Le 21:16 - Sơ̆p Hlabơar Nơ̆r 'Bok Kei-Dei

¹⁶ Bơngai bu rôp tơtông bơngai păng tĕch, dah oei rôp bơwei lăm ti sư, đe gô sek pơlôch sư.

Le 21:16 Iomraidhean Croise

Bl 37:28

Thoi noh, kơplah lu bơngai Madian khŭl mơdro yak rok ei; lu 'nhŏng sư hơtŏk Jôsep đơ̆ng lăm sơlŭng đak, đơ̆ng noh tĕch lê̆ sư 'bar hlak jên hu kơ lu bơngai Ismael chông ba tơ char Êyiptơ.

Bl 40:15

Yua kơ đe rôp ba inh đơ̆ng bơngai Hêbrơ păng tơ âu inh ưh kơ đei pơm yoch kiơ, mă-lei đe kư̆m tah inh lăm hnam pơmat 'nâu.

Le 20:15

'Nĕ kơ tơtông klĕ.

Le 21:15

Bơngai bu teh 'bă dah mĕ sư kơdih, đe gô sek tơlang pơlôch sư.

Le 22:4

Dah tơmam mă bơngai tơtông kah đei iŏk, rơmo, aseh, dah triu, oei 'bôh arih lăm tơpang ti sư, lei bơngai tơtông khŏm duh hơgăt 'bar.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Tơdrông Tơ'bôh 18:12

tôm tơdrong tơmam thoi lĕ kơ maih, hu, tơmo gĭt, găr anam, che 'bui, brai thêt, che tơpu sơdrông; păng tôm kơ kơđoh 'long 'bâu phu; tôm kơ tơmam đơ̆ng bơla rôih, 'long kơdrăk, mam kong, tôm tơdrong mam, bơ̆n tơmo rang thoi akar pơnhan;