Le 25:8 - Sơ̆p Hlabơar Nơ̆r 'Bok Kei-Dei

⁸ Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Le 25:8 Iomraidhean Croise

I Pot 6:13

Inh gô oei hơdai lu bơngai Isơrael. Inh ưh kơ achăng lê̆ ôh bơngai Isơrael kon pơlei pơla inh.”

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

Le 15:17

Ơ Kră Yang! Ih gô ba lu sư mơ̆t păng pơtăm lu sư tơ kơpal kông Ih. Ơ Kră Yang; anih Ih đei hơmet boih, wă pơm anih Ih oei, Ơ Kră Yang! Anih 'lơ̆ng rơgoh mă ti Ih đei pơjing boih.

Le 15:2

Kră Yang bơih jơhngơ̆m pran kơtang inh păng tơdrong hơri inh: Sư bơih tơ'ngla pơklaih inh. Sư Kră Yang 'Bok Kei-Dei inh, inh wă hơri ư-ang kơ Sư; Sư jơ̆ Kră Yang 'Bok Kei-Dei kơ 'bok yă inh, na inh đĭ jơhngơ̆m gô kơkuh pơyom kơ sư.

Le 29:45

Inh gô oei hơdai hăm lu kon pơlei Isơrael, pơm Kră Yang 'Bok Kei-Dei lu sư.

Le 29:46

Na lu sư gô băt kơ Inh jơ̆ Kră Yang 'Bok Kei-Dei lu sư, tơ'ngla chông ba lu sư lĕch đơ̆ng dêh Êyiptơ na wă kơ Inh oei hăm lu sư, Inh jơ̆ Kră Yang 'Bok Kei-Dei lu sư.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsêkiên 37:26

Inh gô pơm tơdrong pơgơ̆p hiôk-hian hăm lu sư, noh pơgơ̆p ling-lang lu sư hăm Inh, Inh gô ăn kơ lu sư jing rai lơ. Inh gô 'măn anih rơgoh Inh tơ lăm lu sư ling-lang hlŏng hloi.

Êsêkiên 37:28

Mưh Inh 'măn anih rơgoh Inh oei tơ lăm lu sư ling-lang hlŏng hloi, lu dêh char gô băt kơ Inh boih Kră Yang, Inh boih tơplih kon pơlei Isơrael jing rơgoh.’

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Lêwi 10:4

Đơ̆ng noh Môis krao Misael păng Êlsaphan, 'bar 'nu kon drŏ-nglo Usiêl, ma Arôn păng khan kơ lu sư: Năm jê̆ tơ âu, tung bĕ akâu 'nhŏng oh iĕm lôch weh đơ̆ng anih rơgoh. Anhăk ba tơ 'nguaih kơđông.

Lêwi 21:12

Sư kư̆m ưh kơ gơh weh đơ̆ng anih 'lơ̆ng rơgoh ôh dah pơm mơgrĭ kơ anih 'lơ̆ng rơgoh Kră Yang 'Bok Kei-Dei sư kơdih jing kơnê̆ 'mê̆-'mach, yua kơ đak 'bâu phu thoi hơgăl đơ̆ng Kră Yang 'Bok Kei-Dei đe tuh oei đei tơ kơ̆l sư, Inh boih Kră Yang.

Lêwi 26:11

Inh gô pơm anih oei Inha tŏk-bŏk lu iĕm, Inh ưh kơ đei weh đơ̆ng lu iĕm ôh.

Lêwi 4:6

'Bok soi tôt hơnglâu ti sư lăm pham tơdjoh tơpơh wơ̆t 'bơ̆t anăp Kră Yang 'bơ̆t jê̆ che pĕng găn anih 'lơ̆ng rơgoh.

Sa 2:10

Ơ kon adruh Siôn, hơri chơt hiôk păng 'nă hal bĕ; yua kơ 'nâu, Inh truh păng Inh gô oei hơdai, Kră Yang khan thoi noh.

Sa 8:3

Kră Yang Tih Hloh khan: “Inh wih dơ̆ng tơ Siôn păng inh gô oei tơ Jêrusalem; Jêrusalem đe gô krao sư pơlei sĭt tơpăt; kông Kră Yang Tih Hloh gô krao kông Rơgoh.”

Jo 5:3

Mă drŏ-nglo dah drŏ-kăn athei puh tơweh lê̆ lu sư tơ 'nguaih kơ kơđông, wă kơ lu sư huay kơ pơm mơgrĭ 'mê̆-'mach kơ anih kơđông, mă đei Inh oei tơ lăm noh,

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Hêbrơ 3:6

Mă Yêsu Krist Sư kư̆m jang trŏ thoi 'Bok Kei-Dei pơkă mơ̆n, mă Sư jang wei-lăng đĭ-đăng kơ hnam dơnŏ 'Bok Kei-Dei hloi, yua kơ Sư Kon 'Bok Kei-Dei. Lu bơ̆n, tơ̆ng bơ̆n oei lui kơjăp, bơ̆n kư̆m hnam dơnŏ Sư mơ̆n, dah bơ̆n oei gơnang kơ Sư tơgŭm bơ̆n khŏm khŏm.

Jôsuê 22:31

Thoi noh Phinêhas, kon drŏ-nglo 'bok soi Êlêasar, pơma khan hăm lu bơngai Rubên, bơngai Gat păng lu bơngai Manase: Năr âu lu bơ̆n băt boih Kră Yang oei hơdai hăm lu bơ̆n, yua kơ lu tơdrong lu iĕm ưh kơ pơm yoch hăm Kră Yang; dang ei lu iĕm pơklaih kon pơlei Isơrael đơ̆ng tơpang ti Kră Yang.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.