Le 3:22 - Sơ̆p Hlabơar Nơ̆r 'Bok Kei-Dei

²² rim 'nu bơngai drŏ-kăn Isơrael gô apinh đơ̆ng bơngai drŏ-kăn Êyiptơ rông 'bôt sư, hăm lu bơngai tơmoi oei hơdai lăm hnam dơnŏ, dôm tơmam thoi maih, hu, truh tơ hơbĕn ao, iŏk pơhrŭk ăn kơ kon drŏ-nglo, drŏ-kăn lu iĕm kơdih. Lu iĕm gô plôh iŏk pơđĭ đơ̆ng akâu kon pơlei Êyiptơ thoi noh.

Le 3:22 Iomraidhean Croise

Bl 15:14

Mă-lei inh gô phak char mă adrĕch adrung ih pơm đĭch noh, đơ̆ng noh, kơplah iĕm lĕch hlôi, lu iĕm gô đei tơmam lơ tơpă.

Bl 24:53

Sư iŏk dôm tơmam pơhrôp păng hu, maih păng ao tai chro ăn kơ Rê'bêka; păng kư̆m đei lu tơmam gĭt kăp pơyơ̆r ăn kơ 'nhŏng sư hăm Mĕ sư.

Horiso 105:37

Na Sư chông ba Isơrael lĕch đei chĕp ba hu maih, Ưh kơ đei bu lap rơmơ̆n lăm lu adrĕch lu sư.

Le 11:2

Na athei roi bĕ kơ kon pơlei păng pơkă khan wă kơ rim 'nu lu sư mă drŏ-nglo dah drŏ-kăn athei apinh lu bơngai jih 'ma sư dôm tơmam gĭt păng hu, dah maih.

Tơdrông Pơđơk 13:22

Bơngai 'lơ̆ng mong tơmam ăn kơ lu kon sâu sư. Mă-lei bơngai kơnê̆ lê̆ tơmam sư kơ lu bơngai tơpăt.

Êsai 33:1

Răm-'băm dêh kơ ih, ơ bơngai pơrăm đe, đe ưh tam mă đei pơrăm ih, ơ bơngai blơ̆ blĕch đe, đe ưh tam đei blơ̆ ih! Kơplah mă ih pơdơh pơrăm đe, đe gô pơrăm ih dơ̆ng. Kơplah ih ưh pă blơ̆ blĕch đe gô blơ̆ ih.

Êsêkiên 39:10

Lu sư ưh pă chă 'long ŭnh tơ chŭn, ưh pă chă 'long ŭnh tơ bri, yua tơmam tơblah wă tơkuh pơm 'long ŭnh, lu sư gô tơgar iŏk đơ̆ng lu bơngai tơgar iŏk đơ̆ng lu sư păng iŏk đơ̆ng lu bơngai mă iŏk đơ̆ng lu sư, Kră Yang khan.