Le 28:1 - Sơ̆p Hlabơar Nơ̆r 'Bok Kei-Dei

¹ Lăm lu bơngai Isơrael ih athei rơih iŏk Arôn, 'nhŏng ih hăm lu kon drŏ-nglo sư, Nađap, Abihu, Êlêasar; păng Ithamar; pơjao ăn tơdrong jang pơm 'bok soi bơ̆jang kơ Inh.

Le 28:1 Iomraidhean Croise

I Ho 23:13

Kon drŏ-nglo Amram noh: Arôn păng Môis; Arôn păng kon sâu sư klah asong băl, wă pơyơ̆r lu tơmam soi 'lơ̆ng rơgoh păng ling-lang pơyơ̆r tơmam soi ăn kơ Kră Yang, bơ̆jang 'bơ̆t anăp Kră Yang hăm yua anăn Kră Yang sơkat ăn pŭn hiôk kơ kon pơlei pơla ling-lang.

I Ho 6:10

Jôhanan pơjing Asaria, bơngai mă pơm 'bok soi lăm hnam akŭm Sôlômôn man tơ pơlei Jêrusalem.

I Ho 6:34

Samuel kon drŏ-nglo Êlkana, Êlkana kon drŏ-nglo Jêrôham, Jêrôham kon drŏ-nglo Êliel, Êliel kon drŏ-nglo Tôa,

II Ho 11:14

Lu bơngai Lêwi mă achăng lê̆ pơlei hăm teh jang sa lu sư năm oei tơ char Juđa păng pơlei tih Jêrusalem, yua kơ Jêrôbôam hăm lu kon drŏ-nglo sư pơpuh lu sư, ưh pă ăn kơ lu sư pơm 'bok soi jang kơ Kră Yang dơ̆ng.

Horiso 115:10

Ơ hnam Arôn gơnang bĕ kơ Kră Yang; Sư boih Tơ'ngla dŏng tơgŭm păng khêl pĕng lu sư.

Horiso 99:6

Lăm lu 'bok soi Sư, đei Môis păng Arôn; Lăm lu bơngai krao apinh hăm anăn Sư đei Samuel; Lu sư krao apinh Kră Yang păng Sư đei tơl tơwih.

Le 24:1

Kră Yang khan kơ Môis thoi âu: Ih, Arôn, Nađap, Abihu păng tơpơh-jĭt 'nu lu kră wei-lăng bơngai Isơrael, iĕm athei tŏk tơ anih Kră Yang dơ̆ng tơ ataih na drap kơkuh.

Le 24:9

Klaih kơ noh Môis Arôn, Nađap, Abihu hơdai păng tơpơh-jĭt 'nu kră wei-lăng bơngai Isơrael đĭ-đăng lu sư tŏk tơ kông.

Le 28:41

Đơ̆ng noh, athei iŏk hơbĕn ao 'noh pơhrŭk ăn kơ Arôn, 'nhŏng ih hăm lu kon drŏ-nglo sư; ih athei ăn đak 'bâu phu, kơ lu sư pơm rơgoh, wă kơ pôk lu sư jing 'bok soi gơh jang ăn kơ Inh.

Le 29:1

'Nâu boih tơdrong ih gô pơm, wă kơ sư pơm 'bok soi jang kơ Inh. Ih athei rôp minh pôm rơmo dăm păng 'bar tŏ triu tơno ưh kơ đei rơka.

Le 29:44

Inh gô pơm ăn kơ Bơsŭn Anih Akŭm hăm chơnang soi jing rơgoh; hăm ih kư̆m gô pơm kơ Arôn hăm lu kon drŏ-nglo sư jing rơgoh mơ̆n, wă kơ lu sư bơ̆jang pơm 'bok soi kơ Inh.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Le 30:30

Ih athei tuh hling đak pơgang 'bâu phu ăn kơ Arôn hăm lu kon drŏ-nglo sư, 'măn lu sư pha wă kơ rơgoh 'lơ̆ng, wă kơ pơm 'bok soi bơ̆jang kơ Inh.

