Le 3:18 - Sơ̆p Hlabơar Nơ̆r 'Bok Kei-Dei

¹⁸ Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Le 3:18 Iomraidhean Croise

Bl 12:1

Âu, Kră Yang đei khan kơ Abram thoi âu: “Ih athei lĕch đơ̆ng dêh char âu, tơklah đơ̆ng hnam dơnŏ păng 'nhŏng oh mĕ 'bă ih, na năm tơ dêh char mă Inh gô tơ'bôh kơ ih.

Bl 14:13

Minh 'nu bơngai klaih năm kơdâu roi kơ Abram bơngai Hêbrơ, oei tơ hla hơmŭl 'long kôih Mamrê, bơngai Amôrit, 'nhŏng kơ Êskôl păng Ane, pêng 'nu âu pơgơ̆p hăm Abram boih.

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 48:3

Jakôp khan kơ Jôsep thoi âu: Kră Yang 'Bok Kei-Dei mơsêh mơyang đei tơ'bôh kơ inh păng ăn kơ inh tơdrong pŭn hiôk tơ Lus, lăm dêh Kanaan.

II Ho 30:12

Kră Yang 'Bok Kei-Dei kư̆m tơgŭm lu bơngai Juđa pơm ăn kơ lu sư lăp đon 'maih wă pơm kiơ̆ nơ̆r pơtao păng yŏng pơgơ̆r đei tơtă, kiơ̆ thoi nơ̆r Kră Yang.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Le 17:5

Kră Yang tơl Môis: Năm bĕ 'bơ̆t anăp kon pơlei chĕp 'long jra mă ih teh tơ đak krong Nil sơ̆ păng, chông ba lu kră bơngai Isơrael, na năm hơdai ih.

Le 19:1

Đơ̆ng rŏng kơ lu sư lĕch đơ̆ng dêh Êyiptơ, 'nao pêng khei kon pơlei Isơrael truh tơ char glă Sinai.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 3:16

Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Le 30:36

Athei peh sư jing tơpŭng hĕch, na prôi sư 'bơ̆t anăp kơ Hom pơgơ̆p lăm Bơsŭn Anih Akŭm anih mă Inh gô tơ'bơ̆p ih. Pơgang 'bâu phu âu rơgoh hloh.

Le 30:6

Ih gô ming chơnang soi 'noh gah anăp che pĕng găn jê̆ hom tơdrong pơgơ̆p păng tơnglơ̆p tơdrong 'mêm mơnat đơ̆p kơpal Hom anih Inh gô tơ'bơ̆p ih.

Le 4:1

Môis drơ̆ng khan: Mă-lei kon pơlei noh ưh kơ lui păng ưh kơ chu nơ̆r inh, lu sư gô khan: Kră Yang ưh kơ đei tơbang tơ'bôh ăn kơ ih ôh.

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 4:24

Kơplah oei năm rok trong, Kră Yang tơ'bơ̆p Môis tơ anih hnam đe mơdro păng wă pơlôch lê̆ sư.

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 5:3

Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,

Le 7:16

Ih athei tơbăt kơ sư: Kră Yang 'Bok Kei-Dei kon pơlei Hêbrơ, wơh inh năm tơ ih, khan thoi âu: Athei achăng ăn kon pơlei Inh năm, wă kơ lu sư kơkuh kơ Inh tơ tơmăn glă; na truh dang ei ih ưh kơ 'maih mơ̆ng Inh hơya tŏ sĕt.

Le 8:1

Kră Yang khan kơ Môis: Năm tơ'bơ̆p bĕ Pharaôn păng roi tơbăt kơ sư, Kră Yang đei khan thoi âu: Athei achăng kon pơlei inh năm, wă kơ lu sư awih awăn kơkuh kơ inh.

Le 8:20

Đơ̆ng noh, Kră Yang khan kơ Môis, Pharaôn sư gô lĕch ngôi jê̆ đak krong, ih athei iung mă hrôih năm tơ'bơ̆p sư na roi tơbăt ăn kơ sư, Kră Yang khan thoi âu: Ăn kon pơlei inh năm, wă kơ lu sư gơh kơkuh kơ inh.

Le 8:23

Lei Inh gô klah kon pơlei Inh hăm kon pơlei ih pha. Truh năr dơning, tơdra hlĭch 'nâu gô đei.

Le 9:1

Kră Yang khan kơ Môis, năm bĕ tơ Pharaôn tơbăt kơ sư, Kră Yang 'Bok Kei-Dei kon pơlei Hêbrơ, đei khan: Achăng bĕ lê̆ kon pơlei Inh năm, wă kơ lu sư kơkuh kơ Inh;

Le 9:13

Kră Yang khan kơ Môis, ih athei iung mă hrôih năm tơ'bơ̆p Pharaôn na khan kơ sư: Kră Yang 'Bok Kei-Dei kon pơlei Hêbrơ, đei khan: Athei achăng lê̆ kon pơlei Inh năm, wă kơ lu sư kơkuh kơ inh,

Êsai 64:5

Ih sơng iŏk lu bơngai jơhngơ̆m hiôk pơm tơdrong tơpăt, păng lu bơngai 'blŏk kơ Ih năm kiơ̆ trong Ih. Ih hil bơih yua kơ lu nhôn pơm yoch. Đunh bơih lu nhôn oei lăm yoch noh, na wă gơh klaih liơ?

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Je 26:5

păng tơdah lu iĕm ưh kơ wă mơ̆ng dôm nơ̆r đơ̆ng lu đĭch đam Inh, mă lu bơngai khan lê̆ adrol, Inh ling-lang wơh lu sư năm truh tơ iĕm, mă-lei lu iĕm kư̆m kuă kơ mơ̆ng lu sư,’ ”

Jo 17:4

ih athei 'măn lê̆ lu 'long jra noh 'bơ̆t anăp Hom Tơdrong Pơgơ̆p, anih mă Inh ngăl tơ'bơ̆p ih.

Jôsuê 1:17

Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.