Le 3:11 - Sơ̆p Hlabơar Nơ̆r 'Bok Kei-Dei

¹¹ Môis sư tơl khan: Inh âu bu, mă pơ̆n năm truh tơ Pharaôn wă chông kon pơlei Isơrael lĕch đơ̆ng dêh Êyiptơ?

Le 3:11 Iomraidhean Croise

II Sam 7:18

Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

I Pot 3:7

Dang ei ơ Kră Yang 'Bok Kei-Dei inh, Ih ăn bơih kơ inh đĭch đam Ih pơm pơtao pơtrơp đơ̆ng Đawit, 'bă inh; mă-lei inh bơngai oei 'lơ̆p, ưh kơ băt wă pơgơ̆r teh đak thoi yơ.

I Pot 3:9

Thoi noh apinh Ih ăn kơ inh mă đĭch đam Ih âu tơdrong gơh hơgei, wă kơ gơh sek tơlang tơdrong kon pơlei pơla ih, wă kơ inh băt kơnăl tơdrong 'lơ̆ng, tơdrong kơnê̆; yua kơ bu gơh kĕ sek tơlang kơ lu kon pơlei pơla lơ dêh 'nâu?”

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

Le 6:12

Mă-lei Môis tơl Kră Yang: Inh âu minh 'nu bơngai 'bơ̆r pơma sa ưh kơ hlôh wao; kon pơlei Isơrael ưh kơ wă mơ̆ng nơ̆r inh pơma kơ Pharaôn sư dai ưh kơ wă mơ̆ng nơ̆r inh ôh?

Je 1:6

Inh tơl: “Ơ Kră Yang! Inh ưh kơ băt wă pơma kiơ, yua kơ inh oei 'lơ̆p.

II Kor 2:16

Lu bơngai mă wă hiong răm, lu sư 'bâu chhok hơ'nơ̆k lôch. Lu bơngai 'Bok Kei-Dei rơih iŏk, lu sư 'bâu phu pơm kơ lu sư arih ling-lang. Tơdrong jang noh trăp dêh bu kĕ jang?

II Kor 3:5

Dôm tơdrong noh ưh kơ sĭ đơ̆ng akâu nhôn gơh pơm ôh, yua kơ akâu nhôn kơdih ưh kơ gơh pơm minh tơdrong kiơ. Tôm tơdrong lu nhôn gơh pơm noh đơ̆ng 'Bok Kei-Dei ăn ngăl.

Lu 6:15

Giđêôn tơl: Mă-lei Ơ Kră Yang, liơ inh gơh dong pơklaih bơngai Isơrael? Adrĕch adrung nhôn iĕ đĕch lăm adrĕch Manase; na lăm adrĕch Inh âu boih bơngai iĕ hloh.

I Sam 18:18

Đawit tơl khan: Ơ pơtao Inh âu bu? Adrĕch adrung inh bu, krung kơtum 'bă inh noh kiơ lăm bơngai Isơrael kiơ na pơk inh pơm ŏng pơtao?