Le 30:16 - Sơ̆p Hlabơar Nơ̆r 'Bok Kei-Dei

¹⁶ Thoi noh ih ra iŏk jên wă kơ huai tơdrong arih lu bơngai Isơrael, na yua jên 'noh ih tơmơ̆t lăm tơdrong jang lăm Bơsŭn Anih Akŭm, 'noh jing tơmam 'blŏk hơdơ̆r kơ kon pơlei Isơrael pơyơ̆r ăn kơ Kră Yang, wă kơ gơh huai tơdrong arih kơdih akâu iĕm.

Le 30:16 Iomraidhean Croise

II Ho 24:6

Pơtao krao Jêhôiada 'bok soi tơm păng khan: “Yua kơ kiơ ih ưh kơ pơkă kơ lu bơngai Lêwi chĕp ba jên lu bơngai Juđa păng lu bơngai oei lăm pơlei Jêrusalem ra ăn kiơ̆ kơ Môis đĭch đam Kră Yang 'Bok Kei-Dei mă đei pơkă boih hăm lu kon pơlei Isơrael athei pơyơ̆r ăn kơ Bơsŭn Roi Tơbăt?”

Le 12:14

Lu iĕm athei chih răk năr âu wă kơ iĕm 'blŏk ling-lang; truh tơ rim jơhnơr athei wei pơm giĕng ăn kơ Kră Yang, wă khan minh tơdrong giĕng pơjing tơtă ling-lang.

Le 30:15

Kơplah iĕm pơyơ̆r tơmam 'nâu ăn kơ Kră Yang wă kơ huai tơdrong arih kơdih, lu bơngai mơdrŏng ưh kơ ăn pơhloh, kơ lu bơngai dơnuh kư̆m ưh kơ gơh ăn hơtuch kơ minh puăt seikơl mơ̆n.

Le 30:17

Kră Yang khan kơ Môis:

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 31:54

Thoi noh, Môis păng Êlêasar 'bok soi iŏk maih đơ̆ng yŏng pơgơ̆r minh-rơbâu linh păng đơ̆ng yŏng pơgơ̆r minh-hrĕng linh, na chĕp ba tơ Bơsŭn Anih Akŭm pơm tơmam wă kơ 'blŏk kơ lu adrĕch Isơrael 'bơ̆t anăp Kră Yang.

Luka 22:19

Đơ̆ng rŏng kơ noh Yêsu iŏk 'bĕng mi krao khan bơnê kơ 'Bok Kei-Dei, na phĕ hloi 'bĕng mi noh asong kơ lu sư păng khan: “'Bĕng âu boih akâu Inh. Akâu Inh âu boih Inh ăn lôch tang kơ iĕm. Iĕm kư̆m athei pơm thoi âu ling-lang wă 'blŏk hơdơ̆r kơ Inh.”