Le 30:1 - Sơ̆p Hlabơar Nơ̆r 'Bok Kei-Dei

¹ Ih athei pơm minh pôm chơnang soi păng 'long keo wă kơ soh tơmam 'bâu phu.

Le 30:1 Iomraidhean Croise

I Pot 6:20

Lăm anih Rơgoh hloh noh tor sư mơjĭt hlok, wơ̆l sư mơjĭt hlok păng kơjung sư kư̆m lei-lăi mơjĭt hlok; sư lom anih Rơgoh hloh hăm maih rơgoh sư kư̆m lom chơnang soi hăm tơ̆r, 'long hơngo.

I Pot 6:22

Sôlômôn kư̆m lom jơ̆p Hnam akŭm hăm maih; sư kư̆m lom đĭ chơnang soi hăm maih 'măn lăm Anih Rơgoh Hloh 'noh.

I Pot 7:48

Pơtao Sôlômôn sư kư̆m pơm tơmam yua lăm Hnam akŭm Kră Yang sư pơm chơnang soi hăm maih; sư kư̆m pơm gơ'bang 'măn 'bĕng hăm maih.

I Ho 28:18

Kŭm kŏng maih se wă pơm chơnang soi soh tơmam 'bâu phu păng kŏng ăn maih pơm tơnglơ̆p đei chêrubim hăm maih bơyar pơnăr klơ̆p kơpal Hom Pơgơ̆p Kră Yang.

I Ho 6:49

Mă-lei Arôn păng lu kon sâu sư pơyơ̆r tơmam soi 'buh tơ kơpal chơnang soi, dah tơ kơpal chơnang soh pơgang 'bâu phu, jang tơdrong jang tơ lăm Anih Rơgoh, pơyơ̆r tơmam soi huai đơ̆ng yoch ăn kơ bơngai Isơrael, kiơ̆ thoi tơdrong Môis đĭch đam Kră Yang 'Bok Kei-Dei đei bơtho pơkă.

II Ho 26:16

Wă sư pran kơtang boih jơhngơ̆m sư pơang truh tơ sư pơm yoch, pơm glăi hăm Kră Yang 'Bok Kei-Dei sư kơdih; sư mơ̆t lăm hnam Kră Yang, soh tơmam 'bâu phu 'bơ̆t chơnang 'bok soi juăt kơ soh tơmam 'bâu phu.

Le 30:10

Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.

Le 30:2

Chơnang să iĕ tŏ ăi, gah tor minh hơgăt, gah wơ̆l minh hơgăt păng kơjung 'bar hơgăt; chơnang soi pơm puăn tŏ ake kơtă hloi.a

Le 31:8

Gơ'bang păng tơmam yua lăm sư, jơ̆ng ŭnh kơđeng maih rơgoh păng đĭ-đăng tơmam yua lăm sư, chơnang soi tơmam 'bâu phu.

Le 35:15

Chơnang soi hăm 'long tơnung tung, đak rơmă păng 'bâu phu; che pĕng 'măng Bơsŭn Anih Akŭm.

Le 39:38

chơnang soi maih, đak 'bâu phu wă yua pik, tơmam 'bâu phu, che pĕng 'măng mơ̆t tơ Bơsŭn;

Le 40:5

Dan chơnang soi maih wă soh tơmam 'bâu phu 'bơ̆t anăp hom pơgơ̆p păng iŏk che dăng pĕng klơ̆p 'măng mơ̆t tơ bơsŭn.

Êsêkiên 41:22

Chơnang soi pơm hăm 'long kơjung pêng hlok, tor 'bar hơgăt, wơ̆l 'bar hơgăt, lu mum, jơ̆ng, hơnă pơm hăm 'long. Bơngai noh khan kơ inh: “Âu, boih gơ'bang 'bơ̆t anăp Kră Yang.;

Lêwi 4:18

Đơ̆ng noh sư gô pik pham tơ lu ake chơnang soi lăm Bơsŭn Anih Akŭm 'bơ̆t anăp Kră Yang, đơ̆ng noh lu pham oei đei tuh đĭ tơ jơ̆ng chơnang soi tơmam soi pơyơ̆r 'buh dan tơ 'măng Bơsŭn Anih Akŭm.

Lêwi 4:7

'Bok soi gô pik pham tơ kơpal lu ake chơnang soi tơmam 'bâu phu lăm Bơsŭn Anih Akŭm 'bơ̆t anăp Kră Yang păng tuh đĭ pham rơmo tơ jơ̆ng chơnang soi tơmam soi 'buh, dan tơ anăp 'măng mơ̆t tơ Bơsŭn Anih Akŭm.

Jo 3:31

Tơdrong jang lu kon sư noh wei-lăng Hom Tơdrong Pơgơ̆p, gơ'bang, jơ̆ng ŭnh kơđeng, chơnang soi păng lu tơmam yua lăm anih rơgoh wă yua lăm tơdrong akŭm kơkuh hăm che pĕng gom păng dôm tơdrong 'bơm lăm tơdrong jang 'noh.

Jo 4:11

Lu sư athei lơ̆k minh blah che jơk plĕnh kơpal gơ'bang soi maih păng gom hăm akar ka tih đang kơ noh đe sôr 'long tơnung tung;

Hêbrơ 9:4

Lăm noh đei chơnang soi maih đe tơ̆k ŭnh soh pơgang 'bâu phu. Lăm noh kư̆m đei minh pôm hom tih đe kư̆m hling păng maih mơ̆n. Lơ̆m hom noh đe tah tơmo lat chih tơdrong 'Bok Kei-Dei pơkă kơ kon bơngai, tah kơlăm maih wă mong 'bĕng mana mă huŏng đơ̆ng plĕnh sơ̆, hăm tah 'long jra 'bok Arôn mă chăt pơkao.

Tơdrông Tơ'bôh 8:3

Đei minh 'nu linh jang nai dơ̆ng, sư dơ̆ng 'bơ̆t anăp chơnang soi, sư chĕp minh pôm kơlăm maih păng đe ăn kơ sư minh achô̆ ŭnh nhang wă soh kơplah đĭ-đăng bơngai lui oei krao khan, wă kơ 'bâu phu. Na sư pơyơ̆r ŭnh nhang noh kơ 'Bok Kei-Dei 'măn 'bơ̆t chơnang soi tơklă tang-dŏ 'Bok Kei-Dei.