Le 3:15 - Sơ̆p Hlabơar Nơ̆r 'Bok Kei-Dei

¹⁵ Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Le 3:15 Iomraidhean Croise

Bl 24:12

Sư krao khan: “Ơ Kră Yang, Kră Yang 'Bok Kei-Dei yŏng tơ'ngla inh Abraham! Apinh ih ăn kơ inh tơ'bơ̆p tơdrong mă inh chơchă păng tơ'bôh ăn tơdrong 'lơ̆ng Ih kơ Abraham yŏng inh.

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

II Ho 28:9

Tơ noh, đei minh 'nu 'bok khan lê̆ adrol Kră Yang anăn sư Ôdet, năm sơng lu linh brŏk tơ pơlei Samari păng khan: “'Nâu yua kơ Kră Yang 'Bok Kei-Dei 'bok lu iĕm hil kơ lu bơngai Juđa, na Sư đei pơjao đe Juđa lăm ti iĕm; mă-lei lu iĕm pơlôch lu sư lăm năr iĕm hil blĕk dêh mah truh tơ plĕnh.

Horiso 102:12

Mă-lei ơ Kră Yang! Ih oei pơm pơtao ling-lang. 'Blŏk kơ anăn Ih đĭ jơhnơr.

Horiso 102:13

Ih gô iung păng 'mêm kơ Siôn; Trŏ boih năr wă mơnat ăn kơ Siôn, năr đêl pơkă truh boih.

Horiso 135:13

Ơ Kră Yang, anăn Ih oei oei ling-lang; Tơdrong 'blŏk kơ anăn Ih đơ̆ng jơhnơr âu truh tơ jơhnơr nai.

Horiso 30:4

Ơ lu bơngai 'lơ̆ng rơgoh Kră Yang, hơri bơnê bĕ kơ Sư. Bơnê kơ anăn 'lơ̆ng rơgohc Sư.

Horiso 30:5

Yua kơ tơdrong sư hil lăp tŏ sĕt, Gah tơdrong Sư mơnat đei đĭ chăl arih hloi: Tơdrong nhơ̆m hmoi lăp kiơ̆ kơmăng đĕch, Mă-lei truh pơgê hrôih đei chơt hiôk.

Horiso 68:5

Kră Yang 'Bok Kei-Dei oei tơ anih rơgoh. Sư jing 'Bă kơ lu mơti, Păng jing Tơ'ngla wei lu drŏ-kăn adro.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Le 15:3

Kră Yang thoi linh tơblah; Anăn Sư Kră Yang.

Le 3:13

Môis tơl Kră Yang 'Bok Kei-Dei khan: Mưh inh năm truh tơ kon pơlei Isơrael, roi kơ lu sư: Kră Yang 'Bok Kei-Dei 'bok lu iĕm wơh inh năm truh tơ lu iĕm; mă-lei mưh lu sư jet: Anăn Sư bu? Lei inh tơl lu sư thoi yơ?

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 4:1

Môis drơ̆ng khan: Mă-lei kon pơlei noh ưh kơ lui păng ưh kơ chu nơ̆r inh, lu sư gô khan: Kră Yang ưh kơ đei tơbang tơ'bôh ăn kơ ih ôh.

Le 4:5

Kră Yang khan: 'Noh wă kơ lu sư lui kơ Kră Yang 'Bok Kei-Dei 'bok sư, wă khan Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp, đei tơ'bôh boih kơ ih.

Le 6:2

Kră Yang 'Bok Kei-Dei pơma dơ̆ng hăm Môis khan: Inh boih Kră Yang iĕm.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 63:12

Tơ'ngla mă pơm kơ kơkŏng ti ư-ang pran kơtang Kră Yang năm gah ti 'ma Môis. Mă pơm kơ đak dơsĭ tơklah 'bơ̆t anăp lu sư? Wă kơ anăn Kră Yang oei đei ling-lang ưh kơ đei tôch.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!

