Le 26:30 - Sơ̆p Hlabơar Nơ̆r 'Bok Kei-Dei

³⁰ Ih athei pơm Bơsŭn Anih Akŭm nhen thoi Inh tơ'bôh ăn kơ ih tơ kơpal kông 'noh.

Le 26:30 Iomraidhean Croise

I Ho 28:19

Đawit pơma khan: “Đĭ-đăng lu 'nâu, inh đei đơ̆ng ti Kră Yang tơhlâu, păng ăn kơ inh hlôh băt đĭ-đăng rim tơdrong wă pơm.”

Le 25:40

Thoi noh ih athei lăng, kư̆ kơ pơm rok hơbŏ thoi đei tơ'bôh kơ ih boih tơ kơpal kông.

Le 25:9

Athei pơm Bơsŭn Anih Akŭm hăm tơmam yua lei-lăi thoi Inh gô tơ'bôh ăn kơ ih.

Le 26:29

Kŭm athei iŏk maih lom pơklop lu tơ̆r hăm 'long hơbăt păng pơm gơwŏk păng maih, wă kơ gơh chô̆ rim 'long hơbăt.

Le 27:8

Chơnang soi pơm păng tơ̆r, pơm đei lăm tŏk-bŏk, pơm nhen thoi Inh bơtho tơ'bôh kơ ih tơ kơpal kông 'noh.

Le 40:2

Năr mă mônh lăm khei mônh ih athei pơdơ̆ng tơiung Bơsŭn Anih Akŭm.

Jo 10:21

Đơ̆ng noh khŭl Kôhat yak năm, tung ba tơmam rơgoh; lu đe tơiung pơdơ̆ng Bơsŭn Anih Akŭm păng khăn noh boih adrol kơ lu sư truh.

Jo 8:4

Đe pơm jơ̆ng ŭnh jrĕnh păng maih, iŏk đơ̆ng jơ̆ng truh tơ lu pơkao đei hơjơ̆m, thoi noh đe hơjơ̆m pơm kiơ̆ thoi Kră Yang mă pơma tơ'bôh kơ Môis rup.

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 8:5

Lu sư jang awih tơ lăm hnam 'Bok Kei-Dei tơ teh âu. Hnam lu sư pơm pơtrŏ thoi hnam 'Bok Kei-Dei tơ kơpal plĕnh ti. Hnam tơ plĕnh ti 'Bok Kei-Dei oei tơpă. 'Noh thoi 'Bok Kei-Dei khan boih kơ Môis, kơplah mă Môis wă pơtơm pơm hnam 'Bok Kei-Dei păng tua-la-tăng sơ̆. 'Bok Kei-Dei khan thoi âu: “Ih athei kơchăng pơm mă trŏ kiơ̆ thoi Inh tơ'bôh kơ ih tơ kông ki.”

Hêbrơ 9:23

Dôm tơdrong rơgoh noh sơ̆, rơgoh yua kơ đe soi kơ 'Bok Kei-Dei hăm pham sem. Dôm tơdrong rơgoh noh, wă pơtih gia kơ tơdrong tơ plĕnh ti. Tơdrong tơ plĕnh ti kăl hloh. Na lu bơ̆n bơngai wă tŏk tơ plĕnh ti, wă gơnang kơ pham sem thoi lu bơngai noh sơ̆, ưh kơ gơh klaih đơ̆ng tơdrong yoch ôh. Bơ̆n athei gơnang kơ pham tơ'ngla mă soi kơ 'Bok Kei-Dei hăm pham Sư kơdih noh đĕch klaih.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.