Le 28:4 - Sơ̆p Hlabơar Nơ̆r 'Bok Kei-Dei

⁴ 'Nâu đei lăm ao wă pơm kơ sư: Minh blah bơnal 'băk tơ kơtơh, minh blah êphot, minh blah ao tai, môk păng tơlei tơ̆n, lu sư gô pơm ao rơgoh tơ̆n ăn kơ Arôn, 'nhŏng ih, hăm dôm lu kon drŏ-nglo sư, wă kơ lu sư noh pơm 'bok soi bơ̆jang kơ Inh.

Le 28:4 Iomraidhean Croise

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

Le 25:7

Tơmo rang gĭt nai wă pơklep tơ êphot păng che atol tơ kơtơh.

Le 29:6

Ih pơyơ̆l ăn môk tơ kơ̆l sư na pơklep plăk 'lơ̆ng rơgoh tơ môk,

Le 39:28

môk, mu wăn kơ̆l, hơbĕn lăm, kư̆m tanh hăm che 'bui brai se ngăl;

Êsai 11:5

Tơdrong 'lơ̆ng tơpăt noh thoi tơlei tơ̆n Sư, tơdrong tơnăp sĭt noh thoi tơlei tơ̆n tơ kơiĕng Sư.

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Êphêsô 6:14

Kơplah bơ̆n oei tơblah, bơ̆n athei dơ̆ng kơtă anih hloi, gơhret tơlei tơ̆n bơ̆n mă kơjăp; noh wă pơtih gia kơ bơ̆n đei đon tơpăt boih. Bơ̆n athei hrŭk ao mam wă pĕng akâu bơ̆n; noh wă khan bơ̆n athei pơm 'lơ̆ng kơ đe.

I Tes 5:8

Na dang ei bơ̆n oei lăm hơdah măt 'năr boih bơ̆n athei kơchăng thoi bơngai hơdrăl. Lu linh tơblah sư hrŭk ao mam wă kơ hơđơ̆ng kơ akâu sư kơdih. Bơ̆n kư̆m thoi lu đe noh mơ̆n athei lui mă kơjăp, băt 'mêm kơ 'Bok Kei-Dei păng bôl buăl bơ̆n, thoi noh na bơ̆n hơđơ̆ng akâu bơ̆n kơdih. Kư̆m thoi lu linh yơ̆l môk kơlăm wă kơ pĕng lăm kơ̆l sư na sư huay kơ hli, âu wă khan 'Bok Kei-Dei pơklaih bơ̆n đơ̆ng tơdrong yoch na wă atŏk bơ̆n oei păng Sư, thoi âu boih bơ̆n huay kơ hli dang ei, thoi âu boih tơdrong hơđơ̆ng bơ̆n.

Tơdrông Tơ'bôh 9:17

Lăm tơdrong mă tơ'bôh kơ inh noh, inh đei 'bôh lu linh hao aseh ei tă hrŭk ao mam 'brê thoi pla ŭnh, 'nhui ŭnh, tơmo ŭnh dreng. Kơ̆l aseh ei thoi kơ̆l dăm-brang; sư đei pla ŭnh, 'nhui ŭnh păng tơmo ŭnh dreng lĕch 'nhui 'bâu chhok hơ̆-hang, kon bơngai hơ'nơ̆k lôch yua kơ sư pruih tơlĕch đơ̆ng 'bơ̆r sư.

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.

I Sam 22:18

Pơtao, khan kơ Đôe: Ih năm pơlôch lu 'bok soi bĕ. Đôe bơngai Eđôm, pơlôch lu 'bok soi; lăm năr noh đei tơhngam-jĭt pơđăm 'nu bơngai hrŭk ao êphot.

I Sam 23:6

Na, kơplah Abiathar, kon drŏ-nglo Ahimelek, kơdâu klĕnh tơ Đawit tơ pơlei Kêila, đei chĕp ba êphot.

I Sam 30:7

Na Đawit khan kơ 'bok soi Abiathar kon Ahimelek: Inh apinh ih chĕp ba ăn kơ inh êphot tơ âu: Abiathar chĕp ba êphot ăn kơ Đawit,