Le 33:2 - Sơ̆p Hlabơar Nơ̆r 'Bok Kei-Dei

² Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Le 33:2 Iomraidhean Croise

Bl 15:21

Amôrit, Kanaan, Girgasit păng Jêbus.”

Bl 24:7

Kră Yang, Kră Yang 'Bok Kei-Dei plĕnh teh, jơ̆ Kră Yang mă chông ba inh, lê̆ mĕ 'bă, lê̆ 'nhŏng oh, lê̆ dêh char inh, đei pơma pơkăm pơkă hăm inh thoi âu: Inh gô ăn kơ adrĕch adrung ih dêh char âu. Sư gô wơh linh jang sư năm adrol kơ ih păng tơ anih ih gô chă ăn kơ kon inh akăn.

I Ho 1:14

Jêbus, Amôrit, Girgasit,

Le 23:20

'Nâu Inh wơh minh 'nu linh jang 'lơ̆ng năm adrol adrol kơ iĕm, wă wei-lăng kơplah iĕm yak năm rok trong mơ̆t tơ anih mă Inh đei hơmet boih.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 3:8

lei Inh jur wă pơklaih lu sư đơ̆ng ti bơngai Êyiptơ, chông tơlĕch lu sư đơ̆ng dêh 'noh năm tơ dêh 'lơ̆ng rŏ, glă rơhơi, đei tơmam sa mah rơkah rơkai dêh char đak toh, đak sut, 'noh char Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus oei tơ noh.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 33:12

Môis khan kơ Kră Yang: Ih đei khan bơih kơ inh thoi âu: Ih athei chông ba lu kon pơlei pơla âu năm, mă-lei Ih ưh kơ ăn inh băt ôh bơngai bu Ih wơh năm hơdai păng inh. Ih khan: Inh băt kơ ih, băt anăn ih păng ih đei tơdrong mơnat boih 'bơ̆t anăp Inh!

Le 34:11

Kơchăng bĕ tơdrong Inh pơkă ăn kơ ih năr âu: Âu Inh gô puh tơweh bơngai Amôrit, Kanaan, Hêtit, Pêrisit, Hêwit, hăm bơngai Jêbus đơ̆ng anăp ih.

Le 34:24

Inh gô puh tơweh lê̆ lu adrĕch adrung nai đơ̆ng anăp ih, Inh gô pơih dêh char ih rai să, ưh kơ đei bơngai bu tơgar dêh char iĕm mơ̆n kơplah ih năm dơ̆ng tơ'bôh 'bơ̆t anăp Kră Yang 'Bok Kei-Dei ih, pêng wơ̆t lăm rim sơnăm.a

Sa 12:8

Lăm năr noh, Kră Yang boih Tơ'ngla dŏng tơgŭm kon pơlei oei lăm Jêrusalem păng lăm năr noh lu bơngai mă tơrăn hloh gô pran thoi Đawit, hnam Đawit gô nhen thoi Kră Yang 'Bok Kei-Dei, gô thoi linh jang 'lơ̆ng Kră Yang oei 'bơ̆t anăp lu sư.

Both 7:22

Kră Yang 'Bok Kei-Dei iĕm gô puh lê̆ adrĕch 'nâu 'bơ̆t anăp iĕm 'net 'net; iĕm ưh kơ gơh pơlôch lu sư minh 'măng tăm ôh, kơnh hli kơ sem bri rai lơ na pơrăm iĕm dơ̆ng;

Jôsuê 24:11

Na lu iĕm tŏk kơ đak Krong Jôrđăn truh tơ pơlei Jêrikô, lu kon pơlei bơngai Jêrikô wă blah lu iĕm kư̆m thoi kon pơlei Amôrit, kon pơlei Pêrêsit kon pơlei Kanaan, kon pơlei Hêtit, kon pơlei Girgasit, kon pơlei Hêwit păng kon pơlei Jêbus, mă-lei Inh jao lu sư lăm tơpang ti lu iĕm.

Jôsuê 3:10

Jôsuê khan dơ̆ng: Yua kơ đơ̆ng tơdrong âu, na lu iĕm gô băt Kră Yang 'Bok Kei-Dei arih ling-lang Sư oei hơdai hăm lu iĕm păng Sư gô puh tơweh lê̆ lu bơngai Kanaan, bơngai Hêtit, bơngai Hêwit, bơngai Phêrisit, bơngai Girgasit, bơngai Amôrit păng bơngai Jêbus.

Lu 6:9

Inh dŏng pơklaih lu iĕm đơ̆ng ti lu bơngai Êyiptơ păng klaih iĕm đơ̆ng lu bơngai pơjuă pơđep lu iĕm; Inh pơpuh lê̆ lu sư weh ataih đơ̆ng lu iĕm; păng ăn boih kơ lu iĕm iŏk dêh char lu sư.