Le 23:2 - Sơ̆p Hlabơar Nơ̆r 'Bok Kei-Dei

² Ih 'nĕ kơ grê kiơ̆ lu bơngai tơpôl lơ wă pơm tơdrong kơnê̆ ôh, tơdah ih wă dơ̆ng pơm kơdranh roi tơdrong kiơ, ih 'nĕ kơ druh kiơ̆ bơngai tơpôl wă 'bơ̆ lê̆ tơdrong tơpăt.

Le 23:2 Iomraidhean Croise

Bl 19:4

Kơplah linh jang 'lơ̆ng tam mă 'bĭch, na lu bơngai drŏ-nglo lăm pơlei Sôđôm, đơ̆ng 'lơ̆p truh tơ kră, wă khan đĭ pơlei kư̆m năm wang tăp dăr kơ hnam Lot.

Bl 6:12

Âu, Kră Yang 'Bok Kei-Dei lăng lăm teh đak, 'bôh tơdrong yoch răm, yua kơ đĭ-đăng kon bơngai pơm ăn kơ trong sư kơdih kơpal teh âu răm đĭ.

Bl 7:1

Kră Yang khan kơ Nôê thoi âu: “Ih păng đĭ-đăng hnam dơnŏ ih mơ̆t bĕ lăm duk, yua kơ lăm lu bơngai chăl dang ei Inh 'bôh ih jơ̆ minh 'nu bơngai tơpăt.

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

Jop 31:34

Yua kơ inh hli dêh kơ lu bơngai tơpôl, hli krê kơ adrĕch adrung che bơle, dĭng mah ngăn hreh, ưh kơ pơ̆n lĕch tơ 'nguaih kơ 'măng.

Horiso 72:2

Sư gô sek tơlang kon pơlei Ih tơpăt hơnơ̆ng. Sek lu bơngai dơnuh hin trŏ tơpăt.

Tơdrông Pơđơk 1:15

Ơ dăm, 'nĕ kơ năm kiơ̆ lu sư ôh, Jơ̆ng ih weh bĕ, 'nĕ kơ yak kiơ̆ trong lu sư.

Tơdrông Pơđơk 18:5

Ưh kơ trŏ ôh mơ̆t bơngai kơnê̆; Sek pơglăi lê̆ bơngai tơpăt.

Tơdrông Pơđơk 4:14

'Nĕ kơ mơ̆t kiơ̆ ôh lăm trong lu bơngai pơm kơnê̆, Păng 'nĕ kơ yak năm lăm trong lu bơngai pơm kư̆ kă.

Je 37:15

Lu Kră pơgơ̆r hil kơ Jêrêmi teh tôn păng chĭt phak tơ lăm hnam Jônathan bơngai chih hla bơar; yua kơ đe iŏk hnam noh pơm hnam phak.

Je 37:21

Pơtao Sêđekia tơtă athei đe ba Jêrêmi tơ cham hnam anih đe gak, ăn kơ sư rim năr minh pôm 'bĕng mi, đơ̆ng hnam đe pơm 'bĕng lăm pơlei tih ei dĭng truh tơ tơpŭng 'bĕng lăm pơlei noh đĭ. Jêrêmi đe chĭt tơ cham hnam anih linh gak.

Je 38:9

“Ơ yŏng tơ'ngla pơtao inh. Lu đe noh pơm kơ Jêrêmi bơngai khan lê̆ adrol kơnê̆ dêh, tah lê̆ sư lăm sơlŭng. Sư gô lôch pơngot tơ noh, mưh tơmam sa lăm pơlei âu ưh pă đei boih.”

Êsêkiên 9:9

Kră Yang tơl inh: “Tơdrong yoch lăm adrĕch Isơrael păng Juđa tih dêh tơpă; teh 'bĕnh kơ pham pơlôch băl, lăm pơlei 'bĕnh kơ tơdrong kơnê̆ pơrăm băl. Lu sư khan: ‘Kră Yang achăng lê̆ boih teh âu, Kră Yang ưh kơ 'bôh.’

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Hagai 1:4

“'Nâu hăm trŏ kơplah iĕm oei lăm hnam pĕng păng tơ̆r mă 'lơ̆ng na lê̆ hnam Kră Yang jing juơ rơhiăng.

Markôs 15:15

Thoi noh na Pilat wă kơ jơhngơ̆m đon lu kon pơlei pơla rơngơp hiôk, na sư tơlĕch ăn kơ lu sư 'Barra'ba. Na sư athei lu linh sư teh tach Yêsu păng sơnguĕt păng pơjao kơ lu linh sư pơ̆ng pơlôch Yêsu tơ 'long pơglang.

Luka 23:51

Na kơplah lu bôl sư sek tơlang kơ Yêsu khan wă pơlôch Sư hei, Yôsep ưh kơ wă mơ̆t đon lu đe noh ôh. Sư hơdai wang chang gô 'Bok Kei-Dei pơgơ̆r mơ̆n.

Jang 24:27

Đơ̆ng rŏng kơ noh 'bar sơnăm Phêtus tơplih Phêlik pơm kuan tih. Phêlik wă kơ lu bơngai Juđê lăp đon kơ sư, na sư ưh kơ tơlĕch Pôl đơ̆ng hnam phak.

Jang 25:9

Na Phêtus wă kơ lu bơngai Juđê lăp đon kơ sư na sư jet Pôl: “Ih hăm wă năm tơ Pơlei Jêrusalem na inh sek tơlang ih tơ ei gah lu tơdrong sư jâu ih hei?”

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

Both 16:19

'Nĕ kơ pơm glăi kơ tơdrong tơpăt; 'nĕ kơ mơ̆t minh pah; 'nĕ kơ sa tơmam đe răt apah, yua kơ tơmam đe răt apah noh pơm ăn kơ lu bơngai rơngei măt tol păng gơwĕch lê̆ nơ̆r bơngai tơpăt.

Both 24:17

'Nĕ kơ pơm ưh kơ tơpăt hơnơ̆ng kơ lu bơngai tơmoi dah lu bơngai mơti; kư̆m 'nĕ kơ iŏk ao tai lu yă adro pơm tơmam pơkơ̆ng.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 15:9

Sôl păng kon pơlei achăng mơnat kơ Agak, kư̆m ưh kơ đei pơlôch lu sem dơrong mă 'lơ̆ng hloh lăm lu khŭl rơmo dah triu, rong mă bek, kon triu păng dôm lu sem dơrong 'lơ̆ng hloh, mă-lei pơlôch pơđĭ dôm lu kon sem kiơ kơnê̆ păng ưh kơ gĭt.