Le 3:16 - Sơ̆p Hlabơar Nơ̆r 'Bok Kei-Dei

¹⁶ Ih năm akŭm pơpôi bĕ lu kră bơngai Isơrael, khan kơ lu sư: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, tơ'bôh boih kơ inh păng khan: Tơpă Inh năm tơmang lu iĕm, 'bôh dôm tơdrong lu sư pơm kơ lu iĕm lăm dêh Êyiptơ;

Le 3:16 Iomraidhean Croise

Bl 1:7

Kră Yang 'Bok Kei-Dei pơjing anê̆ rơwơ̆ng noh, klah asong đak tơ ala anê̆ rơwơ̆ng păng đak tơ kơpal anê̆ rơwơ̆ng; na đei hloi thoi noh.

Bl 21:1

Kră Yang năm tơgŭm yă Sara, kiơ̆ thoi nơ̆r sư đei pơma pơkă, pơm 'blep thoi Sư đei khan kơ Sara.

Bl 28:13

Na âu, 'bôh Kră Yang hơ-oei 'bơ̆t kơ̆l kung noh păng khan thoi âu: Inh boih Kră Yang Kră Yang 'Bok Kei-Dei Abraham, 'bok ih kư̆m Kră Yang 'Bok Kei-Dei Isăk 'bă ih. Inh gô ăn kơ ih păng adrĕch adrung ih teh đak mă ih oei 'bĭch âu.

Bl 48:15

Đơ̆ng noh sư sơkat ăn kơ Jôsep đei pŭn hiôk. Apơi apinh Kră Yang 'Bok Kei-Dei 'bok inh Abraham păng 'bă inh Isăk chu yom Kră Yang 'Bok Kei-Dei mă wei rong inh đơ̆ng oei nge sơ̆ khơ̆ dang ei.

Bl 50:24

Đơ̆ng noh Jôsep khan kơ lu 'nhŏng sư thoi âu: Inh gô lôch mă-lei đei Kră Yang 'Bok Kei-Dei sư wei rong iĕm tơpă. Gô chông ba lu iĕm wih brŏk tơ dêh char mă Kră Yang 'Bok Kei-Dei đei pơkă hăm Abraham, Isăk păng 'bă bơ̆n Jakôp.

Horiso 102:21

Wă kơ đe ră roi anăn Kră Yang lăm Siôn. Păng kơkuh bơnê kơ Sư tơ lăm Jêrusalem,

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 8:4

Kon bơngai noh kiơ na Ih mah tơchĕng 'blŏk? Kon bơngai noh kiơ, na Ih mah wei wêr sư.

Le 1:8

Tơ char Êyiptơ, đei minh 'nu pơtao 'nao pơgơ̆r, sư ưh kơ băt kơ Jôsep.

Le 13:19

Môis chĕp anhăk ba kơting Jôsep; yua kơ Jôsep đei athei kon sâu Isơrael pơkă pơkăm anhăk ba kơting sư: Tơpă Kră Yang 'Bok Kei-Dei gô dŏng pơklaih lu iĕm; na lu iĕm athei anhăk ba kơting inh lĕch đơ̆ng dêh 'nâu.

Le 15:14

Lu adrĕch bơngai tơmoi, lu sư hli tơtơ̆. Kon pơlei Philistin hli krưp tih tơpă.

Le 17:5

Kră Yang tơl Môis: Năm bĕ 'bơ̆t anăp kon pơlei chĕp 'long jra mă ih teh tơ đak krong Nil sơ̆ păng, chông ba lu kră bơngai Isơrael, na năm hơdai ih.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Le 2:25

Kră Yang 'Bok Kei-Dei 'bôh mơnat kơ kon pơlei Isơrael, băt kơ tơdrong truh kơ lu sư pơmat-tat.

Le 24:11

Kră Yang ưh kơ đei hiŏng ti pơrăm lu kră wei-lăng bơngai Isơrael; lu sư 'bôh ră mă-lei oei sŏng sa hiôk đĕch.

Le 3:2

Linh jang 'lơ̆ng Kră Yang tơ'bôh akâu kơ sư lăm pla ŭnh tŏk-bŏk jơ'bôt Jơla 'noh. Sư lăng 'bôh đĭ jơ'bôt jơla ŭnh oei sa, mă-lei ŭnh ưh kơ đei sa jơ'bôt jơla.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 4:1

Môis drơ̆ng khan: Mă-lei kon pơlei noh ưh kơ lui păng ưh kơ chu nơ̆r inh, lu sư gô khan: Kră Yang ưh kơ đei tơbang tơ'bôh ăn kơ ih ôh.

Le 4:29

Na Môis hăm Arôn năm hơdai tơ dêh Êyiptơ, krao akŭm dôm lu kră bơngai Isơrael.

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Mathiơ 26:3

Năr noh lu 'bok soi tih păng lu kră sek tơlang đe Juđê năm akŭm tơ hnam 'bok soi tơm, anăn 'bok soi tơm noh Kaiphe.

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

Luka 19:44

“Lu sư gô blah pơchah pơlei pơla iĕm păng pơlôch lu kon pơlei pơla iĕm. Lu sư blah pơchah pơlei pơla iĕm ưh pă đei tơmo ayơ mă tơklep băl dơ̆ng, yua kơ iĕm ưh kơ băt 'Bok Kei-Dei wă pơklaih iĕm dang ei.”

Jang 11:30

Na lu sư ăn jên kơ bre 'Barna'ba păng Sôl. Bre sư chĕp ba jên 'noh tơ dêh Juđê wă ăn kơ lu kră pơgơ̆r bơngai lui.

Jang 15:14

Pêtrôs roi tơdrong 'Bok Kei-Dei mơnat kơ lu bơngai tơmoi hơdrol sơ̆ wă rơih lu bơngai tơmoi na lu bơngai tơmoi lu mơ'nah lui kiơ̆ kơ 'Bok Kei-Dei tơpă.

Jang 20:17

Tơ Pơlei Milê Pôl đei wơh đe năm pơtruh nơ̆r sư tơ lu kră wei-lăng bơngai lui tơ Pơlei Êphêsô athei lu sư năm hơpong tơ sư tơ Pơlei Milê.

I Pet 2:12

Bơ̆n athei oei sa pơm mă 'lơ̆ng 'bơ̆t anăp lu bơngai ưh kơ lui, na lu bơngai mă jô̆ kơ bơ̆n khan bơngai kơnê̆ sư kơnăl kơ bơ̆n bơngai 'lơ̆ng, noh na sư gô ư-ang kơ 'Bok Kei-Dei kơplah năr 'Bok Kei-Dei tơbăt kơ đon sư.

I Pet 5:1

Yua kơ thoi noh na dang ei inh wă bơtho 'biơ̆ lu bơngai pơm kră wei-lăng lu bơngai lui, yua kơ inh trŏ tơdrong jang noh păng 'bôh tơdrong Yêsu Krist gleh pơmat krưp tơpă. Thoi noh truh năr Yêsu Krist jur ning-mônh 'Bok Kei-Dei gô atŏk inh oei hơdai hăm Yêsu hiôk jơnap na inh wă pơma kơ iĕm thoi âu:

Ru 1:6

Kơplah noh Naômi kơtơ̆ng khan Kră Yang đei tơgŭm kon pơlei sư, tơmam sa phĭ mah, na sư hăm bre mŏ mai sư iung lĕch đơ̆ng dêh Môap wih brŏk tơ dêh char sư kơdih.