Le 31:10

Hơbĕn ao giĕng, ăn kơ Arôn 'bok soi tơm hăm hơbĕn ao kơ lu kon drŏ-nglo sư wă yua lăm tơdrong jang 'bok soi.

Le 35:19

Hơbĕn ao giĕng yua hrŭk jang lăm anih rơgoh 'lơ̆ng, hơbĕn ao rơgoh 'lơ̆ng ăn kơ Arôn 'bok soi tơm păng hơbĕn ao giĕng kơ lu kon drŏ-nglo sư wă jang tơdrong jang 'bok soi.

Le 6:23

Arôn oei kơ Êlisêba, kon drŏ-kăn Aminađap, oh Nahasôn; duch ei tơpŭ kơ sư Nađap, Abihu, Êlêasar păng Ithamar.

Lêwi 10:1

Nađap păng Abihu 'bar 'nu kon drŏ-nglo Arôn, măr sư tă kơ chĕp gĕl tơmam 'bâu phu ngăl, tah ŭnh lăm noh, tah tơmam 'bâu phu kơpal păng pơyơ̆r ŭnh đơ̆ng nai 'bơ̆t anăp Kră Yang. Ŭnh thoi noh Kră Yang ưh kơ đei tơtă ôh kơ lu sư.

Lêwi 10:12

Môis khan kơ Arôn păng lu kon drŏ-nglo sư oei arih, noh Êlêasar păng Ithamar. Ih iŏk bĕ tơmam pơyơ̆r, phe 'ba mă oei rơkah, đơ̆ng soh pơyơ̆r tơ chơnang soi kơ Kră Yang boih athei sa hloi hăm 'bĕng ưh kơ đei 'buih pông 'bơ̆t cheng chơnang soi; yua kơ tơmam âu jơ̆ rơgoh.

Lêwi 7:35

Noh tơmam soi 'măn đơ̆ng lăm lu tơmam soi yua 'buh hăm ŭnh pơyơ̆r kơ Kră Yang jao ăn kơ Arôn păng lu kon drŏ-nglo sư lăm năr mă đe tuh đak rơmă pôk sư pơm 'bok soi 'bơ̆t anăp Kră Yang.

Lêwi 8:1

Kră Yang khan kơ Môis thoi âu:

Lêwi 8:2

Chông ba bĕ Arôn păng lu kon drŏ-nglo sư, chĕp ba ao tai, đak rơmă pơgang 'bâu phu, rơmo dăm mơlôh, pơm tơmam soi pơyơ̆r huai đơ̆ng yoch, 'bar tŏ bơbe tơno păng 'bar tŏ 'bĕng ưh kơ đei 'buih.

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 2:4

Khŭl linh lu sư đei chih jô̆ boih, đei tơpơh-jĭt puăn-rơbâu tơdrâu-hrĕng 'nu.

Jo 26:61

Mă-lei bre Nađap păng Abihu lôch kơplah bre sư pơyơ̆r ŭnh pha 'bơ̆t anăp Kră Yang.

Luka 1:8

Minh năr ei 'bok Sachari jang tơdrong 'Bok Kei-Dei tơ hnam akŭm 'Bok Kei-Dei tơm tơ Pơlei Jêrusalem yua kơ trŏ năr lu khŭl sư jang tơ noh.

Both 10:6

Kon pơlei Isơrael năm đơ̆ng sơlŭng đak Jakan truh tơ Mêsêra; Arôn lôch păng 'bŭ tơ noh, Êlêasar kon drŏ-nglo sư, bơ̆jang pơm 'bok soi tơm tơplih kơ sư.

Both 18:5

Yua kơ Kră Yang 'Bok Kei-Dei hlôi rơih boih lu sư adrĕch Lêwi đơ̆ng lăm lu bơngai Isơrael wă kơ lu sư oei păng bơ̆jang kơ Kră Yang sư păng lu kon drŏ-nglo sư ling-lang ưh kơ layơ tôch.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.