Le 32:4 - Sơ̆p Hlabơar Nơ̆r 'Bok Kei-Dei

⁴ Arôn iŏk tơmam lu noh đơ̆ng ti lu sư, sư hling maih noh, klaih kơ noh, sư tuh hling rup kon rơmo, na lu sư khan: Ơ bơngai Isơrael, 'nâu yang lu iĕm, tơ'ngla mă tơlĕch chông iĕm đơ̆ng char Êyiptơ.

Le 32:4 Iomraidhean Croise

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 12:32

Jêrôbôam kư̆m đei tơchĕng wă pơjing minh tơdrong pơm giĕng lăm khei tơhngam năr mơjĭt-pơđăm, thoi đe juăt kơ pơm giĕng lăm dêh Juđa, na sư pơyơ̆r lu tơmam soi tơ kơpal chơnang. Sư pơm tơdrong noh tơ pơlei Bethel, pơyơ̆r tơmam soi sơmah kơ 'bar tŏ rup yang kon rơmo mă sư đei pơm bơih păng maih. Pơtao kư̆m dan tơ pơlei Bethel lu 'bok soi, oei lăm hnam mă sư pơm bơih tơ anih kơjung 'noh.

II Pot 10:20

Jêhu athei: “Athei krao akŭm pơm giĕng tih, wă soi kơkuh kơ yang Baal. Thoi noh đe roi tơbăt pơm giĕng ei.

II Pot 10:29

Mă-lei, sư ưh kơ achăng lê̆ ôh tơdrong yoch Jêrôbôam, kon drŏ-nglo Nêbat noh bơih mă hlôi pơm kơ lu bơngai Isơrael pơm yoch. Noh kơkuh kơ rup yang rơmo đe pơm hăm maih tơ pơlei Bethel păng tơ Pơlei Đan.

II Ho 11:15

Jêrôbôam chă pôk pơjing lu 'bok soi sư kơdih tơ lu anih kơjung, kơ lu rup yang sư man noh bơbe tơno păng kon rơmo

II Ho 13:8

Na dang ei lu iĕm tơchĕng khan kĕ mơ̆n hă tơblah hăm char mă Kră Yang đei jao ăn boih kơ lu kon Đawit? Mă khan lu iĕm đei linh lơ chĕp ba rup man rơmo hăm maih mă Jêrôbôam đei man pơm yang iĕm.

Ne 9:18

Mă khan lu sư man minh pôm rup kon rơmo na khan: 'Nâu boih yang mă chông anhăk lu iĕm lĕch đơ̆ng dêh Êyiptơ păng tơblĕk Ih dêh tơpă.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 20:23

na, 'nĕ kơ man rup yang kơdih iĕm păng hu dah maih na pơting hăm Inh.

Le 20:4

Iĕm 'nĕ kơ pơm lu rup man kơdih, kư̆m 'nĕ pơm rup ayơ nhen thoi tơmam tơ kơpal plĕnh ti, dah tơ ala teh âu, dah tơ lăm ala đak sŭng.

Le 28:11

Athei chrek anăn lu kon drŏ-nglo Isơrael tơ 'bar hlak tơmo rang 'noh nhen thoi bơngai chrek tơ tơmam tơdra kơtĭt păng hling maih tơter jih tơmo noh.

Le 28:9

Ih athei iŏk 'bar tŏ tơmo gĭt păng chrek chhơ̆ tơ noh anăn lu kon drŏ-nglo Isơrael.

Le 32:1

Lu kon pơlei lăng Môis hiơ̆ kơ jur đơ̆ng kông, lu sư akŭm hloi tăp dăr kơ Arôn păng khan kơ sư: Pơm bĕ kơ bơ̆n lu rup yang năm adrol kơ bơ̆n; yua kơ Môis tơ'ngla mă tơlĕch bơ̆n đơ̆ng char Êyiptơ noh bơ̆n ưh kơ băt ôh tơdrong kiơ truh kơ sư bơih.

