Le 22:29 - Sơ̆p Hlabơar Nơ̆r 'Bok Kei-Dei

²⁹ Ih 'nĕ kơ pơhiơ̆ pơyơ̆r kơ Inh dôm lu plei blŭng-a ih đơ̆ng mir chŭn păng sik hơmu ih, ih kư̆m athei pơyơ̆r ăn kơ Inh kon kơdră drŏ-nglo ih.

Le 22:29 Iomraidhean Croise

II Pot 4:42

Đei minh 'nu bơngai đơ̆ng Baal Salisa truh, ba ăn kơ Êlisê bơngai 'Bok Kei-Dei yua noh 'bar-jĭt tŏ 'bĕng mi păng minh hnŏng ba bơyan yuă blŭng-a. Êlisê athei đam sư: “Chă asong ăn kơ lu đe sa bĕ.”

II Ho 31:5

Mưh đei nơ̆r pơtao tơtă truh boih kon pơlei Isơrael năm ba tơmam pơyơ̆r plei blŭng-a lăm bơyan thoi 'ba hơ'bo, Sik hơmu, rơmă ôliwơ, đak sut păng lu tơmam plei đơ̆ng mir chŭn; lu sư kư̆m năm ba pơyơ̆r minh lăm mơjĭt đơ̆ng dôm tơmam, lơ tơpă.

Le 13:12

na ih athei pơyơ̆r ăn Kră Yang lu kon kơdră drŏ-nglo hăm lu kon tơno tuh blŭng-a lăm sem dơrong, yua kơ lu sư gô jing gah Kră Yang ngăl.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 23:19

Dôm lu plei bơyan blŭng-a đơ̆ng teh, athei năm ba tơ hnam Kră Yang 'Bok Kei-Dei iĕm, iĕm 'nĕ kơ pai hơbĭ bơbe triu kon lăm đak toh mĕ sư.

Le 34:19

Đĭ-đăng kon drŏ-nglo kơdră jơ̆ gah Inh ngăl. Đĭ-đăng sem dơrong rơmo dah triu, tơno tuh blŭng-a kư̆m lei-lăi jơ̆ gah Inh mơ̆n,

Le 34:20

Mă-lei ih athei rôp minh pôm kon triu dah kon bơbe wă huai tơplih kơ kon aseh iĕ kơdră dah ưh kơ đei huai sư, ih athei gơ̆ lê̆ hơko aseh iĕ, na ih gơh huai iŏk lu kon drŏ-nglo kơdră ih. Ưh kơ gơh bơngai bu năm tơpang ti hoh 'bơ̆t anăp Inh.

Êsêkiên 20:40

Kră Yang khan: Tơ kơpal kông rơgoh Inh, tơ kơpal kông Isơrael, tơ noh đĭ adrĕch Isơrael, đĭ-đăng kơ lu sư lăm dêh char gô awih awăn kơ Inh. Tơ noh Inh gô sơng iŏk lu sư; Inh gô iŏk tơmam pơyơ̆r păng tơmam pơyơ̆r plei blŭng-a, hăm tơmam soi 'lơ̆ng rơgoh lu sư.

Lêwi 22:27

Tơdah, kon rơmo, kon triu, kon bơbe, đơ̆ng rŏng kơ sư tuh athei oei hơdai mĕ sư lăm tơpơh năr. Mă-lei ưh kơ hloh năr mă tơhngam ôh, iŏk đơ̆ng năr âu tơ anăp Inh gô iŏk sư jing tơmam pơyơ̆r soh hăm ŭnh ăn kơ Kră Yang.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Jo 18:13

Dôm tơmam plei 'long sa mă đơ̆ng teh, plei blŭng-a bơngai Isơrael pơyơ̆r kơ Kră Yang boih, noh 'măn kơ ih ngăl; hăm bơngai bu lăm hnam ih mă 'lơ̆ng rơgoh gơh sa.

Mathiơ 6:33

Thoi noh na iĕm athei ăn kơ Sư pơgơ̆r iĕm, hăm adrin pơm 'lơ̆ng thoi Sư wă, noh kăl hloh kơ dôm tơdrong nai; pơm thoi noh na Sư gô ăn kơ iĕm tôm tơmam iĕm kăl yua.

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.

Both 15:19

Iĕm athei klah lê̆ 'lơ̆ng rơgoh ăn kơ Kră Yang 'Bok Kei-Dei iĕm dôm lu kon kơdră tơno tuh blŭng-a lăm rơmo dah triu iĕm. 'Nĕ kơ choh rơuơ ôh rơmo tơno tuh blŭng-a păng kư̆m 'nĕ kơ yuă sŏk triu tơno kơdră tuh blŭng-a.

Ya 1:18

'Bok Kei-Dei ăn kơ bơ̆n jing bơngai 'nao Sư wă kơdih đĕch, na Sư ăn kơ bơ̆n kơtơ̆ng tơdrong Sư, lu bơ̆n jing thoi 'ba hrôih kơ lu bơngai nai yua kơ bơ̆n lui hơdrol.