Le 33:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Le 33:1 Iomraidhean Croise

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 26:1

Sơ̆ đei pơngot lăm chăl arih Abraham, dang ei lăm tơring sư đei dơ̆ng pơngot rơwĕt. Isăk năm tơ Gêrar, char Abimêlek, pơtao đe Philistin.

Bl 26:3

Oei bĕ tơ char âu thoi tơmoi; Inh gô oei hơdai ih păng gô ăn kơ ih pŭn hiôk. Inh gô ăn kơ adrĕch adrung ih tơring âu păng dêh char âu păng Inh gô pơkeh nơ̆r Inh mă đei pơkă boih hăm Abraham, 'bă ih.

Bl 28:10

Jakôp đơ̆ng Bêrsêba năm truh tơ Charan.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Le 17:3

Kon pơlei oei tơ noh ưh kơ đei đak, rơhing 'maih nhă, na hil jŏk kơ Môis khan: Liơ ih chông ba lu nhôn lĕch đơ̆ng dêh Êyiptơ, wă kơ lu nhôn, kon sâu nhôn păng sem dơrong lôch rơhing kơ đak?

Le 32:1

Lu kon pơlei lăng Môis hiơ̆ kơ jur đơ̆ng kông, lu sư akŭm hloi tăp dăr kơ Arôn păng khan kơ sư: Pơm bĕ kơ bơ̆n lu rup yang năm adrol kơ bơ̆n; yua kơ Môis tơ'ngla mă tơlĕch bơ̆n đơ̆ng char Êyiptơ noh bơ̆n ưh kơ băt ôh tơdrong kiơ truh kơ sư bơih.

Le 32:13

Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Jo 11:12

Hăm trŏ kơ inh anăp tơpŭ lu sư ưh? Na mă Ih khan kơ inh: Pŭ krôp kon pơlei wei kon pơla âu lăm jơhngơ̆m ih bĕ, thoi bơngai 'bă mă pôk kon hơ'lơ̆p sư oei mŏm, dĭng mă truh tơ dêh char mă Ih đei pơkă wă ăn kơ lu 'bok yă lu sư.

Jang 7:36

“Môis anhăk lu đe Isơrael đơ̆ng dêh Êyiptơ. 'Bok Kei-Dei ăn kơ Môis pơm tơdrong mơsêh mơyang tơ dêh Êyiptơ, tơ đak dơsĭ 'brê păng tơ char glă kơplah puăn-jĭt sơnăm.

Both 1:8

Inh jao ăn kơ iĕm dêh âu; mơ̆t păng iŏk oei bĕ, dêh mă Kră Yang đei pơkă ăn kơ lu 'bok lu iĕm Abraham, Isăk, Jakôp, hăm lu kon sâu sư.