Le 22:7 - Sơ̆p Hlabơar Nơ̆r 'Bok Kei-Dei

⁷ Tơdah bơngai bu pơjao jên dah tơmam ăn kơ bôl buăl sư wei, na đei bơngai tơtông đơ̆ng hnam bơngai wei 'noh, dah đei rôp bơngai tơtông 'noh sư athei duh hloh 'bar wơ̆t.

Le 22:7 Iomraidhean Croise

Le 22:4

Dah tơmam mă bơngai tơtông kah đei iŏk, rơmo, aseh, dah triu, oei 'bôh arih lăm tơpang ti sư, lei bơngai tơtông khŏm duh hơgăt 'bar.

Le 22:6

Tơdah bu soh jơ'bôt jơla na bơmrok truh tơ 'ba đe chô̆ bơih dah sa kơtă kơ tơm, bơyan 'ba, dah sa pơđĭ lăm chŭn, bơngai mă soh ŭnh sa 'noh athei duh tôm tơmam đêl ŭnh sa 'noh.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Lêwi 6:1

Kră Yang khan dơ̆ng kơ Môis thoi âu:

Lêwi 6:2

Tơdah bu đei pơm yoch hăm Kră Yang, đơ̆ng sư pơma hơlĕnh hăm lu bơngai rông 'bôt sư gah tơmam sư pơjao, dah wei-lăng ăn; dah tơtông iŏk, dah pơgŏ sa đơ̆ng rông 'bôt sư kơdih.

Lêwi 6:5

Dah tơmam đêl sư pơkăm pơkă hơlĕnh, sư athei pơdrâu mă tôm 'blep. Đơ̆ng noh sư athei 'mong dơ̆ng minh lăm pơđăm, kiơ̆ kơ tơdrong gĭt sư, ăn kơ tơ'ngla tơmam noh lăm năr mă sư pơyơ̆r tơmam soi huai đơ̆ng yoch sư pơm.

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

I Kor 6:10

lu bơngai tơtông, lu bơngai 'nhĕng kơ mŭk tơmam đe, lu bơngai et sik suai, lu bơngai oei hiĕk achơ̆ kơ đe, iĕm 'nĕ ngêh lu sư gơh tŏk oei tơ dêh char 'Bok Kei-Dei ôh.