Le 34:16 - Sơ̆p Hlabơar Nơ̆r 'Bok Kei-Dei

¹⁶ Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

Le 34:16 Iomraidhean Croise

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

I Pot 11:1

'Nguaih kơ kon hơdruh Pharaôn, pơtao Sôlômôn hưch kơ lơ adruh bơngai tơmoi nai. Noh lu drŏ-kăn bơngai Môap, Ammôn, Eđôm, Siđôn păng Hêlit.

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

II Ho 21:11

Sư kư̆m pơm ming lu anih kơjung tơ kơpal groi char Juđa, pơhlŭ pơtơm kon pơlei mă oei lăm pơlei tih Jêrusalem pơm kơnê̆ oei sa kư̆ kă pơm kơ Juđa wơ̆l jrok.

Esơra 9:12

Kơlih kơ thoi noh, na 'nĕ ăn kon adruh lu iĕm iŏk kon tơdăm lu sư păng kư̆m 'nĕ ăn kon tơdăm lu iĕm iŏk kon adruh lu sư; 'nĕ kơ layơ chă tơdrong hiôk-hian lu sư păng wă kơ chă đei jing mơdrŏng đơ̆ng lu sư, wă kơ lu iĕm jing nuih pran, sŏng sa yua tơmam 'lơ̆ng đơ̆ng lăm dêh char păng 'măn lê̆ kơ kon lu iĕm dêh char âu jing tơmam lu sư yua ling-lang ling-lang hloi.

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Ne 10:30

Lu nhôn pơkă ưh kơ ăn ôh kon drŏ-kăn lu nhôn iŏk klo đơ̆ng adrĕch char âu păng kư̆m ưh kơ gơh iŏk oei kon drŏ-kăn lu sư oei kơ kon drŏ-nglo lu nhôn.

Ne 10:31

Lu nhôn pơkă lăm năr Sa'bat dah năr đei pơm giĕng tih ưh kơ răt phe 'ba dah tơmam kiơ đơ̆ng lu adrĕch char âu, lăm sơnăm mă tơpơh ưh kơ choh jang sa, kư̆m ưh kơ iŏk boih đơ̆ng bơngai bu oei hre.

Ne 13:23

Kŭm lăm chăl noh, inh 'bôh lu bơngai Juđa iŏk akăn bơngai Asdôt, Ammôn păng Môap;

Ne 13:25

Inh chrih khă, hiap pơtê̆ lu sư păng teh minh 'bar 'nu lăm lu sư, hrŭi sŏk lu sư, inh athei lu sư pơkă pơkăm hăm Kră Yang 'Bok Kei-Dei thoi âu: 'Nĕ ăn kon drŏ-kăn iĕm oei kơ kon drŏ-nglo lu sư, dah 'nĕ kơ rôp ăn kon drŏ-kăn lu sư kơ kon drŏ-nglo lu iĕm, dah wă iŏk oei kơ iĕm kơdih.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Hôsia 1:2

Kơplah Kră Yang pơtơm khan kơ Hôsia, Kră Yang khan kơ sư: Năm bĕ, iŏk oei kơ akăn luĕl 'blal păng pơjing kon pơm kư̆ kă yua kơ lăm dêh char âu pơm pơyô kư̆ kă kơnê̆ dêh, đei achăng lê̆ Kră Yang.

Lêwi 21:15

wă kơ sư ưh kơ gơh pơm kơnê̆ 'mê̆-'mach kơ kon sâu sư lăm kon pơlei pơla sư, yua kơ Inh boih Kră Yang pơm kơ sư jing rơgoh 'lơ̆ng.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

Jôsuê 23:13

lei iĕm athei băt Kră Yang 'Bok Kei-Dei lu iĕm ưh pă puh tơweh lu adrĕch adrung âu đơ̆ng anăp lu iĕm dơ̆ng, Lei lu sư gô thoi hơnhuăl păng hơđong hơ'năk kơ lu iĕm, pơm tơnguĕt teh kơdŭ rŏng, pơm thoi hrŏng jơla trŏ măt, dĭng truh tơ lu iĕm lôch răm đĭ-đăng đơ̆ng char 'lơ̆ng rŏ mă Kră Yang 'Bok Kei-Dei hlôi ăn kơ lu iĕm.

Lu 14:3

Mĕ 'bă sư tơl: Liơ ưh kơ đei ôh hă minh 'nu adruh lăm kon pơlei pơla bơ̆n, lăm adrĕch adrung bơ̆n, na mă kon khan wă chă akăn đơ̆ng kon pơlei bơngai Philistin lu sư ưh kơ đei kăt tơdra akar ôh. Samsơn khan kơ 'bă sư: Apinh 'bă rôp ăn kơ inh bĕ adruh 'noh, yua kơ inh lăp hưch kơ sư boih.

Lu 3:5

Thoi noh kon pơlei Isơrael oei hơdai hăm kon pơlei Kanaan, kon pơlei Hêtit, kon pơlei Amôrit, kon pơlei Phêrisit, kon pơlei Hêwit păng kon pơlei Jêbus,

Lu 3:6

lu sư iŏk kon adruh đe noh pơm akăn păng ăn kon drŏ-kăn lu sư oei kơ kon tơdăm đe noh păng kơkuh kiơ̆ kơ yang đe noh. Chih roi gah lu 'bok sek tơlang

Lu 8:27

Giđêôn iŏk maih noh pơm ao tai êphot tah 'măn lê̆ lăm pơlei sư tơ Ophra. Đĭ-đăng bơngai Isơrael kơkuh kơ tơmam sư pơm noh; tơmam noh jing hơđong hơ'năk kơ Giđêôn păng hnam dơnŏ sư.