Le 3:1 - Sơ̆p Hlabơar Nơ̆r 'Bok Kei-Dei

¹ Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Le 3:1 Iomraidhean Croise

I Pot 19:19

Na Êli năm đơ̆ng anih 'noh tơ'bơ̆p hloi Êlisê, kon drŏ-nglo Saphat oei rơuơ chŭn hơdai hăm mơjĭt-'bar đôi rơmo rơuơ nai, sư choh rơuơ đôi rơmo mă mơjĭt-'bar. Êli năm jê̆ sư păng klơ̆m ăn kơ sư ao tai.

I Pot 19:8

Na sư iung sa păng nhă, sư đei jơhngơ̆m pran hloi đơ̆ng tơmam sa 'noh, đơ̆ng noh sư năm puăn-jĭt năr puăn-jĭt măng dĭng truh tơ Hôrêp kông Kră Yang 'Bok Kei-Dei.

Horiso 106:19

Lu sư man rup kon rơmo mơlôh tơ Hôrêp, Na drap Kơkuh kơ rup mam noh;

Le 17:6

Inh gô dơ̆ng 'bơ̆t anăp ih, kơpal tơmo tơ kông Hôrêp; ih athei teh tơmo noh, na đak gô lĕch đơ̆ng lăm tơmo noh wă ăn kơ kon pơlei nhă. Môis pơm hloi thoi noh 'bơ̆t anăp măt lu kră kon pơlei Isơrael.

Le 18:12

Jêthrô, tơnei Môis, pơyơ̆r tơmam soi 'buh păng dôm tơmam pơyơ̆r nai ăn kơ Kră Yang 'Bok Kei-Dei; đơ̆ng noh Arôn păng lu kră bơngai Isơrael sŏng sa hơdai hăm tơnei Môis 'bơ̆t anăp Kră Yang 'Bok Kei-Dei.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Le 19:2

Lĕch đơ̆ng Rêphiđim năm truh tơ char glă Sinai păng oei pơm bơsŭn pơdơh 'bơ̆t anăp kông.

Le 19:3

Môis tŏk tơ kông năm tơ Kră Yang 'Bok Kei-Dei, Kră Yang krao sư đơ̆ng kơpal kông khan: Ih athei roi ăn kơ adrĕch Jakôp păng roi tơbăt dơ̆ng kơ kon pơlei Isơrael:

Le 2:16

Kơplah noh, đei tơpơh 'nu kon adruh 'bok soi dêh Mađian; năm tơ đak sơlŭng noh sŏ đak tuh tơ bơng wă ăn khŭl kon triu 'bă sư nhă.

Le 2:18

Lăp lu kon adruh sư wih tơ hnam Jêthrô 'bă lu sư, jet lu sư: Liơ mă năr 'nâu lu iĕm wih tơ hnam hrôih dêh?

Le 2:21

Môis chu oei hơdai hăm lu sư, 'bă lu sư ăn hloi kon adruh sư oei kơ Môis. Anăn sư Sêpôra,

Le 24:13

Môis iung hơdai hăm Jôsuê, bơngai jang kơ sư, na Môis năm tŏk hloi tơ kơpal kông Kră Yang 'Bok Kei-Dei.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 3:5

Kră Yang 'Bok Kei-Dei khan: 'Nĕ năm jê̆ tơ âu, plôh chơkhŏ ih bĕ, yua kơ anih ih oei dơ̆ng 'noh anih teh 'lơ̆ng rơgoh.

Le 33:6

Lei na iŏk đơ̆ng kông Hôrêp kon pơlei pơla Isơrael plôh lê̆ đĭ tơmam pơhrôp lu sư.

Le 4:18

Môis wih tơ tơnei sư Jêthrô na khan: Apinh 'bă ăn kơ inh wih brŏk tơ lu 'nhŏng oh inh tơ dêh Êyiptơ, wă lăng lăng lu sư hăm oei arih ưh. Jêthrô khan hloi kơ Môis: Kon yak mă 'lơ̆ng bĕ.

Le 4:27

Kră Yang khan kơ Arôn thoi âu: Năm bĕ tơ char glă sơng Môis. Arôn năm hloi, tơ'bơ̆p Môis tơ kông Kră Yang 'Bok Kei-Dei păng sư chŭm Môis.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Jo 10:29

Môis khan kơ Hôbap kon drŏ-nglo Rêuel, bơngai Madian, Hêbap 'nhŏng akăn sư, thoi âu: Lu nhôn năm truh tơ dêh char mă Kră Yang đei pơkă khan: Inh gô ăn kơ lu iĕm dêh char noh. Apinh ih năm hơdai nhôn, lu nhôn gô pơm 'lơ̆ng hăm ih; yua kơ Kră Yang pơkă wă ăn pŭn hiôk kơ kon pơlei adrĕch Isơrael.

Jo 10:33

Thoi noh, kon pơlei bơngai Isơrael yak năm đơ̆ng kông Kră Yang, pêng năr kơ trong; hom tơdrong pơgơ̆p Kră Yang yak adrol kơ lăm pêng năr kơ trong 'nâu, wă chă anih ăn kơ kon pơlei pơdơh.

Luka 2:8

Jê̆ pơlei noh đei lu bơngai wei triu kral kơmăng wei-lăng triu sư tơ bri.

Jang 7:30

“Môis oei tơ ei puăn-jĭt sơnăm. Đơ̆ng rŏng kơ sư oei tơ ei puăn-jĭt sơnăm, truh tơ minh năr dơ̆ng sư năm tơ char glă jê̆ kông Sinai. Minh 'nu linh jang 'lơ̆ng đơ̆ng 'Bok Kei-Dei năm tơ 'long jê̆ Môis ei pơm kơ ŭnh sa 'long ei.

Both 1:2

Yak năm mơjĭt-mônh năr kơ trong đơ̆ng Hôrêp truh tơ Kades Barnêa, rok trong kông Seir.

Both 1:6

Kră Yang 'Bok Kei-Dei lu bơ̆n đei khan boih hăm lu bơ̆n tơ Hôrêp thoi âu: Lu iĕm oei tơ kông đunh dêh bơih.

Both 4:10

'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Lu 4:11

Hêber bơngai Kênit sư weh boih đơ̆ng lu kon pơlei Kênit sư noh, kon sâu Hôbap 'nhŏng oh akăn Môis; sư năm pơm bơsŭn jê̆ tơ tơm 'long tih tơ Sananim, jê̆ Kêđes.

I Sam 16:11

Đơ̆ng noh, Samuel apinh Jese dơ̆ng: Kon drŏ-nglo ih đĭ dôm noh boih hă? Jese tơl thoi âu: Oei pă minh 'nu kon hơdruch inh, mă-lei sư oei wei triu. Samuel khan: Wơh bĕ bơngai năm krao sư. Lu bơ̆n gô 'bôh sư 'mơ̆i na sŏng sa.