Le 20:11 - Sơ̆p Hlabơar Nơ̆r 'Bok Kei-Dei

¹¹ yua kơ lăm tơdrâu năr Kră Yang đei pơjing plĕnh, teh, đak dơsĭ păng đĭ-đăng tơmam tơ lăm noh, năr tơpơh sư pơdơh: Na Kră Yang sơkat ăn pŭn hiôk kơ năr tơpơh wă 'măn pơm năr giĕng 'lơ̆ng rơgoh.

Le 20:11 Iomraidhean Croise

Bl 1:28

Kră Yang 'Bok Kei-Dei ăn pŭn hiôk kơ kon bơngai păng khan thoi âu: “Athei pơjing chek lar rai lơ, wă kơ 'bĕnh jơ̆p kơ teh; athei pơm ăn kơ teh đak chu yom, athei pơgơ̆r lu ka lăm đak dơsĭ, khŭl sem păr kơpal plĕnh păng đĭ-đăng kon sem brem adrŏ kơpal teh.”

Bl 1:31

Kră Yang 'Bok Kei-Dei 'bôh dôm tơdrong đơ̆ng Sư pơjing 'lơ̆ng tơpă. Đơ̆ng noh đei kơsơ̆ păng pơgê noh năr mă tơdrâu.

Le 31:17

Tơdrong noh jing tơdrong tơdra Inh hăm kon pơlei Isơrael ling-lang khŏm khŏm, yua kơ Kră Yang pơjing kơ plĕnh teh păng tôm tơmam lăm tơdrâu năr. Truh năr tơpơh sư pơdơh.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Le 9:29

Môis tơl khan kơ sư: Lăp mưh inh lĕch hlôi tơ 'nguaih kơ pơlei, inh gô yơ̆r ti tơ Kră Yang; grơ̆m glaih gô pơdơh, 'mi prĕl gô pă đei dơ̆ng, wă kơ ih băt kơ plĕnh teh đơ̆ng Kră Yang.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 48:13

Ti inh pơjing bơih hơnă teh Ti gah 'ma Inh đei bơlang bơih plĕnh; Inh krao plĕnh teh lu sư iung hơdai hloi.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 20:7

Kơsơ̆ năr mă mônh lăm giĕng nhôn akŭm wă kơkuh kơ 'Bok Kei-Dei păng sŏng sa hơpong dih băl. Na Pôl bơtho lu bơngai akŭm ei tơdrong 'Bok Kei-Dei. Sư bơtho đunh tơpă khŏm khŏm truh tơ mơjĭt-'bar jơ kơmăng, yua kơ sư wă tơklah dih băl năr dơning na nhôn athei ngôi hơpong dih băl mă hrăp.

Jang 4:24

Lu bôl sư kơtơ̆ng thoi noh boih, na đĭ kơ lu sư ei krao khan kơ 'Bok Kei-Dei thoi âu: “Ơ Kră Yang 'Bok Kei-Dei, nhôn băt kơ Ih pơjing plĕnh teh păng đak dơsĭ; păng đĭ-đăng tơmam đơ̆ng Ih pơjing ngăl.

Both 5:15

Iĕm athei 'blŏk thoi lu iĕm hlôi pơm đĭch boih tơ dêh Êyiptơ, na Kră Yang 'Bok Kei-Dei iĕm yua ti mơsêh mơyang pran kơtang chông ba iĕm lĕch hlôi đơ̆ng noh; yua kơ thoi noh na Kră Yang 'Bok Kei-Dei iĕm đei tơtă boih kơ iĕm, wă kơ iĕm 'blŏk kơ năr pơdơh.

Hêbrơ 4:4

Yua kơ lăm hla bơar Sư kư̆m đei khan gah năr tơpơh noh sơ̆ thoi âu: “Truh năr tơpơh, 'Bok Kei-Dei pơdơh tôm kơ tơdrong jang Sư.”

Tơdrông Tơ'bôh 10:6

na sư pơma pơsĭt kơ đe 'bơ̆t anăp 'Bok Kei-Dei Kră Yang arih ling-lang ưh kơ đei layơ tôch, sư pơjing plĕnh tôm tơdrong kơpal plĕnh, pơjing teh tôm tơdrong kơpal teh, pơjing đak dơsĭ tôm tơdrong lăm đak dơsĭ. Na tơdrong sư pơma pơsĭt kơ đe noh khan: “'Bok Kei-Dei ưh pă wă gô dơ̆ng boih.