Le 28:2 - Sơ̆p Hlabơar Nơ̆r 'Bok Kei-Dei

² Ih athei pơhrŭk ăn kơ Arôn 'nhŏng ih ao rơgoh 'lơ̆ng, wă kơ pơyom ư-ang.

Le 28:2 Iomraidhean Croise

Jop 40:10

Pơhrôp ih kơdih hăm tơdrong 'lơ̆ng rŏ pran kơtang. Hrŭk iŏk bĕ tơ akâu ih tơdrong ư-ang rang mơnhal.

Horiso 132:16

Inh gô pơhrŭk ăn tơdrong dŏng pơklaih kơ lu 'bok soi pơlei noh păng lu bơngai 'lơ̆ng rơgoh sư gô hơri 'nă hal.

Horiso 132:9

Ăn kơ 'bok soi Ih hrŭk iŏk tơdrong 'lơ̆ng tơpăt; Lu bơngai 'lơ̆ng rơgoh Ih gô hơri hiôk chơt.

Horiso 149:4

Yua kơ Kră Yang hiôk lăp đon kơ kon pơlei pơla Sư; Sư iŏk tơdrong dŏng pơklaih pơhrôp ăn kơ lu bơngai iŏk đon ala.

Horiso 96:6

Tơdrong 'lơ̆ng rŏ păng tơdrong rŏ krưp oei 'bơ̆t anăp Sư. Tơdrong mơsêh păng tơdrong 'lơ̆ng rŏ oei tơ anih rơgoh Sư.

Le 28:40

Ih kư̆m athei pơm kơ lu kon drŏ-nglo Arôn ao tai, tơlei tơ̆n păng môk, wă kơ pơyom ư-ang 'lơ̆ng rŏ.

Le 29:28

Tơmam soi 'nâu, đơ̆ng bơngai Isơrael pơyơ̆r ăn kơ Arôn hăm lu kon drŏ-nglo sư sa 'nâu tơmam soi pơyơ̆r đơ̆ng lu bơngai Isơrael pơyơ̆r 'blŏk bơnê hiôk-hian, ăn kơ Kră Yang.

Le 31:10

Hơbĕn ao giĕng, ăn kơ Arôn 'bok soi tơm hăm hơbĕn ao kơ lu kon drŏ-nglo sư wă yua lăm tơdrong jang 'bok soi.

Le 40:13

Đơ̆ng rŏng kơ noh ih pơhrŭk kơ Arôn ao 'lơ̆ng rơgoh, pik đak rơmă 'bâu phu păng pơyơ̆r sư; wă kơ sư jang kơ Inh lăm tơdrong jang 'bok soi tơm.

Êsai 4:2

Lăm năr noh tơ'biĕng Kră Yang gô bluh 'lơ̆ng păng trŏ kơ ư-ang, plei đơ̆ng teh gô jing 'lơ̆ng chơt hiôk kơ lu bơngai Isơrael mă oei arih.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Lêwi 8:30

Đơ̆ng noh Môis iŏk đak rơmă pơgang 'bâu phu păng pham đơ̆ng kơpal chơnang soi, na prôi tơ Arôn păng hơbĕn ao sư păng kư̆m prôi tơ lu kon drŏ-nglo sư, tơ hơbĕn ao lu sư mơ̆n. Thoi noh Môis 'măn lê̆ kơ Arôn hăm lu hơbĕn ao sư păng lu kon drŏ-nglo sư, hăm hơbĕn ao lu sư.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

Rom 3:22

'Bok Kei-Dei jô̆ đĭ-đăng kon bơngai jing 'lơ̆ng yua kơ sư lui kơ Yêsu Krist. Yua kơ thoi noh na dang ei bơ̆n băt boih đĭ-đăng bơngai dang ăi đĕch;

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.

Hêbrơ 2:9

Bơ̆n 'bôh pôm Yêsu đĕch kơplah Sư oei tơ teh âu sơ̆ Sư dang lĕ kơ iĕ 'biơ̆ kơ lu linh jang, mă-lei lăp minh yuh đĕch. Pôm Sư đĕch bơ̆n 'bôh thoi lĕ kơ kon bơngai mă 'Bok Kei-Dei pôk Sư pơgơ̆r pơm Pơtao, yua kơ Sư chu iŏk tơdrong lôch pơmat tang đĭ rim 'nu bơngai, yua kơ 'Bok Kei-Dei 'mêm kơ bơ̆n.

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

II Pet 1:17

Kơplah nhôn oei hơdai hăm Sư kơpal kông sơ̆, 'Bă Sư mơsêh mơyang pơma đơ̆ng plĕnh khan: “Sư âu Kon Inh mă 'mêm kơeng tơpă, Inh lăp đon kơ Sư dêh.” Nhôn kơtơ̆ng nơ̆r pơma ư-ang kơ Kon Sư thoi noh tơpă păng nhôn 'bôh 'Bă Sư ăn kơ Sư mơsêh 'lơ̆ng rŏ na nhôn roi kơ iĕm.

I Yo 3:2

Ơ lu bôl buăl mă juăt păng inh tơpă, dang ei bơ̆n kon 'Bok Kei-Dei, sơmă bơ̆n ưh tam băt bơ̆n gô jing thoi yơ ning-mônh. Mă-lei bơ̆n băt tơdrong âu tơpă: Lăp Yêsu Krist jur tơ ala teh âu ning-mônh, bơ̆n gô jing thoi Sư, kơlih kơ bơ̆n gô 'bôh Sư tơpă.

Tơdrông Tơ'bôh 19:8

'Bok Kei-Dei ăn kơ akăn Sư hrŭk ao che 'bui kok hơdah rang dêh.” Ao che 'bui kok hơdah rang noh wă pơtih gia kơ lu kon 'Bok Kei-Dei jing bơngai 'lơ̆ng tơpăt boih.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”