Le 24:16 - Sơ̆p Hlabơar Nơ̆r 'Bok Kei-Dei

¹⁶ Tơdrong rang hơdah 'lơ̆ng Kră Yang tơ kơpal kông Sinai; lăm tơdrâu năr hơmơ̆l gom kông, truh năr mă tơpơh Kră Yang đơ̆ng lăm hơmơ̆l krao Môis.

Le 24:16 Iomraidhean Croise

Horiso 99:7

Đơ̆ng lăm jrăng hơmơ̆l Sư pơma hăm lu sư: Lu sư bơwei tơdrong Kră Yang bơtho; Păng tơdrong juăt mă Sư đei ăn.

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Le 19:11

Ăn kơ lu sư kơchăng lăm năr mă pêng, yua năr noh Kră Yang wă jur tơ kơpal kông Sinai 'bơ̆t anăp kon pơlei.

Le 19:9

Kră Yang khan kơ Môis: Inh gô năm tơ ih lăm hơmơ̆l hơ'bơ̆l; wă kơplah Inh pơma dơnuh hăm ih, na kon pơlei Isơrael kơtơ̆ng wă kơ lu sư lui gơnang kơ ih ling-lang, Môis roi kơ Kră Yang nơ̆r kon pơlei Isơrael đei pơma.

Le 20:10

Mă-lei năr mă tơpơh wă khan năr pơdơh kơ Kră Yang 'Bok Kei-Dei iĕm: Lăm năr 'noh ih, kon drŏ-nglo, kon drŏ-kăn, đĭch đam sem dơrong ih, dah tơmoi oei lăm hnam ih, 'nĕ kơ jang minh tơdrong kiơ ôh;

Le 24:17

Tơdrong rang hơdah 'lơ̆ng Kră Yang tơ kơpal wĕch kông 'bơ̆t anăp lu bơngai Isơrael, thoi hơdah ŭnh sa kơdrơ̆ng.

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Êsêkiên 1:28

Inh 'bôh hơdah rang tăp dăr thoi plĕnh chro tơ hơmơ̆l wă 'mi. Tơdrong noh thoi 'lơ̆ng rŏ rang mơnhal Kră Yang. Lăp inh 'bôh inh kŭp muh măt tơ teh păng kơtơ̆ng nơ̆r minh 'nu pơma khan.

Lêwi 9:23

Môis păng Arôn mơ̆t lăm Bơsŭn Anih Akŭm; kơplah sư wă lĕch đơ̆ng hnam noh, bre sư sơkat pŭn hiôk ăn kơ kon pơlei pơla. Na tơdrong ư-ang Kră Yang tơ'bôh 'bơ̆t anăp đĭ-đăng kon pơlei.

Lêwi 9:6

Môis khan: 'Nâu tơdrong mă Kră Yang tơtă, lu iĕm pơm bĕ na tơdrong ư-ang Kră Yang gô tơ'bôh kơ lu iĕm.

Jo 14:10

Kơplah noh lu kon pơlei Isơrael akŭm wă klơ̆m bre sư tơmo, mă-lei đei tơdrong rang mơnhal Kră Yang đei pơdah pơchrang tơ Bơsŭn Anih Akŭm 'bơ̆t anăp lu kon pơlei Isơrael Akŭm.

Jo 16:42

Kơplah lu khŭl kon pơlei oei pơma kơ Môis păng Arôn, lu sư lăng tơ gah Bơsŭn Anih Akŭm 'bôh hơmơ̆l gom Bơsŭn păng đei tơdrong ư-ang rang mơnhal Kră Yang pơchrang.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Tơdrông Tơ'bôh 1:10

Đei minh năr, mă năr giĕng kơkuh kơ Kră Yang, na Yang Bơhngol 'Lơ̆ng tơ'bôh kơ inh tơdrong hlĭch. Inh kơtơ̆ng tơ rŏng inh nhen đei nơ̆r pơma re jơwa thoi đe hlôm keng