Le 32:34 - Sơ̆p Hlabơar Nơ̆r 'Bok Kei-Dei

³⁴ Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 32:34 Iomraidhean Croise

Horiso 99:8

Ơ Kră Yang 'Bok Kei-Dei lu nhôn, Ih tơl tơwih boih nơ̆r lu sư, Ih boih Kră Yang 'Bok Kei-Dei mă đei mơnat ăn kơ lu sư, Mă-lei Ih kư̆m pơm tơwih tơdrong yoch đêl lu sư pơm.

Le 15:17

Ơ Kră Yang! Ih gô ba lu sư mơ̆t păng pơtăm lu sư tơ kơpal kông Ih. Ơ Kră Yang; anih Ih đei hơmet boih, wă pơm anih Ih oei, Ơ Kră Yang! Anih 'lơ̆ng rơgoh mă ti Ih đei pơjing boih.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 23:20

'Nâu Inh wơh minh 'nu linh jang 'lơ̆ng năm adrol adrol kơ iĕm, wă wei-lăng kơplah iĕm yak năm rok trong mơ̆t tơ anih mă Inh đei hơmet boih.

Le 3:17

na Inh khan: Inh gô iŏk tơlĕch iĕm đơ̆ng pơmat-tat lăm dêh Êyiptơ, wă anhăk ba iĕm tơ dêh Kanaan, đei kon pơlei Hêtit, kon pơlei Amôrit, kon pơlei Phêrêsit, kon pơlei Hêwit păng kon pơlei Jêbus, wă khan minh dêh char đak toh, đak sut.

Le 33:12

Môis khan kơ Kră Yang: Ih đei khan bơih kơ inh thoi âu: Ih athei chông ba lu kon pơlei pơla âu năm, mă-lei Ih ưh kơ ăn inh băt ôh bơngai bu Ih wơh năm hơdai păng inh. Ih khan: Inh băt kơ ih, băt anăn ih păng ih đei tơdrong mơnat boih 'bơ̆t anăp Inh!

Le 33:2

Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Je 14:10

Kră Yang khan gah kon pơlei 'nâu: “Lu sư 'maih kơdâu tơklah thoi noh, ưh kơ băt pơkơ̆ng jơ̆ng lu sư; Na Kră Yang ưh kơ sơng iŏk lu sư; Dang ei, Kră Yang 'blŏk kơ tơdrong kơnê̆ lu sư, Kră Yang wă phak lu sư đơ̆ng pơm yoch.”

Je 23:2

Thoi noh na, Kră Yang, 'Bok Kei-Dei bơngai Isơrael khan kơ lu bơngai wei triu, wei-lăng kon pơlei Inh. “Lu iĕm pơm kơ triu Inh tơklah tơklang, pơpuh tơweh tơ nai ưh kơ wei rong lu sư, Kră Yang khan. 'Nâu Inh gô phak lu iĕm yua kơ tơdrong kơnê̆ iĕm pơm.”

Je 5:29

Kră Yang khan: “Lei na Inh ưh kơ sek tơlang phak lu sư kơ tơdrong noh hă? Hăm kon pơlei thoi noh lei na Inh ưh kơ sek tơpăt hă?

Je 5:9

Kră Yang khan: “Lei na Inh ưh kơ hil kơ lu sư yua kơ tơdrong noh hă? Hăm adrĕch adrung thoi noh na Inh wă ưh kơ pơm tơdrong tơpăt hă?

Hôsia 8:13

Mă khan lu sư soi pơyơ̆r kơ Inh, păng sa sĕch 'nhĕm noh, Kră Yang ưh kơ hiôk ôh kơ lu sư. Na Kră Yang 'blŏk kơ tơdrong kơnê̆ đêl lu sư pơm, păng gô phak pơjĭ lu sư yua kơ tơdrong yoch lu sư pơm; lu sư gô wih brŏk tơ dêh Êyiptơ.

Am 3:14

Lăm năr mă inh wă phak Isơrael yua kơ tơdrong yoch lu sư; Inh gô pơrăm lu chơnang soi tơ pơlei Bethel, dôm lu hơke chơnang soi inh gô chơ̆ng tơhuŏng lê̆ tơ teh.

Am 3:2

Lăp minh adrĕch adrung lu iĕm đĕch lăm teh đak âu Inh băt lei na inh gô bơtho pơjĭ yua kơ tơdrong kơnê̆ iĕm pơm.

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.