Le 32:16 - Sơ̆p Hlabơar Nơ̆r 'Bok Kei-Dei

¹⁶ 'Bar tŏ gơ'bang noh đơ̆ng tơdrong jang Kră Yang 'Bok Kei-Dei pơm chư noh kư̆m đơ̆ng Kră Yang 'Bok Kei-Dei, chih răk 'bơ̆t tơmo.

Le 32:16 Iomraidhean Croise

Jop 19:24

Rŏ kơ đe chrek hăm 'long chih mam pơklep bơlơ̆k. Chhơ̆ tơ tơmo lat na oei đei ling-lang.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 32:15

Môis jur brŏk đơ̆ng kông chĕp ba 'bar tŏ gơ'bang tơdrong pơgơ̆p, 'bar tŏ gơ'bang pơgơ̆p noh đei chih 'bar pah.

Le 32:17

Kơplah noh Jôsuê kơtơ̆ng kon pơlei pơla ôr, sư khan kơ Môis khan: “Đei jơwa tơdrong tơblah tơ lăm anih kon pơlei.”

Le 34:1

Kră Yang khan kơ Môis: Ih athei traih tơmo pơm 'bar hlak gơ'bang nhen thoi gơ'bang adrol ki, đơ̆ng noh Inh gô chih 'bơ̆t gơ'bang noh, nơ̆r pơma thoi 'bơ̆t gơ'bang mă ih hơtat pơchah lê̆ noh ki.

Le 34:4

Thoi noh Môis traih hloi 'bar hlak gơ'bang păng tơmo thoi adrol ki. Sư iung đơ̆ng hrôih tŏk tơ kông Sinai, chĕp ba 'bar hlak gơ'bang noh kiơ̆ thoi nơ̆r Kră Yang đei tơtă kơ sư.

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

II Kor 3:7

Tơdrong pơkă noh sơ̆ chih tơ tơmo lat wă phak pơlôch lu bơngai ưh kơ chu. Na lăp Môis iŏk tơmo lat noh đơ̆ng 'Bok Kei-Dei sơ̆, muh măt Môis rang hơdah dêh, truh tơ lu bơngai Isơrael mah pă kĕ lăng muh măt sư, mă-lei muh măt Môis rai đunh ưh pă rang hơdah boih.

Both 10:1

Kơplah noh Kră Yang khan kơ inh: Ih athei man 'bar hlak tơmo lat thoi 'bar hlak tơmo lat adrol ki păng năm tŏk tơ Inh tơ kơpal kông ti; ih kư̆m athei pơm minh pôm hom păng tơ̆r.

Both 9:15

Inh hăt hot jur đơ̆ng kông, kông ŭnh oei sa; 'bar pah tơpang ti inh chĕp 'bar hlak tơmo lat tơdrong pơgơ̆p.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.