh chă pơma minh 'bar nơ̆r Inh gô pơma kiơ̆ mă Kră Yang 'Bok Kei-Dei ăn nơ̆r lăm 'bơ̆r inh.

Jo 23:12

Balaam tơl: Inh athei pơma dôm nơ̆r mă Kră Yang đei ăn boih nơ̆r pơma lăm 'bơ̆r inh?

Jo 23:16

Kră Yang jur tơ'bơ̆p Balaam, dan nơ̆r pơma lăm 'bơ̆r sư, khan: Wih tơ Balak bĕ păng khan thoi âu:

Jo 23:5

Kră Yang tơtă nơ̆r lăm 'bơ̆r Balaam păng khan. “Wih brŏk bĕ tơ Balak păng khan thoi âu:”

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

I Kor 11:23

Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,

I Kor 15:1

Ơ lu 'nhŏng oh, 'nâu inh wă tơ'blŏk ăn kơ iĕm tơdrong 'nao 'lơ̆ng mă inh đei bơtho ăn kơ lu iĕm boih, lu iĕm lui boih păng oei kơjăp lăm tơdrong lui dang ei 'noh.

Both 18:18

Inh gô rơih pôk ăn minh 'nu bơngai khan lê̆ adrol thoi ih đơ̆ng, lăm 'nhŏng oh lu sư. Inh gô ăn nơ̆r Inh pơma lăm 'bơ̆r sư, na sư gô pơma ăn kơ lu sư dôm tơdrong Inh tơtă kơ lu sư.

Both 5:31

Gah ih, oei bĕ 'bơ̆t dâu hăm Inh, Inh gô roi ăn kơ ih băt dôm nơ̆r tơtă, tơdrong juăt păng nơ̆r tơbăt ih gô bơtho ăn dơ̆ng kơ lu sư, wă kơ lu sư pơm kiơ̆ tơ lăm dêh mă Inh gô ăn kơ lu sư.

I Sam 16:3

Ih krao Jese dai năm mơ̆n. Inh gô bơtho ăn kơ ih băt tơdrong kiơ ih gô pơm, Inh tơ'bôh ăn kơ ih bơngai bu ih gô tuh đak rơmă wă pơk sư pơm pơtao bơ̆jang kơ Inh.