Le 33:6 - Sơ̆p Hlabơar Nơ̆r 'Bok Kei-Dei

⁶ Lei na iŏk đơ̆ng kông Hôrêp kon pơlei pơla Isơrael plôh lê̆ đĭ tơmam pơhrôp lu sư.

Le 33:6 Iomraidhean Croise

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Le 32:3

Thoi noh đĭ-đăng lu kon pơlei toh le maih đơ̆ng đon lu sư klaih kơ noh năm ăn kơ Arôn,

Le 33:4

Kơplah kon pơlei pơla kơtơ̆ng tơdrong kơnê̆ noh, lu sư sơ'ngon kơdih kơdih, ưh kơ đei bơngai bu 'bot dah đoh tơmam pơhrôp.

Le 33:5

Yua kơ Kră Yang khan bơih kơ Môis, khan bĕ lu kon pơlei pơla Isơrael, lu iĕm jing kon pơlei pơla arăng kơ̆l, dah Inh năm hơdai iĕm 'nao lăp hrei hrei đĕch, Inh gô pơrăm iĕm! Thoi noh dang ei plôh bĕ tơmam pơhrôp iĕm, wă kơ Inh băt gô pơm kiơ kơ iĕm.

Le 33:7

Kơplah noh Môis chĕp ba bơsŭn năm pơdơ̆ng tơ 'nguaih ataih 'biơ̆ đơ̆ng anih kon pơlei oei, sư anăn bơsŭn 'noh “Bơsŭn Krao Apinh.” Dah bơngai bu 'maih wă krao apinh chă Kră Yang sư năm tơ bơsŭn noh tơ 'nguaih kơ anih kon pơlei oei.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Jôna 3:5

Kon pơlei Niniwe lui kơ Kră Yang 'Bok Kei-Dei. Lu sư roi tơbăt athei hrŭk ao 'bi na ơ̆t kơ sŏng sa, iŏk đơ̆ng bơngai pơm tih yŏng mơng truh tơ lu kon pơlei hmă.