Le 3:19 - Sơ̆p Hlabơar Nơ̆r 'Bok Kei-Dei

¹⁹ Tơpă, Inh băt mă đơ̆ng iĕm iŏk jơhngơ̆m apinh pơgŏ pơtao Êyiptơ, sư kư̆m ưh kơ ăn iĕm năm!

Le 3:19 Iomraidhean Croise

Le 10:20

Mă-lei Kră Yang pơm ăn kơ Pharaôn oei arăng kơ̆l, sư kư̆m ưh kơchăng lê̆ ăn kon pơlei Isơrael năm ôh.

Le 11:10

Môis păng Arôn pơm tơdrong mơsêh 'nâu 'bơ̆t anăp Pharaôn; mă-lei yua kơ Kră Yang pơm kơ Pharaôn arăng kơ̆l, na sư ưh achăng lê̆ kon pơlei Isơrael năm lĕch đơ̆ng dêh sư.

Le 11:9

Kră Yang khan kơ Môis: Pharaôn ưh wă chu ôh, wă lê̆ kơ Inh pơm tơdrong mơsêh hlĭch pơthim lơ lăm dêh Êyiptơ.

Le 13:15

yua kơ kơplah Pharaôn arăng kơ̆l ưh kơ ăn kơ lu nhôn năm, Kră Yang pơlôch đĭ hloi lu kon kơdră lăm dêh Êyiptơ, đơ̆ng kon kơdră drŏ-nglo kon bơngai truh tơ kon sem dơrong tuh blŭng-a, yua tơdrong noh, inh pơyơ̆r ăn Kră Yang dôm kon sem dơrong tơno tuh blŭng-a păng inh huai iŏk kon kơdră kon drŏ-nglo inh.

Le 4:21

Kră Yang khan kơ Môis: Mưh wih tơ dêh Êyiptơ, kơchăng kơ tơdrong mơsêh hlĭch Inh đei pơjao 'bơ̆t ti ih mă ih pơm 'bơ̆t anăp Pharaôn; mă-lei Inh gô pơm ăn kơ sư arăng kơ̆l ưh kơ ăn kon pơlei năm.

Le 5:2

Mă-lei Pharaôn tơl: Kră Yang noh bu? Mah athei inh chu kơ nơ̆r Sư, ăn kon pơlei Isơrael năm? Inh ưh kơ băt Kră Yang ôh; kư̆m ưh kơ ăn kon pơlei năm mơ̆n.

Le 6:1

Kră Yang pơma hăm Môis khan: Dang ei ih gô 'bôh dôm tơdrong Inh wă pơm kơ Pharaôn; yua đơ̆ng ti mơsêh mơyang Inh athei pơtao 'noh sư gô achăng kon pơlei păng puh tơlĕch hloi kon pơlei Isơrael đơ̆ng dêh sư.

Le 8:28

Pharaôn khan: Inh gô ăn lu iĕm năm, wă kơ iĕm năm pơyơ̆r tơmam soi sơmah kơ Kră Yang 'Bok Kei-Dei lu iĕm, tơ char glă, mă-lei lu iĕm 'nĕ năm ataih hloh kơ noh. Krao khan bĕ kơ inh hai!

Le 9:35

Pharaôn arăng kơ̆l, ưh kơ 'maih achăng kon pơlei Isơrael năm, trŏ thoi nơ̆r Kră Yang đei khan bơih kơ Môis păng yua 'bơ̆r Môis pơma.

Le 9:7

Na Pharaôn wơh bơngai năm lăng, 'bôh ưh kơ đei minh pôm sem dơrong, lu bơngai Isơrael lôch ôh. Mă-lei Pharaôn oei arăng kơ̆l, ưh kơ chu ăn kon pơlei năm.