Le 23:1 - Sơ̆p Hlabơar Nơ̆r 'Bok Kei-Dei

¹ Ih 'nĕ kơ chă roi hơlĕnh, kư̆m 'nĕ kơ pôm đon kiơ̆ lu bơngai kơnê̆ wă roi hơlĕnh.

Le 23:1 Iomraidhean Croise

Bl 39:17

Roi ăn kơ yŏng tơ'ngla Jôsep lei-lăi thoi sư roi adrol hei; bơngai Hêbrơ mă đĭch bơ̆n ih răt ba tơ âu, hei sư năm tơ inh;

II Sam 16:3

Pơtao apinh dơ̆ng: “Sâu drŏ-nglo yŏng tơ'ngla ih tơ yơ?” Siba tơl: “Sư oei tơ lăm pơlei Jêrusalem, sư tơchĕng khan: ‘Năr 'nâu rŏ lăng kon pơlei Isơrael gô pơdrâu kơ inh tang-dŏ pơtao teh đak 'bok inh.’ ”

II Sam 19:27

Sư roi hơlĕnh kơ inh hăm ih yŏng tơ'ngla inh; mă-lei pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei. Apinh ih pơm kơ inh kiơ̆ kơ ih tơchĕng trŏ.

Horiso 101:5

Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Horiso 120:3

Ơ hơpiĕt hơlĕnh pơhlŭ, Kră Yang wă pơm kiơ kơ ih? Thim ăn kơ ih tơdrong phak kiơ dơ̆ng?

Horiso 15:3

Bu mă hơpiĕt huay kơ hơwơ̆t kư̆ kă, Ưh kơ đei pơrăm bôl buăl, Ưh kơ đei pơm mơlâu kơ lu rông 'bôt;

Horiso 27:12

'Nĕ jao inhb tơ lu ayăt kơ inh kiơ̆ thoi lu sư wă, Yua kơ nơ̆r pơm kơdranh hơlĕnh Păng lu bơngai trĕn wă pơm kơnê̆ kơ inh.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Le 20:16

'Nĕ pơm kơdranh hơlĕnh kơ bôl buăl.

Le 23:7

Ih 'nĕ kơ chu kiơ̆ dôm lu nơ̆r hơlĕnh pơdăr; 'nĕ kơ pơlôch bơngai ưh kơ pơm yoch păng bơngai 'lơ̆ng tơpăt, yua kơ inh ưh kơ đei achăng bơngai kơnê̆ ôh.

Tơdrông Pơđơk 10:18

Bơngai bu ôn tơdrong hil areh gô lĕch nơ̆r 'bơ̆r pơma hơlĕnh. Păng bơngai bu chă roi sa jing bơngai kơtul.

Tơdrông Pơđơk 12:17

Bơngai bu pơma tơpăt băt pơm kơdranh trŏ, bơngai kơnê̆ băt pôm pơm kơdranh hơlĕnh.

Tơdrông Pơđơk 14:5

Bơngai pơm kơdranh tơpăt ưh kơ băt pơma hơlĕnh; Mă-lei bơngai pơm kơdranh hơlĕnh 'bôh lĕch pơma pơdăr.

Tơdrông Pơđơk 17:4

Bơngai kơnê̆ pơgling đon mơ̆ng nơ̆r đơ̆ng 'bơ̆r lu bơngai pơm kơnê̆. Bơngai hơlĕnh hlŭ kơ nơ̆r 'bơ̆r đe pơma kơnê̆.

Tơdrông Pơđơk 19:28

Bơngai kơdranh hơlĕnh pơjăm tơdrong tơpăt; 'Bơ̆r bơngai pơm kơnê̆ luăn sa nơ̆r glăi yoch.

Tơdrông Pơđơk 19:5

Bơngai kơdranh hơlĕnh ưh kơ gơh klĕnh ôh đơ̆ng tơdrong phak; Bơngai pơma hơlĕnh kư̆m ưh kơ gơh klĕnh klaih.

Tơdrông Pơđơk 19:9

Bu pơm kơdranh hơlĕnh ưh kơ klĕnh hlôi ôh đơ̆ng phak. Bu pơma hơlĕnh gô hiong răm.

Tơdrông Pơđơk 21:28

Bu pơma hơlĕnh gô lôch răm, Mă-lei đei bơngai bu chu mơ̆ng kiơ̆ sư gơh pơma ling-lang.

Tơdrông Pơđơk 24:28

'Nĕ chă pơm tơdrong kơđei oei sa kơnê̆ hăm rông 'bôt ih; 'Nĕ yua 'bơ̆r nơ̆r pơma pơhlŭ hơlĕnh?

Tơdrông Pơđơk 25:18

Bơngai chă hơlĕnh sơlam kơ rông 'bôt sư. Bơngai noh thoi 'long băl, thoi đao gưm, dah thoi 'brơ̆m suĕng.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Tơdrông Pơđơk 6:19

Bơngai pơm kơdranh hơlĕnh pơma plêl, Bơngai chă tơdrong tơhil tơduă 'nhŏng oh.

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Lêwi 19:11

Lu iĕm kư̆m 'nĕ kơ tơtông, kư̆m 'nĕ kơ pơhlŭ hơlĕnh 'nĕ kơ chă plêl pơdăr kơ đe.

Lêwi 19:16

'Nĕ kơ roi sa pơma 'bơm, 'nĕ chă tơdrong wă pơm kơnê̆ kơ rông 'bôt ih, Inh bơih Kră Yang.

Mathiơ 19:18

Bơngai ei jet: “Tơdrong ayơ?” Yêsu khan: “'Nĕ pơlôch bơngai, 'nĕ pơm pơyô kư̆ kă, 'nĕ chă tơtông mŭk tơmam đe, 'nĕ pơma hơlĕnh,

Luka 19:8

Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Luka 3:14

Lu linh kư̆m jet sư mơ̆n: “Bĭ gah nhôn, ih wă kơ nhôn pơm thoi yơ?” Na Yôhan khan kơ sư: “'Nĕ pơgŏ iŏk tơmam đe, 'nĕ jâu ngơ̆r wă sa tơmam đe păng 'nĕ kơ mơmơnh kơ jên khei iĕm đei.”

Yo 7:51

“Kiơ̆ kơ tơdrong juăt bơ̆n, ưh kơ gơh phak đe ôh dah lu kră tam mă mơ̆ng păng sek tơlang bơngai mă đe jâu noh, yua kơ bơ̆n ưh kơ băt sư pơm 'lơ̆ng ră dah sư pơm yoch.”

Rom 3:8

Mă tơdrong pơm kơnê̆ kư̆m lei-lăi. Bơ̆n 'nĕ pă tơchĕng khan trŏ. Na đei lu bơngai mơ'nah khan inh Pôl bơtho đe thoi noh; mă tơpă inh ưh kơ bơtho đe thoi noh ôh. Bơngai bu jô̆ kơ inh bơtho đe thoi noh, bơngai noh 'Bok Kei-Dei phak sư tơpă ning-mônh.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Both 5:20

Ih 'nĕ kơ pơm kơdranh hơlĕnh kơ lu bơngai nai.

II Tim 3:3

Sư ưh kơ băt 'mêm mơnat kơ bôl buăl ôh. Bơ̆n bơngai nai ưh kơ băt wă pơma lung sư thoi yơ dơ̆ng, yua kơ sư pơma bơbĭt dêh. Sư chă tơdrong kơnê̆ păng đe. Sư bơngai hơwĕng, sư ưh kơ wă pơm tơdrong 'lơ̆ng ôh, sư areh kơ bơngai 'lơ̆ng.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.