Le 32:15 - Sơ̆p Hlabơar Nơ̆r 'Bok Kei-Dei

¹⁵ Môis jur brŏk đơ̆ng kông chĕp ba 'bar tŏ gơ'bang tơdrong pơgơ̆p, 'bar tŏ gơ'bang pơgơ̆p noh đei chih 'bar pah.

Le 32:15 Iomraidhean Croise

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Le 16:34

Kiơ̆ thoi Kră Yang tơtă kơ Môis, Arôn pơdơ̆ng get 'noh 'bơ̆t anăp hom tơdrong pơgơ̆p.

Le 24:12

Kră Yang khan kơ Môis: Tŏk bĕ tơ Inh tơ kơpal kông păng gô tơ noh; Inh gô ăn kơ ih tơmo lat, chih răk khôi juăt păng nơ̆r tơtă wă bơtho kon pơlei pơla,

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 32:16

'Bar tŏ gơ'bang noh đơ̆ng tơdrong jang Kră Yang 'Bok Kei-Dei pơm chư noh kư̆m đơ̆ng Kră Yang 'Bok Kei-Dei, chih răk 'bơ̆t tơmo.

Le 34:29

Kơplah Môis jur đơ̆ng kông Sinai ti sư chĕp ba 'bar hlak gơ'bang tơdrong pơgơ̆p, Môis ưh kơ băt ôh muh măt kơdih sư hơdah yua kơ đơ̆ng sư pơma dơnuh hăm Kră Yang.

Le 40:20

Môis tah 'bar hlak gơ'bang chih Mơjĭt Khôi Juăt tơ lăm Hom Tơdrong Pơgơ̆p, sư sôr 'long tơnung. Păng dan tơnglơ̆p tơdrong 'mêm mơnat tơ kơpal hom noh.

II Kor 3:3

Iĕm dang kơthơ Yêsu Krist mă nhôn chih. Mă-lei ưh kơ sĭ chih păng đak mơ̆k ôh. Yang Bơhngol 'Lơ̆ng 'Bok Kei-Dei mă arih ling-lang Sư chih tơgŭm nhôn mă ưh kơ sĭ chih tơ tơmo lat thoi tơdrong 'Bok Kei-Dei pơkă hơdrol sơ̆ ôh, Sư chih tơ'băk tơ lăm jơhngơ̆m đon iĕm.

II Kor 3:7

Tơdrong pơkă noh sơ̆ chih tơ tơmo lat wă phak pơlôch lu bơngai ưh kơ chu. Na lăp Môis iŏk tơmo lat noh đơ̆ng 'Bok Kei-Dei sơ̆, muh măt Môis rang hơdah dêh, truh tơ lu bơngai Isơrael mah pă kĕ lăng muh măt sư, mă-lei muh măt Môis rai đunh ưh pă rang hơdah boih.

Both 5:22

Tơ kơpal kông, đơ̆ng tŏk-bŏk ŭnh, đơ̆ng lăm hơmơ̆l păng đơ̆ng lăm măng mu, đei nơ̆r re kơtang; Kră Yang khan dôm lu nơ̆r âu ăn kơ đĭ-đăng lu iĕm, Sư ưh kơ đei thim ôh; Sư chih dôm lu nơ̆r noh tơ kơpal 'bar hlak tơmo lat na jao ăn kơ inh.

Both 9:15

Inh hăt hot jur đơ̆ng kông, kông ŭnh oei sa; 'bar pah tơpang ti inh chĕp 'bar hlak tơmo lat tơdrong pơgơ̆p.

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Tơdrông Tơ'bôh 5:1

Păng inh 'bôh 'Bok Kei-Dei oei tơ tang-dŏ Sư, ti Sư gah 'ma chĕp minh sơnôm hla bơar, hla bơar ei chih 'bar pah rŏng klak na lôm pơklep sư tơpơh 'măng pơklep, wă kơ băt tơdra hli kơ đe hek lăng.