Le 36:2 - Sơ̆p Hlabơar Nơ̆r 'Bok Kei-Dei

² Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang.

Le 36:2 Iomraidhean Croise

I Ho 28:21

Đei lu 'bok soi păng bơngai Lêwi, wă jang pơm hnam akŭm 'Bok Kei-Dei; đei lu sư gơh hơgei dôm tơdrong jang tơgŭm noh; lu 'bok pơgơ̆r păng đĭ-đăng kon pơlei, lu sư gô chu yom pơm kiơ̆ nơ̆r kon pơkă ngăl.”

I Ho 29:5

Maih wă yua kơ lu tơmam pơm hăm maih, hu wă yua kơ lu tơmam pơm hăm hu păng wă yua lơ tơdrong jang bơngai gơh hơgei wă pơm. Dang ei, bu wă 'maih pơyơ̆r kơdih ăn kơ Kră Yang?”

Le 25:2

Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh.

Le 25:40

Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Le 28:3

Ih athei lu bơngai gơh tanh sĭt hơgei, bơngai mă Inh ăn kơ lu sư gơh hơgei kơ pơm, wă kơ lu sư sĭt ăn kơ Arôn ao, wă kơ sư hrŭk năr đe pôk sư jing 'bok soi, wă kơ sư bơ̆jang kơ Inh.

Le 31:6

Inh kư̆m krao Ôhôliap kon drŏ-nglo Ahisamak, đơ̆ng adrĕch adrung Đan jing bơngai tơgŭm sư. Inh kư̆m ăn bơih đei đon tơchĕng wă kơ gơh hơgei jang lăm tôm tơdrong jang. Inh kư̆m krao bơngai plơ̆ng wă kơ lu sư gơh pơm đĭ-đăng tơdrong jang mă inh đei pơkă khan kơ ih.

Le 35:10

Lăm lu iĕm dôm lu bơngai gơh hơgei noh, iĕm athei năm jang dôm tơdrong mă Kră Yang đei bơtho khan:

Le 35:2

Iĕm athei bơ̆jang lăm tơdrâu năr, mă-lei truh năr mă tơpơh năr noh năr Sa'bat 'lơ̆ng rơgoh 'măn pơdơh kơ Kră Yang. Bơngai bu jang minh tơdrong kiơ̆ lăm năr noh, đe gô pơlôch sư.

Le 36:1

Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:

Le 36:3

Lu sư iŏk đơ̆ng Môis dôm tơmam pơyơ̆r đơ̆ng kon pơlei pơla Isơrael ba ăn wă yua pơm Bơsŭn Anih Akŭm rơgoh 'lơ̆ng. Rim pơgê đei bơngai năm ba tơ Môis tơmam pơyơ̆r kiơ̆ thoi tơdrong kăl yua.

Jang 14:23

Tơ rim pơlei bre sư kư̆m rơih ăn kơ lu sư wă kơ đei lu kră wei-lăng bơngai lui. Na bre sư ơ̆t kơ por krao khan, na bre sư krao khan apinh Kră Yang tơgŭm đĭ-đăng lu bơngai kră ei yua kơ lu sư lui kơ Kră Yang.

Kôlôsê 4:17

Păng iĕm khan kơ Achĭp athei sư jang mă keh tôm tơdrong jang sư, yua kơ Kră Yang Yêsu Krist pơjao kơ sư jang tơdrong 'noh boih.

Hêbrơ 5:4

Tơdrong pơm 'bok soi tih, tơ̆ng 'Bok Kei-Dei ưh kơ rơih iŏk, kon bơngai ưh kơ đei bu gơh pơm kơdih ôh; đơ̆ng 'Bok Kei-Dei rơih iŏk na kon bơngai gơh pơm. Thoi 'bok Arôn sơ̆ 'Bok Kei-Dei rơih iŏk 'mơ̆i na sư gơh pơm 'bok soi tih.