Le 32:24

Inh khan kơ lu sư: Bu đei maih athei lu sư plôh bĕ; na lu sư ăn maih noh tơ inh, inh klơ̆m 'buh maih noh lăm ŭnh, đơ̆ng noh na jing đei hĭ rup kon rơmo âu.

Le 32:3

Thoi noh đĭ-đăng lu kon pơlei toh le maih đơ̆ng đon lu sư klaih kơ noh năm ăn kơ Arôn,

Le 32:35

Kră Yang phak kon pơlei pơla hăm tơdrong jĭ apoh, yua kơ lu sư yoch pơm rup kon rơmo maih mă Arôn tuh hling.

Le 32:5

Arôn 'bôh tơdrong noh, sư pơm minh pôm chơnang soi 'bơ̆t anăp rup rơmo kon noh; păng ôr re khan. Pơgê dơning đei pơm giĕng kơkuh pơyom kơ Kră Yang.

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 46:6

Lu sư iŏk maih đơ̆ng lăm kơdŭng păng iŏk hu kŏng hăm 'long kŏng, lu sư mưng apah bơngai tuh hling maih pơm rup yang, đơ̆ng noh drap kơkuh.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Hôsia 10:5

Lu kon pơlei oei lăm char Kon pơlei Samari hli, yua kơ rup yang kon rơmo Bêt Awen hiong boih, kon pơlei ơh sơ'ngon yua rup yang noh, păng lu 'bok soi kư̆m nhơ̆m ơh 'mêm kơ rup kon rơmo 'lơ̆ng rŏ noh, yua kơ rup yang noh ưh pă đei boih.

Hôsia 13:2

Dang ei, lu sư pơm yoch rai dêh; lu sư yua hu, tuh hling pơm lơ rup yang kơ lu sư kơdih, pơm lu rup yang kiơ̆ kơ đon hơgei lu sư; đĭ-đăng ti lu sư thơ̆ hơgei! Đe đei roi trŏ kơ 'bơm lu sư khan: Pơm yang kơ rup kon rơmo păng chŭm rup kon rơmo noh!

Jang 17:29

“Iĕm pơm rup yang phŏ păng maih, dah hu, dah păng tơmo. Iĕm pơm rup yang kiơ̆ kơ iĕm tơchĕng đon iĕm kơdih đĕch. Mă-lei 'Bok Kei-Dei pơjing bơ̆n kon Sư, na bơ̆n 'nĕ tơchĕng 'Bok Kei-Dei thoi lĕ rup yang đĕch ôh.

Jang 7:41

Na hơtai ei lu sư pơm minh pôm rup yang kon rơmo hloi na lu sư gop tơmam soi khan gia kơ rơmo ei. Lu sư sŏng sa tih tơpă yua kơ rup yang ei lu sư pơm kơdih păng maih.

I Kor 10:7

Thoi noh na bơ̆n 'nĕ kơkuh kơ yang nai thoi lu yă 'bok bơ̆n mơ'nah sơ̆. Sơ̆p hla bơar 'Bok Kei-Dei roi tơdrong lu sư sơ̆ thoi âu: “Lu kon pơlei pơla sa et măk ai, kư̆m pơm suang pơrŏ kơ yang lu sư.”

Both 9:16

Inh lăng 'bôh lu iĕm pơm yoch blah Kră Yang 'Bok Kei-Dei lu iĕm, 'nao lăp 'biơ̆ đĕch lu iĕm weh achăng lê̆ trong Kră Yang bơtho pơkă, tuh man pơm kơdih iĕm minh pôm rup kon rơmo.

Lu 8:24

Giđêôn khan đơ̆ng kơ lu sư: “Inh wă apinh lu iĕm. Rim 'nu kơ lu iĕm athei ăn kơ inh dôm lu gŏp maih mă đêl lu iĕm blah iŏk.”a

Lu 8:27

Giđêôn iŏk maih noh pơm ao tai êphot tah 'măn lê̆ lăm pơlei sư tơ Ophra. Đĭ-đăng bơngai Isơrael kơkuh kơ tơmam sư pơm noh; tơmam noh jing hơđong hơ'năk kơ Giđêôn păng hnam dơnŏ sư.