Je 33:2

'Nâu Kră Yang khan, Sư boih Tơ'ngla pơjing teh đak păng pơm pơdơ̆ng tôm tơmam ăn kơ lu sư kơjăp; anăn Sư Kră Yang:

Da 2:23

Ơ Kră Yang 'Bok Kei-Dei inh! Inh bơnê păng ư-ang kơ Ih, yua kơ đơ̆ng Ih ăn kơ inh tơdrong hlôh wao gơh hơgei păng tơdrong mơsêh dang ei, Ih ăn boih kơ inh jing băt kơ tơdrong mă lu nhôn krao khan apinh, na roi tơbăt ăn kơ nhôn băt kơ tơdrong pơtao apo.

Hôsia 12:5

Noh jơ̆ Kră Yang 'Bok Kei-Dei Tih Hloh; anăn mă đe ư-ang sư boih Kră Yang.

Hôsia 12:6

Wih brŏk bĕ tơ Kră Yang 'Bok Kei-Dei, 'mêm mơnat păng oei pơm tơdrong tơpăt, păng chang gô bĕ Kră Yang 'Bok Kei-Dei iĕm ling-lang.

Lêwi 24:11

Kon bơngai drŏ-kăn Isơrael noh pơma blông păng hiap kơ anăn Kră Yang đe chông ba sư tơ Môis. Anăn mĕ sư Sôlômit, kon yă Dibri, đơ̆ng adrĕch adrung Đan.

Mi 4:5

Rim adrĕch bu bu kư̆m kiơ̆ anăn sư kơdih; păng lu bơ̆n gô yak kiơ̆ anăn Kră Yang 'Bok Kei-Dei lu bơ̆n ling-lang hlŏng hloi.

Malachi 3:6

“Yua kơ Inh jơ̆ Kră Yang, Inh ưh kơ đei layơ tơplih, yua kơ thoi noh, lu iĕm jơ̆ kon drŏ-nglo Jakôp, huay kơ lôch hiong.

Mathiơ 22:32

Sư khan thoi âu: ‘Inh boih Kră Yang wei-lăng Abraham, Kră Yang wei-lăng Isăk, Kră Yang wei-lăng Jakôp.’ ” Yêsu khan dơ̆ng: “Lu bơngai âu lôch đĭ boih kơplah noh sơ̆, mă-lei lu sư gô iung arih tôm kơ lu sư yua kơ Kră Yang wei-lăng gah tơdrong arih, ưh kơ sĭ Sư wei-lăng gah tơdrong lôch ôh.”

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

Jang 7:32

‘Inh boih Kră Yang wei-lăng lu 'bok kơdră ih Abraham, Isăk, Jakôp.’ Na Môis hli tơrơ tơpă. Môis ưh kơ pơ̆n hue lăng Sư ôh.

Both 1:11

Apinh Kră Yang 'Bok Kei-Dei 'bok lu iĕm pơm kơ lu iĕm chek lar rai lơ rơbâu hơtăl păng ăn pŭn hiôk, kiơ̆ kơ Sư đei khan pơkă boih kơ lu iĕm.

Both 1:35

Ưh kơ đei drŏ-nglo bu lăm adrĕch kơnê̆ âu gô 'bôh dêh 'lơ̆ng rŏ mă Inh đei pơkă wă ăn kơ lu 'bok iĕm.

Both 4:1

Ơ Isơrael! Mơ̆ng bĕ khôi juăt păng nơ̆r tơtă mă inh gô pơhrăm lu iĕm, wă kơ lu iĕm gơh đei arih păng gơh mơ̆t tơ dêh mă Kră Yang 'Bok Kei-Dei 'bok lu iĕm wă ăn kơ lu iĕm iŏk.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Hêbrơ 13:8

Gah Yêsu Krist sư oei hơnơ̆ng ling-lang, mă đơ̆ng sơ̆ khơ̆ dang ei truh tơ ning-mônh.